تەندروستی

ئەو كەسانەی دەرمانی كۆلیسترۆڵ و شەكرە بەكاردەهێنن، توێژینەوەیەكی نوێ هەواڵێكی ناخۆشی پێیە

Mic
2022-11-10

توێژینەوەیەكی پزیشكی ئاشكرایكردووە پەیوەندی لەنێوان دەرمانی چارەسەری بەرزبوونەوەی كۆلیسترۆڵ و ئەو دەرمانەدا هەیە كە كۆنترۆڵی شەكرەی جۆری دووەم دەكات، هەروەها ئەگەری توشبوونی بە تێكچوونی چاو لەگەڵ تێپەڕبوونی تەمەن و پیریدا.
بەپێی ئەو توێژینەوەیە كە ئەنجامەكەی لەگۆڤارێكی بەریتانی تایبەت بە نەخۆشیەكانی چاو بڵاوكراوەتەوە، ئاماژە بەوەدەكات پەیوەندی بەهێز هەیە لەنێوان دەرمانی بەرزبوونەوەی كۆلیسترۆڵ و ئەو دەرمانەی بۆ كۆنترۆڵی نەخۆشی شەكرەی جۆری دووەم بەكاردەهێنرێت، هاوكات بەپێی تێپەڕبوونی تەمەن و بەرەو پیری ڕەنگبینی چاو تێكدەدات.
ئەو توێژینەوەیە زیاتر لە نۆ هەزار كەس بەشداری تێداكردووە، كە سەرجەمیان لەئەوروپا بوون،سەرجەم بەشداربووان تەمەنیان لەسەروو 50 ساڵ بووە، بەشێكیان دەرمانی كەمكردنەوەی فشاری كۆلیسترۆڵیان بەكارهێناوە، هاوكات دەرمانی ئەنسۆلینیان بەكارهێناوە كە بۆ كۆنترۆڵكردنی نەخۆشی شەكرەی جۆری دووەم بەكاردەهێنرێت، هەروەها دەرمانی كەمكردنەوەی هەوكردنیان بەكارهێناوە، بەشێكیشیان دەرمانی كەمكردنەوەی نەخۆشی تێكچوونی دەمارەكانیان خواردووە.
ئەنجامەكان ئەوەیان دەرخستووە، ئەو كەسانەی دەرمانەكانیان بەكارهێناوە بەرێژەی %15 بۆ %22 تووشی نەخۆشی تیچكچوونی چاو بوون.

More News

Most Popular

هەواڵ

وردەكاری دواخستنی دانیشتنێكی دادگای فیدراڵی عێراق لەبارەی درێژكردنەوەی تەمەنی پەرلەمانی كوردستان

Mic
2023-01-31

دانیشتنی دادگای باڵای فیدراڵیی عێراق لەبارەی درێژکردنەوەی تەمەنی پەرلەمانی کوردستان بۆ حەوتی شوبات دواخرا، نوێنەرانی هەرێم پاساوی ئامادەنەبوونیان  خراپیی کەشوهەواوە بووە.
 بڕیار بوو ئەمڕۆ سێشەممە، 31-01-2023، دادگای باڵای فیدراڵیی عێراق لەبارەی سکاڵایەک کۆببێتەوە کە لە دژی درێژکردنەوەی تەمەنی ئەم خولەی پەرلەمانی کوردستان تۆمارکراوە، بەڵام رێبوار ئەوڕەحمان وتەبێژی فراكسیۆنی نەوەی نوێ لەپەرلەمانی عێراق رایگەیاند: ئەمڕۆ لە دانیشتنی دادگای فیدراڵی تایبەت بە درێژكردنەوەی نایاسایی پەرلەمان و سەرۆكایەتییەكان كە لەلایەن سەرۆكی جوڵانەوەی نەوەی نوێ و سروە عەبدولواحید سەرۆكی فراكسیۆنی نەوەی نوێ تۆماركرابوو دواخرا بۆ حەوتی مانگی دوو كرایە دانیشتنێكی كراوە.
 بڕیاربوو ئەمڕۆ دادگای باڵای فیدراڵیی عێراق لەبارەی دوو سکاڵا کۆببێتەوە کە ئەوانیش یەكەمیان ئەو سكاڵایەی لەسەر درێژکردنەوەی تەمەنی پەرلەمانی کوردستان تۆمارکرابوو، دووەمیش سکاڵا لەسەر هەرسێ سەرۆکایەتییەکەی عێراق تۆمارکرابوو و سکاڵاکار داوا دەکات راسپاردنی محەممەد شیاع سوودانی بۆ پێکهێنانی حکومەت هەڵبوەشێندرێتەوە.
 سکاڵای یەكەم بە ناوی سروە عەبدولواحید، سەرۆکی فراکسیۆنی نەوەی نوێ لە پەرلەمانی عێراق پێشکەشکراوە، لە پاش ئەوەی لەگەڵ سێ سکاڵای دیکەدا یەکخران، کە لەلایەن یوسف محەممەد، سەرۆکی پێشووی پەرلەمانی کوردستان؛ شاسوار عەبدولواحید، سەرۆکی جووڵانەوەی نەوەی نوێ و کاوە عەبدولقادر، سەرۆکی فراکسیۆنی نەوەی نوێ لە پەرلەمانی کوردستان پێشکەش کرابوون و 18ـی کانوونی یەکەمی 2022، یەکەم دانیشتن لەبارەی سکاڵاکان کرا.
 سکاڵاکار لەو سکاڵایەدا داوای پووچەڵکردنەوەی یاسای ژمارە 12ـی رۆژی 9-10-2022ـی تایبەت بە درێژکردنەوەی خولی پێنجەمی پەرلەمانی کوردستان دەکات بەهۆی دژایەتیی لەگەڵ هەردوو ماددەی 5 و 20ـی دەستووری عێراق، جگە لەوەش لە داواکەدا هاتووە: مافی دەستووریی دیاریکراو لە ماددەی 51ـی یاسای هەڵبژاردنی پەرلەمانی کوردستان ژمارە 1ـی ساڵی 1992 پێشێل دەکات.
رۆژی 9ـی تشرینی یەکەمی 2022، پەرلەمانتارانی پارتی و یەكێتی و بەشێك لەفراكسیۆنی گۆڕان و پێكهاتەكان تەمەنی ئەم خولەی پەرلەمانیان تاوەکو کۆتایی ساڵی 2023 درێژکردەوە، خولی پێنجەم رۆژی 06-11-2022 کۆتایی هات، درێژکردنەوەی تەمەنی پەرلەمان  هێزەکانی ئۆپۆزیسیۆنی تووڕەکرد و لەنێوان بەشدارینەکردن لە کۆبوونەوەکانی پەرلەمان و بایکۆتکردنی و هەڵپەساردنی ئەندامێتی خۆیانهێشتەوە.