هەواڵ
ئایا توركیا هێرشی زەمینی دەكاتە سەر عێراق و سوریا، ئەمریكا چی بە توركیا و كوردەكان وتووە؟
2022-11-22
هەریەك لە ئەمریكا و روسیا و توركیا و هێزە كوردیەكان داوا دەكەن شەڕ لەباكوری سوریا ڕابگیرێت، لەم چەند رۆژەی دوایشدا سنوورەكانی باكوری سوریا و توركیا (رۆژئاوای كوردستان) چەند هێرشێكی بەخۆوە بینی، كە بەهۆیەوە چەندین كەس كوژران و برینداربوون.
لەوبارەیەوە نێد پرایس وتەبێژی وەزارەتی دەرەوەی ئەمریكا رایگەیاند: واشنتۆن دژی هەر جوڵەیەكی سەربازییە كە ببێتە هۆی تێكدانی ئاسایشی سوریا.
لەلایەن خۆشیەووە، بەوتەی نێردەی روسیا بۆ سوریا، روسیا داوای لەتوركیا كردووە دان بەخۆیدا بگرێت و هێزی سەربازی لەسوریا بەكارنەهێنێت و دۆخەكە هێندەی دیكە ئاڵۆز نەكات.
جەختكردنەوەكەی روسیا و ئەمریكا پاش ئەوە دێت كە توركیا رایگەیاند بەهۆی هێرشێكەوە بۆ سەر خاڵێكی سنوری وڵاتەكەی دوو كەس كوژراون، دواتریش هێرشەكەی خستە ئەستۆی یەپەگە و گروپە كوردیەكانی دیكە، ئەوەش لەكاتێكدایە پێش ئەو هێرشە و دوای هێرشەكەش توركیا چەند جارێك ناوچەكانی رۆژئاوای كوردستان و باشووری كوردستانی بۆردوومان كردووە، بەتایبەت دوای تەقینەوەكەی ئەستەنبوڵ كە ئەویش هەر گروپە كوردیەكانی سوریای نزیك لەپەكەكەی پێ تۆمەتبار كرد.
نێد پرایس وتەبێژی وەزارەتی دەرەوەی ئەمریكا زیاتر لەبارەی هۆشداریەكانی ئەمریكا بۆ توركیا قسەیكردوە و دەڵێت: واشنتۆن ئاگاداری ئەنقەرەی كردووەتەوە كە هێرشی سەربازی بۆسەر باكوری سوریا مەترسی گەورەی دەبێت بۆ شەڕی دژ بە داعش.
نێد پرایس دەشڵێت: داوامان لەتوركیا كرد هێرشی سەربازی ئەنجام نەدات، وەك چۆن داوامان لەهاوبەشە سوریەكانمان كرد هیچ هێرشێك ئەنجام نەدەن و گرژی دروست نەكەن.
وتەبێژەكەی وەزارەتی دەرەوەی ئەمریكا دەشڵێت: دژی هەر هێرشێكی سەربازین كە ببێتە هۆی ئاڵۆزكردنی زیاتری دۆخی سوریا، بەهەمانشێوە دژی ئەوەین سەروەری عێراق پێشێل بكرێت لەرێگەی هێرشی سەربازی كە هەماهەنگ نەبێت لەگەڵ حكومەتی عێراق، بەهەمانشێوە دژی ئەو هێرشانەین كەبەمدواییە لەباشووری توركیا ئەنجامدراو بەهۆیەوە ژمارەیەك مەدەنی بوونە قوربانی.
بەرپرسێكی ئەمنی توركیا ئاشكرایكردووە لەهێرشەكەی دووشەممەی رابردوو لەگازی ئەنتابی باشووری توركیا، منداڵێك و پیاوێك كوژراون و شەش كەسی دیكەش برینداربوون، دواتریش توركیا چەند هێرشێكی لەیەك كاتدا بۆسەر سوریا و عێراق ئەنجامدا.
هاوكات رەجەب تەیب ئەردۆغان سەرۆك كۆماری توركیا رایگەیاند: هێرشەكان تەنها لەهێرشی ئاسمانیدا ناوەستن، بەڵكو هێرشی وشكانی لەسوریا دژ بە "تیرۆریستان" ئەنجامدەدات. مەبەستەكەی ئەردۆغان هێزە كوردیەكان بوون.
لەم ساڵانەی دوایدا توركیا چەندین ئۆپەراسیۆنی لەباكوری سوریا و عێراق دژ بە پەكەكە و هێزە كوردیەكانی سوریا ئەنجامداوە، بەڵام ئەمریكا نەیاری ئەو هێرشانەیە و هێرشەكانیش بووەتە خاڵی ناكۆكی نێوان توركیا و ئەمریكا كە دوو هاوبەشی ناتۆن.
هێزەكانی سوریای دیموكرات دەڵێن ئەو هێرشانەی توركیا ئەنجامیداون، نەخۆشخانە و شوێنی مەدەنی كردووەتە ئامانج و 11 مەدەنی بەهۆیەوە گیانیان لەدەستداوە، هەروەك چەند شەڕڤانێكیان بوونەتە قوربانی.
