هەواڵ
هێشتا خۆپیشاندان و ناڕەزایەتیەكان لەئێران درێژەیان هەیە
2022-11-22
خۆپیشاندانەكانی ڕۆژهەڵاتی كوردستان و ئێران بەردەوامن و بەهۆی زۆری توندوتیژی هێزەكانی دەوڵەت و بوونی ژمارەیەكی زۆر بریندار، نەخۆشخانەی شاری جوانرۆی كرماشان، تووشی قەیرانی كەمبوونی خوێن بووەوە، بەپێی وتەی رێكخراوەكانی مافی مرۆڤ دوێنێ تا درەنگانی شەو پێنج كەس تەنها لەشاری جوانڕۆ كوژراون.
دوێنێ هاوكات، لەگەڵ بە خاكسپاردنی كوژراوانی ڕۆژی ٢٠ی ئەم مانگە، لە شارەكانی جوانڕۆ و پیرانشاری ڕۆژهەڵاتی كوردستان خۆپیشاندانی گەورە بەڕێوەچوو، لە جوانڕۆ هێزەكانی سوپای پاسداران ڕاستەوخۆ تەقەیان لە خۆپیشاندەران كرد و باس لە كوژرانی لانیكەم پێنج خۆپیشاندەری دیكە لەو شارە دەكرێت.
هەروەها، بە هۆی بوونی دەیان بریندارەوە، بانكی خوێنی نەخۆشخانەی جوانڕۆ تووشی قەیرانی كەمبوونی خوێنبوو، بەڵام هەرزوو لە شارەكانی تر و بەتایبەتی لە كرماشان سەدان هاوڵاتی ڕوویان لە ناوەندەكانی خوێن بەخشین كرد.
بۆ پاڵپشتی لە جوانڕۆ لە شارەكانی وەك سەلاسی باوەجانی و ڕوانسەر و پاوە خۆپیشاندان بەڕێوەچوو، بەڵام هێزەكانی دەوڵەت بە توندی ڕووبەڕووی خۆپیشاندەران بوونەوە.
لەشارەكانی بانە، مەریوان، سەقز، دێوڵان، كامیاران، دیواندەڕە، قوڕوە، سنە، كرماشان، ئاودانان و چەند ناوچەیەكی دیكەی ڕۆژهەڵات، خۆپیشاندان و گردبوونەوە بەڕێوەچوو، لە شاری شنۆ دوكانداران و كاسبكاران مانیان گرت و لە كرماشانیش چلەی یەكێك لە خۆپیشاندەرە گیانبەختكردووەكان گۆڕدرا بۆ خۆپیشاندان.
لە زانكۆی سنەش هاوشێوەی شەوی پێشووتر گردبوونەوەی خوێندكاران بەردەوام بوو، تیایدا بە وتنەوەی دروشم و سرودە نیشتمانییەكان درێژەیان بە چالاكییە ناڕەزایەتییەكانیاندا.
لەلایەكی دیكەوە بەشێكی بەرچاو لە مامۆستایانی ئایینی سنە و دێوڵان گردبوونەوە و لە ڕاگەیەندراوێكدا وێڕای شەرمەزاركردنی توندوتیژی هێزەكانی دەسەڵات بەرامبەر بە خۆپیشاندەران، داوای ئازادكردنی دەستگیركراوان و لێپێچینەوە لەو كەسانەیان كرد، كە لە سەركوتی خۆپیشاندەران بەشداربوون، ئەو مامۆستا ئایینیانە داواشیان كرد، بە مەبەستی دەرچوون لە دۆخی ئێستا داواكاری خۆپیشاندەران بخرێتە ڕیفراندۆمەوە.
لە سەر ئاستی ئێرانیش خۆپیشاندان و گردبوونەوە لە چەند شارێكی وەك تاران، زاهیدان، بوشەهر، بەندەرعەباس و مەرودەشت بەڕێوەچوو، خوێندكارانی زانكۆش، كە لە سەرەتای خۆپیشاندانەكانەوە بێ وچان بەشداربوون لە ناڕەزایەتییەكان، درێژەیان بە چالاكییەكانیاندا.
تائێستا بەپێی بەپێی نوێترین ئاماری رێكخراوی هەرانا 402 كەس لە ئەنجامی تەقەی راستەوخۆی هێزەكانی سەر بە دەوڵەت گیانیان لەدەستداوە، كە لەو ژمارەیە ٥٨ كەسیان تەمەنیان لە خوار 18 ساڵەوەیە.
