هەواڵ
پارتی و یەكێتی و گۆڕان سبەینێ خوێندنەوەی دووەم بۆ پێشنیازەیاسای درێژكردنەوەی خولی پێنجەمی پەرلەمان دەكەن
2022-10-05
دوای ئەوەی ئەمرۆ خوێندنەوەی یەكەمی بۆ كرد، سبەی پەرلەمانی كوردستان كۆدەبێتەوە و خوێندنەوەی دووەم بۆ پێشنیازەیاسای درێژكردنەوەی خولی پێنجەم دەكات.
دەستەی سەرۆكایەتی پەرلەمانی كوردستان بەرنامەی كاری كۆبوونەوەی سبەی 6/10/2022ی بڵاوكردەوە و یەكێك لە تەوەرە سەرەكییەكانی كۆبوونەوەكە، خوێندنەوەی دووەمە بۆ بۆ پێشنیازەیاسای درێژكردنەوەی خولی پێنجەم.
بەرنامەی كاری دانیشتنی سبەی پەرلەمانی كوردستان بەمشێوەیەیە
بەپێی حوكمی مادەی (٥) و بڕگەی (یەكەم) لە مادەی (١٦) و بڕگەی (سێیەم) لە مادەی (١٨) و بڕگەكانی (یەكەم و دووەم و سێیەم و چوارەم و پێنجەم) لە مادەی (٢٠) و مادەكانی (٤٧، ٤٨) و بڕگەی (یەكەم) لە مادەی (٥٢) و مادەكانی (٥٤، ٥٥، ٥٦، ٥٧) لە پەیڕەوی ناوخۆی پەرلەمانی كوردستان-عێراق، دەستەی سەرۆكایەتیی پەرلەمان بڕیاریدا بەرنامەی كاری دانیشتنی ژمارە (١٠)ی ئاسایی خولی پایزەی ساڵی چوارەم له خولی پێنجەمی هەڵبژاردنی پەرلەمان لە كاتژمێر (١١)ی پێشنیوەڕۆی ڕۆژی پێنجشەممە ڕێكەوتی ۲۰۲۲/۱۰/٦ بەم شێوەیە بێت:
یەكەم: خوێندنەوەی دووەم بۆ پێشنیازەیاسای (بەردەوامبوونی خولی پێنجەمی پەرلەمانی كوردستان-عێراق)، بەپێی بڕگەی (پێنجەم) لە ماددەی (٧٨) و ماددەكانی (٧٩، ٨٠) لە پەیڕەوی ناوخۆی پەرلەمانی كوردستان.
دووەم: بەردەوامبوون لەسەر خوێندنەوەی دووەم بۆ پڕۆژەیاسای (پەروەردە و فێركاری لە هەرێمی كوردستان-عێراق)، بەپێی حوكمی ماددەكانی (٨٧، ٨٨، ٨٩، ٩٧) لە پەیڕەوی ناوخۆی پەرلەمانی كوردستان.
لە كۆبوونەوەی ئەمڕۆدا پەرلەمانی كوردستان خوێندنەوەی یەكەمی بۆ پێشنیازەیاسای درێژكردنەوەی خولی پێنجەم كرد و پێشنیازە یاسای درێژكردنەوەكە بەدەنگی زۆرینەی پەرلەمانتاران خەسڵەتی بەپەلەی پێدرا.
پەرلەمانی كوردستان تائێستا حەوت جار درێژكراوەتەوە و بەدرێژكردنەوەی ئەمجارە دەبێتە هەشتەم جار كە درێژ دەكرێتەوە، چوار جاریان بەهۆی شەڕی ناوخۆی نێوان یەكێتی و پارتی بووە، ئەمجارەش پارتی و یەكێتی و گۆڕان و پێكهاتەكان دەنگیان بەدرێژكردنەوەیدا، بەڵام نەوەی نوێ و یەكگرتووی ئیسلامی و كۆمەڵی دادگەری دەنگیان بە درێژكردنەوەی نەداوە، لەگەڵ چەند پەرلەمانتارێكی گۆڕان و چەند پەرلەمانتارێكی سەربەخۆ.
بابەتی لێکچو
-
سەنتەری میترۆ: رێکخەرەکەمان کەوتووەتە بەر هێرشی سوپایەکی ئەلیکترۆنی
هەواڵ2025-10-02
-
ئیلۆن مەسک یەکەم کەسە لە مێژوودا سامانەکەی گەیشتە 500 ملیار دۆلار
هەواڵ2025-10-02
-
ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە
هەواڵ2025-09-30
-
چاوەڕوان دەکرێت ئەمڕۆ بەغدا مووچەی مانگی حەوت خەرجبکات
هەواڵ2025-09-30
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
