هەواڵ

شتێكی نوێ فێربە و توانای مێشكت زیاد بكە

فێبروونی كارێك یان زانیاریەك كە پێشتر كارت لەسەر نەكردووە دەبێتە هۆكاری كەمبوونەوەی سترێس و دەردانی هۆرۆمۆنی دۆپامین، بەهێزبوون وباشتركردنی باری دەروونی، لەگەڵ هەموو ئەمانەدا دەبێتە هۆكاری بەهێزبونی خانەكانی مێشك و دووبارە داڕشتنەوەی تۆڕە كارەباییەكانی مێشك، هەروەها هاندانی دروستبونی دەمارەخانەی نوێ.

پڕۆفیسۆر ئالان گۆو، لەزانكۆی هێۆریت-وات لە توێژینەوەكەیدا كاری لەسەر كاریگەری فێربوون لەسەر مێشك و درووستبوون وگەشەی دەمارەخانە نوێیەكان كردووە ، تویژینەوەكەی تایبەتكردبوو بە كەسانی بەتەمەن، لە ئەنجامی توێژینەوەكەدا دەركەوتبوو كە سیفەتی دووبارە گەشەكردن و خۆنوێكردنەوەی تۆڕەكانی مێشك لە كەسانی بەتەمەنیشدا دەتوانێت كاریگەربیت بە فێربوونی ئەزمونی نوێ و زانیاری تازە.

لەبارەی توێژینەكەوە پڕۆفیسۆر گۆ دەڵێت: ئەوەی ڕەنگە گۆڕانكاری لە توانای بیركردنەوەی مندا بكات، ڕەنگە گۆڕانكاری لە توانای بیركردنەوەی تۆدا نەكات". ئەگەر زیاتر سەرقاڵی ئەركەكە بیت، ئەوە دەركەوتووە كە سوودی مەعریفی زیاترت دەست دەكەوێت،  بۆیە ئەگەر شتێكی نوێ تاقی دەكەیتەوە، هەوڵبدە ئەو بابەتانە  بخەیتە ناو ئەو شتانەی كە دەتەوێت فێریان ببیت كە وا دەكات  لە ڕووی كۆمەڵایەتی و چالاكیەوە  و دەروونییەوە  ئاسودەبیت لەگەڵیان و چێژیان لێ ببینیت.

تاقیكردنەوەی شتێكی نوێ،  لە تەمەنی پیریشدا دەبێتە هۆی باشتركردنی جێبەجێكردنی ئەركەكانی ڕۆژانەش، لە بچوكترین لایەنی ژیانەوە  تا باشتركردنی ژمارەی خانەكانی مێشكت كاریگەری دەبێت .

هەواڵ

هێزيکی ئاسایش وێنەگری دیجیتاڵ میدیایی 'مایک'یان دەستبەسەرکرد

سلێمانی ـ MIC

لەکاتی ڕووماڵی خۆپیشاندانی مامۆستایان و فەرمانبەرانی ناڕازیی ئەمڕۆ دووشەممە، هێزێکی ئاسایشی سلێمانی، گریڤان فەرمان یان بۆ ماوەیەک دەستبەسەرکرد و دەستیان بەسەر کەلوپەلە رۆننامەوانیەکدا گرت.

گریڤان فەرمان بە دیجیتاڵمیدیای MIC وت”هێزەکەی ئاسایش سەرجەم ئەو وێنە و دیمەنانەی خۆپیشاندانەکە، کە تۆمارم کردبوون سڕییانەوە و رێگەشیان نەدا رووماڵەکە بکەین.”

وتیشی” پاش سڕینەوەی دیمەنەکان ناچاریان کردین شوێنی خۆپیشاندانە جێبهێڵین.”
مامۆستایان و فەرمانبەرانی ناڕازی ئەمڕۆ لەدژی نەدانی مووچەکانیان و پرۆژەی هەژماری من، خۆپیشاندانیان ئەنجامدا و هەوڵیاندا بچنە دەباشان وچاویان بە بافڵ تاڵەبانی سەرۆکی یەکێتی بکەوێت، بەڵام لەلایەن هێزە ئەمنییەکانەوە رێگری کرا لە خۆپیشاندانەکە.

هەروەها رێگری کرا لە چەند کەناڵێکی میدیایی کە رووماڵی خۆپیشاندانەکە بکەن.