هەواڵ

نەتەوە یەكگرتوەكان: لەماوەی كەرەنتینەدا بازرگانیكردن بە كۆكاینەوە ٣٥٪ زیادی كردووە

نەتەوەیكگرتوەكان لەدواین ڕاپۆرتیدا ئاشكرایكرد كە بەرهەمهێنان وبازرگانیكردنی كۆكاین لە جیهاندا، لەماوەی كەرەنتینەدا  گەشتۆتە ئاستێكی پێوانەیی،  بەجۆرێك لەنیوان ساڵانی ٢٠٢١-٢٠٢٢ دا بەڕێژەی ٪٣٥ زیادی كردووە.

نوسینگەی ماددە هۆشبەرەكان وتاوانەكانی نەتەوەیەكگرتوەكان ڕایگەیاند: چاندنی كۆكاین لەماوەی ڤایرۆسی كۆرۆنادا زیادیكردووە و خواست لەسەری زیادیكردووە،  ئاماژە بەوەش دەدات كە ناوەندی ساغكردنەوە و فرۆشتنی  نوێی كۆكاین لە ڕۆژئاوا و ناوەڕاستی ئەفریقا سەریانهەڵداوە، هەروەها لە ڕاپۆرتەكەدا هاتووە: بازرگانان زیاتر خزمەتگوزاری پۆستە نێودەوڵەتییەكان بەكاردەهێنن بۆ ئەوەی مادەی هۆشبەر بگەیەننە بەكارهێنەران.

 لە ئێستادا بازاڕی ئەوروپا و ئەمریكای باكوور گەورەترین بازاڕی كۆكاینن، لە دوای ئەویش ئەمریكای باشوور و ناوەڕاست و كاریبی دێن.

لە ڕاپۆرتەكەدا هاتووە: بازاڕەكانی ئەفریقا و ئاسیا هێشتا دوو وڵاتن كە سنوردارن لە مەڕ بەكارهێنان وبازرگانیكردن بە كۆكاینەوە ،  بەڵام غەدە وەلی لە نەتەوە یەكگرتووەكان ڕایگەیاندووە، ئەگەری فراوانبوونی بازاڕەكە لەوێ واقیعێكی مەترسیدارە.

ڕاپۆرتە  جیهانییەكان سەبارەت بە كۆكاین ئاماژەیان بەوەشكردووە، زیادبوونی بەرهەمهێنان لە ئەنجامی فراوانبوونی چاندنی كێڵگەكانی كۆكاین بووە، هەروەها باشتربوونی گۆڕینی كۆكاین بۆ كۆكاینی تۆزكراو، هەروەها دەشڵێت ئەو داتایانەی  كە وەرگیراون لەسەر دەستبەرداگرتنەكانی كۆكاین ئەوە پیشان دەدەن كە ڕۆڵی ئەفریقا، بەتایبەتی ڕۆژئاوا و ناوەڕاستی ئەفریقا، وەك دەروازەیەكی گواستنەوە بۆ كۆكاین لە ڕێگەی چوونە بازاڕەكانی ئەوروپا لە ساڵی ٢٠١٩ەوە بە شێوەیەكی بەرچاو بەرزبووەتەوە.

هەواڵ

هێزيکی ئاسایش وێنەگری دیجیتاڵ میدیایی 'مایک'یان دەستبەسەرکرد

سلێمانی ـ MIC

لەکاتی ڕووماڵی خۆپیشاندانی مامۆستایان و فەرمانبەرانی ناڕازیی ئەمڕۆ دووشەممە، هێزێکی ئاسایشی سلێمانی، گریڤان فەرمان یان بۆ ماوەیەک دەستبەسەرکرد و دەستیان بەسەر کەلوپەلە رۆننامەوانیەکدا گرت.

گریڤان فەرمان بە دیجیتاڵمیدیای MIC وت”هێزەکەی ئاسایش سەرجەم ئەو وێنە و دیمەنانەی خۆپیشاندانەکە، کە تۆمارم کردبوون سڕییانەوە و رێگەشیان نەدا رووماڵەکە بکەین.”

وتیشی” پاش سڕینەوەی دیمەنەکان ناچاریان کردین شوێنی خۆپیشاندانە جێبهێڵین.”
مامۆستایان و فەرمانبەرانی ناڕازی ئەمڕۆ لەدژی نەدانی مووچەکانیان و پرۆژەی هەژماری من، خۆپیشاندانیان ئەنجامدا و هەوڵیاندا بچنە دەباشان وچاویان بە بافڵ تاڵەبانی سەرۆکی یەکێتی بکەوێت، بەڵام لەلایەن هێزە ئەمنییەکانەوە رێگری کرا لە خۆپیشاندانەکە.

هەروەها رێگری کرا لە چەند کەناڵێکی میدیایی کە رووماڵی خۆپیشاندانەکە بکەن.