هەواڵ
ئێران هێلیكۆپتەر بۆ كۆنترۆڵكردنی خۆپیشاندانەكانی رۆژهەڵاتی كوردستان بەكاردەهێنێت
2022-11-20
بە درێژایی شەوی رابردوو، خۆپیشاندان لە چەند شارێكی رۆژهەڵاتی كوردستان و ئێران بەردەوامبوو، بەگوێرەی نوێترین ئامار، ژمارەی كوژراو 400 كەسی تێپەڕاندووە و بەهەزاران كەسیش بریندارن و زیاتر لە 15 هەزار كەسیش تائێستا دەستگیركراون.
شەوی رابردوو تاوەكو بەرەبەیانیی ئەمڕۆ یەكشەممە 20ی تشرینی دووەمی 2022، لە شارەكانی بۆكان، مەریوان، دیواندەرە، بۆكان، سنە، ورمێ و مەهابادی رۆژهەڵاتی كوردستان، خۆپیشاندان بەردەوامبووە، خۆپیشاندەران بە فیشەكی هەوایی، سووتاندنی تایە و داخستنی رێگاوبانەكان، روبەڕوی هێزە ئەمنییەكان دەبوونەوە.
خۆپیشاندەران رێگەی سەرەكی بۆكان – میاندوئاو، پیرانشار – سەردەشت، مەهاباد – میاندووئاو، میاندووئاو – ورمێ، مەهاباد – بۆكانیان بە داروبەرد داخستووە.
لەدرێژەی خۆپیشاندانەكان و بۆ كۆنترۆڵكردنی دۆخەكە ئێران جگە لە هێزی سەربازی چەندین هێلیكۆپتەری شەڕكەری بردووەتە شارە كوردیەكان و ماڵپەڕی رێكخراوی مافی مرۆڤی هەنگاو دیمەنی سوڕانەوەی هێلیكۆپتەرەكانیان بەسەر ئاسمانی شارە كوردیەكان بڵاوكردووەتەوە.
هاوكات ئاژانسی هەواڵی هەرانا، كە سەر بە ژمارەیەك چالاكوانی مافەكانی مرۆڤی ئێرانە، ئامارێكی نوێی لەبارەی كوژراو و دەستگیركراوانی خۆپیشاندانەكان بڵاكردووەتەوە، بەگوێرەی ئامارەكە، تاوەكو ئێستا 402 كەس لە ئەنجامی تەقەی راستەوخۆی هێزەكانی سەر بە دەوڵەت گیانیان لەدەستداوە، كە لەو ژمارەیە ٥٨ كەسیان تەمەنیان لە خوار 18 ساڵەوەیە.
ئاژانسەكە، مەزەندەی كردووە، لەو ماوەیەدا 16 هەزار و 813 كەس لە ئێران دەستگیركراون كە لانیكەم 524 كەسیان خوێندكارن.
خۆپشاندانەكان زیاتر لە 150 شاری ئێران و رۆژهەڵاتی كوردستانی گرتووەتەوە، هاوكات لە 150 زانكۆش بە بەردەوامی خۆپیشاندان ئەنجام دەدرێن، دوای ئەوەی لە 16 ی ئەیلولی رابردوو ژینا ئەمینی كچە كوردی خەڵكی سەقز دوای سێ رۆژ مانەوەی لەنەخۆشخانە گیانی لەدەستدا، دواتر ئاشكرابوو بەپاساوی نەشیاوی جلوبەرگەكەی لەگەڵ یاساكانی كۆماری ئیسلامی ئێران پۆلیسی ڕەوشت لەتاران دەستگیریان كردووە و ئەشكەنجەیان داوە.
دوای گیانلەدەستدانی ژینا ئەمینی خۆپیشاندان لەرۆژهەڵاتی كوردستان و ئێران سەریهەڵدا و تائێستا كە زیاتر لەدوو مانگە بەردەوامە، لەسەر ئاستی جیهانیش پشتگیری بەرفراوانی دەكرێت.
ئەوەش لەكاتێكدایە ئەمرۆ ئاژانسی میهری فەرمی ئێران هەریەك لە ئیمارات و بەحرەین و سعودیە وئەمریكای بە پشتیوانی خۆپیشاندانەكانی ئێران تۆمەتبار كرد.
بابەتی لێکچو
-
سەنتەری میترۆ: رێکخەرەکەمان کەوتووەتە بەر هێرشی سوپایەکی ئەلیکترۆنی
هەواڵ2025-10-02
-
ئیلۆن مەسک یەکەم کەسە لە مێژوودا سامانەکەی گەیشتە 500 ملیار دۆلار
هەواڵ2025-10-02
-
ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە
هەواڵ2025-09-30
-
چاوەڕوان دەکرێت ئەمڕۆ بەغدا مووچەی مانگی حەوت خەرجبکات
هەواڵ2025-09-30
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