بابەتی لێکچو
-
.jpg)
Mic Exclusive:دەم پارتی بۆ بەشداریکردن لە رێورەسمی چەکدانانی قەندیل دێتە هەرێمی کوردستان
هەواڵ2025-07-05
-
عێراق ژمارەی ئەو هاوڵاتییانەی ئاشکرا دەکات کە لە کەمپی هۆلەوە گەڕێنراونەتەوە
هەواڵ2025-07-05
-
درۆنەکانی ئیسرائیل ئەحمەد حاجی رەشید راپێچی بەردەم دادگای هەولێر دەکەن
هەواڵ2025-07-03
-
ناڕەزایەتی تورکمانەکان لیژنە بۆ گۆڕانکاری بە پارێزگاری کەرکووک پێکدەهێنێت
هەواڵ2025-07-03
More News
 copy.jpg)
Most Popular
-
درۆنەکانی ئیسرائیل ئەحمەد حاجی رەشید راپێچی بەردەم دادگای هەولێر دەکەن
هەواڵ2025-07-03
1
-
ئیتر کورد و دیاردەی فایەق زێدان
هەواڵ2025-07-03
2
-
هەڵبژاردن شەڕی نەوەی نوێ و کۆمەڵ گەرم دەکات
هەواڵ2025-07-01
3
-
وردەکاریی هێرشە موشەکییەکەی شاری کەرکوک
هەواڵ2025-07-01
4
-
سودانی ئەمشە و بڕیار لە رەشنوسی رێککەوتنی هەرێم و بەغدا دەدات
هەواڵ2025-07-02
5
-
موسڵمانێک دەبێتە سەرۆکی شارەوانی نیویۆرک
هەواڵ2025-07-03
6
-
ناڕەزایەتی تورکمانەکان لیژنە بۆ گۆڕانکاری بە پارێزگاری کەرکووک پێکدەهێنێت
هەواڵ2025-07-03
7
-
درۆنێکی بۆمبڕێژکراو لە گەرمیان کەوتەخوارەوە
هەواڵ2025-07-03
8
هەواڵ
Mic Exclusive:دەم پارتی بۆ بەشداریکردن لە رێورەسمی چەکدانانی قەندیل دێتە هەرێمی کوردستان
2025-07-05
شاندێکی دەم پارتی بەشداری یەکەم رێورەسمی چەکدانانی پەکەکە دەکات و داواش لە چالاکوان و رۆژنامەنووسان دەکات مۆڵەت بۆ روماڵکردنی وەربگرن، سەرۆک کۆماری تورکیاش دەڵێت، چەکدانانی پەکەکە پرۆسەی ئاشتی خێراتر دەکات.
10 رۆژی داهاتوو لە رێورەسمێکدا نزیکەی 30 گەریلای پارتی کرێکارانی کوردستان - پەکەکە لە سلێمانی چەک دادەنێنن.
بەردان ئۆزتورک، پەرلەمانتاری دەم پارتی بە دیجیتاڵ میدیای Micـی راگەیاند، دەم پارتی بە شاندێک بەشداری رێوڕەسمی چەکدانانی گەریلاکانی پەکەکە دەکات.
دەم پارتی تا ئێستا ئەندامانی شاندەکەی دیاریی نەکردووە، ئۆزتورک وتی،" لە چەند رۆژی داهاتوودا دەستەی گشتی دەم پارتی ئەندامانی شاندەکە دیاریی دەکات.
چاوەڕوان دەکرێت، رێورەسمی چەکدانانی یەکەم پۆلی گەریلاکانی پەکەکە لە 10 بۆ 12ـی تەمووز لە سنوری پارێزگای سلێمانی ئەنجام بدرێت، زاگرۆس هیوا، وتەبێژی کۆما جڤاکێن کوردستان -کەجەکە بە ئاژانسی ئەسۆشیەتد پرێسی راگەیاندووە، پرۆسەکە بە سەرپەرشتیی رێکخراوەکانی کۆمەڵگەی سڤیل و لایەنە پەیوەندیدارەکان بەڕێوەدەچیت و گەریلاکان چەکەکانیان لەناو دەبن.
رێورەسمی چەکدانانی یەکەم پۆلی گەریلاکانی پارتی کرێکارانی کوردستان دەستپێشخەرییەکی سیمبولی پەکەکەیە بۆ پرۆسەی ئاشتی و بە چاودێری، هەولێر، بەغدا و ئەنقەرە ئەنجام دەدرێت.
دەم پارتی بۆ بەشداریکردن لە رێورەسمی چەکدانانەکەدا بانگهێشتی نووسەر و نوێنەری پارتەکانی کردووە، داواشی لە میدیاکانی تورکیا کردووە، بۆ وەرگرتنی مۆڵەتی رووماڵکردن ناویان تۆمار بکەن و هەماهەنگی لەگەڵ هەرێمی کوردستان بکەن.
بڕیارە لە چەند رۆژی داهاتوودا شاندێکی دەم پارتی لەگەڵ رەجەب تەیب ئەردۆغان کۆبێتەوە، سەرۆک کۆماری تورکیا رایگەیاندووە، تاوتوێی قۆناغەکانی داهاتووی پرۆسەی ئاشتی دەکەن، چونکە چەکدانانی پەکەکە پرۆسەی ئاشتی خێراتر دەکات.
پرۆسەی ئاشتی و چەکدانانی پەکەکە
پرۆسەی نوێی ئاشتی لە تورکیا و باکوری کوردستان، لە کۆتایی ساڵی 2024 بە دەستپێشخەری دەوڵەت باخچەلی سەرۆکی مەهەپە دەستیپێکرد، دواتر عەبدوڵا ئۆجالان رێبەری زیندانیکراوی پەکەکە وەڵامی داواکارییەکەی دایەوە و داوای خۆهەڵوەشاندنەوەی لە پەکەکە کرد
پەکەکە لە رۆژانی 5- 7ی ئەم مانگە کۆنگرەی 12ی خۆی بەست و دواتر رایگەیاند، بڕیاریانداوە چەک دابنێن و خۆیان هەڵبوەشێننەوە.
