دوای نان خواردن هەست بە ئازار دەكەم، كێشەم چییە؟

بەشێك لە خەڵكی تووشی حاڵەتێك دەبن بەناوی (Irritable bowel syndrome) كە جوڵەی ڕیخۆڵەكان ناڕێك دەبن و لە ئاستی پێویستدا نابن، بەمەش خواردن بەباشی هەرس نابێت لە ناو كۆئەندامی هەرسدا، كەسانی توشبووی ئەم حاڵەتە نیشانەی سوك تا زۆر قورسیان لەسەر دەردەكەوێت ، لەوانەش قەبزی یاخود سكچوونی توند، بوونی غازات و كرژبوونی ڕیخۆڵەكان و هەڵائاوسانی ناوسك.

بۆچی توشی ئەم حاڵەتە دەبم؟

لە ڕووی زانستییەوە تاوەكو ئێستا هۆكاری تەواو و دەقیقی ئەم حاڵەتە دەستنیشان نەكراوە، بەڵام كۆمەڵێك نەخۆشی هەن كە دەبنە هۆكار بە ناڕاستەوخۆ بۆ توشبوونمان بە  (Irritable bowel syndrome)

ناڕێكی كرژبوون و خاوبوونەوەی ماسولكەكانی دیواری ڕیخۆڵە

ناڕێكی و ناڕێكخراوی پەیوەندی نێوان كۆئەندامی دەمار و كۆئەندامی هەرس بۆ هەرسكردن و فڕێدانی پاشەڕۆكان.

هەوكردنی توند لە ڕیخۆڵەكاندا بەهۆی بەكتریا وڤایرۆس و وردە زیندەوەرەكانی دیكە.

كەمبوون و ناتەواوی لە وردە زیندەوەرە سود بەخشەكانی ڕیخۆڵەدا.

قەلەقی و سترێسی درێژخایەن.

ناتەندروستی جۆری خواردنی ژەمەكانمان.

هۆكاری بۆماوەیی، كاتێك لە خێزاندا ئەم نەخۆشییە هەبێت كەسانی دیكەی خێزانەكە ئەگەرێكی زۆرتریان هەیە توشبن بەم حاڵەتە.

تەمەن یەكێكی دیكەیە لەو هۆكارانەی تر كە كاریگەری هەیە لەسەر توشبوون بە (Irritable bowel syndrome) ، لە كەسانی سەروو تەمەن ٥٠ ساڵدا ئەم حاڵەتە زیاترە.

ئەگەر توشبووی (Irritable bowel syndrome) بم، كەی و لە چ كاتێكدا دەبێت سەردانی پزیشك بكەم؟

دابەزینی كێش بەشێوەیەكی نائاسایی
خوێنبەربوونی كۆم
ڕشانەوە وتێكچوونی ئیشتیهای خواردن
سكچوونی توند بەتایبەت لە شەواندا 
كەمخوێنی بەهۆی كەمی ئاسن
ئازاری توند لە ڕیخۆڵەكاندا.

تەندروستی

لە سوڕی مانگانەدا چی بكەم بۆ ئەوەی ئازارم كەم بێتەوە؟

بەشێك لە خانمان لەكاتی سوڕی مانگانەدا هەست بە كرژبوون و ئازارێكی تاڕادەیەك قورس دەكەن،  كە وادەكات كارە ئاساییەكانی ڕۆژانەیان بۆ سەختتربێت، بۆ ئەوەی ئازارەكانی پەیوەست بە سوڕی مانگانەت كەم بكەیتەوە ئەم ڕێنماییانە جێ بەجێ بكە:

كاتی سوڕی مانگانە هەوڵبدە شیرینی، چەوری وسوێری و كافاین كە لە چا و قاوەدا هەیە كەم بكەیتەوە.

حەبە ئازارشكینەكانی وەك ئیبوپروفین (٦٠٠-٨٠٠) میلیگرامی بخۆ بۆ كەمكردنەوەی ئازارەكەت

هەوڵبدە بەشێوازی بازنەیی مەساجی بەشی خوارەوەی سكت بكە.

باشترە خواردنی سەوزە ومیوە زیاد بكەیت لە ژەمەكانت، ژەمەكانت با سوك بن  و زوو زوو خورادن بخۆ.

شتێكی گەرم لە شێوەی " جەوەنە" بخەرە سەر سكت.

خواردنەوە گەرمەكان بخۆوە.

هەوڵبدە دوربكەویتەوە لە سترێس و دڵە ڕاوكێ، پیاسەیەكی كەم یان یۆگا وهەرچالاكییەكی دیكە وادەكات كەمتر هەست بەئازار بكەیت.

هەوڵبدە بە ئاوێكی گەرم خۆت بشۆیت.

بۆچی لەكاتی سوڕی مانگانە هەست بە ئازار دەكەم؟.

لەكاتی سوڕی مانگانەدا دیواری منداڵدان كرژ دەبێت بۆ ئەوەی یارمەتی داماڵینی ناوپۆشی منداڵدان بدات لەكاتی سوڕی مانگانەدا، ئەمەش فشار دەخاتە سەر مولولەی خوێنەكان و وادەكات  ڕۆشتنی خوین بۆ ئەو بەشەی جەستە كەم بێتەوە بەمەش ئۆكسجینی تەواو ناگاتە خانەكانی منداڵدان، لەم حاڵەتەشدا لە نەبوونی ئۆكسجیندا خانەكانی منداڵدان دەست ئەكەن بەدەردانی ماددەی كیمیایی كە دەبنە هۆی هەستكردن بە ئازار،لەگەڵ ئەوەشدا ئەم ماددە كیمیاییانە دەبنە هۆی دەردانی ماددەیەكی دیكە بەناوی پڕۆستاگلاندین، ئەمەش وادەكات زیاتر دیواری منداڵدان كرژ ببێت و ئازارێكی زۆرتر دروست بكات.