دوای ئەوەی لە 16 ی ئەیلولی رابردوو ژینا ئەمینی كچە كوردی خەڵكی سەقز دوای سێ رۆژ مانەوەی لەنەخۆشخانە گیانی لەدەستدا، دواتر ئاشكرابوو بەپاساوی نەشیاوی جلوبەرگەكەی لەگەڵ یاساكانی كۆماری ئیسلامی ئێران پۆلیسی ڕەوشت لەتاران دەستگیریان كردووە و ئەشكەنجەیان داوە، خۆپیشاندان لەرۆژهەڵاتی كوردستان و ئێران سەریهەڵدا و تائێستا زیاتر لەدوو مانگە بەردەوامە، لەسەر ئاستی جیهانیش پشتگیری بەرفراوانی دەكرێت.
More News
 copy.jpg)
Most Popular
-
بەهۆی دواكەوتنی گەشتەكەی بو بە ملیۆنێر
ژیان2024-07-23
1
-
توێژینەوەیەکی نوێ: میسڕییە کۆنەکان نەشتەرگەری شێرپەنجەیان بەسەرکەوتوویی ئەنجامداوە
زانست2024-07-22
2
-
درێژترین تەلەفریک لەجیهاندا
ژیان2024-07-24
3
-
بۆچی پێویستە سەردانی باخچەی ئاژەڵان بکەین؟
ژیان2024-07-23
4
-
چۆن لە کاتی دوودڵیدا بڕیارە راستەکە دەدەیت؟
ژیان2024-07-22
5
-
بۆچی پێویستە منداڵەكان فێری ژەنینی پیانۆ بكرێن؟
-182024-07-23
6
-
زیاتر لە یەک ملیار گەنج مەترسی لەدەستدانی بیستنیان لەسەرە
تەندروستی2024-07-23
7
-
گەنجێک لە ئاکرێ "دەڕفێنرێت"
هەواڵ2024-07-23
8
Tech
چۆن مۆبایلەکەت لە زیانەکانی گەرما دەپارێزیت؟
2024-07-27
گۆڤاری "کۆنێکت"ی ئەڵمانی ئەم ئامۆژگاری و ڕێنماییە بەسوودانەی خوارەوەی خستووەتەڕوو بۆ پاراستنی مۆبایل لە گەرمای زۆر:
١. ئاگاداری توانای گەرمی پاتری مۆبایلەکەت بە.
٢. مۆبایلەکەت بکوژێنەرەوە کاتێک لەناو ئۆتۆمبێلدایت، لە وەرزی هاویندا واباشە مۆبایل لە پشت پەنجەرەی شووشە یان ناو ئۆتۆمبێل بەجێ نەهێڵرێت، چونکە بەر گەرمای زۆر دەکەوێت، ئەمەش ڕەنگە ببێتە هۆی توانەوەی پلاستیکەکان.
٣. ئاماژە و ئاگادارییەکانی مۆبایلەکەت کە لەسەر شاشە دەردەکەون فەرامۆشی مەکە.
٤. هەنێک لە تایبەتمەندییەکانی مۆبایلەکەت بکوژێنەرەوە وەک GPS یان بەرنامە زیادەکان.
٥. دوورکەوتنەوە لە تیشکی ڕاستەوخۆی خۆر، چونکە تیشکی ڕاستەوخۆ دەبێتە هۆی گەرمبوونی مۆبایلە زیرەکەکان و تابلێتەکان و کوژانەوەیان.
٦. دووربکەوەرەوە لە بارگاویکردنی مۆبایل لە کاتی گەرمیدا، چاوەڕی بکە تا مۆبایلەکە سارد دەبێتەوە، بەو پێیەی پرۆسەی بارگاویکردن پلەی گەرمی مۆبایل زیاد دەکات.
٧. بەکارهێنانی کەڤەری پارێزەر، کەڤەری پارێزەر بە ئامرازێک دادەنرێت بۆ درێژکردنەوەی تەمەنی مۆبایلەکان، بەو پێیەی مۆبایل لە بەرکەوتنی تۆز و خۆڵ و شێداری دەپارێزێت لەگەڵ ئەوەشدا نابێت مۆبایل بەر تیشکی ڕاستەوخۆی خۆر بکەوێت، تەنانەت بە بەکارهێنانی ئامێری پارێزەریش.
ئەگەر مۆبایلێکی زیرەک یان تابلێتێک بەر گەرمایەکی زۆر کەوت، باشتر وایە ئامێرەکە بکوژێنیتەوە بۆ ئەوەی پاترییەکەی بۆ ماوەیەکی درێژ تێک نەچێت یان بەتەواوی ئامێرەکە تێک نەچێت.
