هەواڵ

سلێمانی زۆرێك لەبەرپرسانی عێراق و هەرێم و وڵاتانی كۆكردەوە

 حەوتەمین دیداری سلێمانی بە دروشمی "دوای 20 ساڵ، عێراق و ناوچەكە لە نێوەندی ئاڵنگارییە جیهانییە نوێیەكاندا" لەزانكۆی ئەمریكی لەسلێمانی دەستیپێكرد و سبەینێش بەردەوام دەبێت.

 دیدارەكە لەكاتێكدایە چەند رۆژێكی دیكە 20 ساڵ بەسەر دەستپێكردنی جەنگی عێراق تێدەپەڕێت كە كۆتایی بە دەسەڵاتی سەدام حوسێن هات. 

لەماوەی دوو رۆژی دیدارەكەدا كەسانی بیرمەندو وپسپۆڕ‌ و شارەزا و بڕ‌یاربەدەستانی ناوچەكە و جیهان كۆدەبنەوە بۆ گفتوگۆكردن لەبارەی پرسە هەر دیارە ناوچەییەكانی جیهان و خستنەڕ‌ووی بیروبۆچوونەكانی ئێستا و ئەو خاڵانەی جێی ناكۆكین، ئەمەش دەرفەتێكی دەگمەنە بۆ كۆكردنەوەی كەسانی خاوەن بەرژەوەندی لەكاروباری هەرێمی لەگەڵ كەسانی بیرمەند و سیاسی، لەپێناو ئەنجامدانی گفتوگۆیەكی سیاسی و ستراتیژی كەلە جیهانی ئەمڕ‌ۆدا جێی بایەخ و گرنگیپێدانن.

لەدیارترین ئەو كەسایەتی و بڕیاربەدەستانەی لەدیدارەكەدا بەشدارن هەریەك لەمحەمەد شیاع سودانی سەرۆكوەزیرانی عێراق و جێنین پلاسخارت نێردەی تایبەتی سكرتێری گشتی نەتەوەیەكگرتووەكانن لەعێراق، هاوكات چەندین باڵیۆز و بەرپرسانی وڵاتانی جیهان بەشدارن، لەهەرێمی كوردستانیش جگە لە نێچیرڤان بارزانی سەرۆكی ماوەبەسەرچووی هەرێم بەشێكی زۆر لەسەركردەی حزبە سیاسیەكان تێیدا بەشدارن.

تەندروستی

بەکارهێنانی مەیکەپی دژە ئاو مەترسیدارە؟

توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.

ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.