تەندروستی

بەم نیشانانە بزانە پوکت تەندروستە

📌ڕەنگی پەمەیی: پووکی تەندروست دەبێت ڕەنگێکی پەمەیی کاڵ تا مامناوەند بێت، سووربوونەوە، سووری تۆخ یان وەنەوشەیی پووک دەتوانێت نیشانەی هەوکردن یان نەخۆشی پووک بێت.

📌پێکهاتەی پتەو: پووکی تەندروست دەبێت هەست بە پتەویی بکات لەکاتی دەست لێدان، ئەو پووکانەی کە نەرمن، ئیسفەنجییە، یان ناسکن بە دەست لێدان، دەتوانێت ئاماژە بێت بۆ کێشەیەک.

📌ڕەنگی یەکگرتوو: پێویستە ڕەنگی پووکەکانت بە درێژایی دەمت یەکسان بێت، ئەگەر سەرنجت دا پەڵەی ڕەنگ گۆڕاو یان پەڵەی سپی، ئەوە دەتوانێت نیشانەی کێشەی تەندروستی دەم و ددان بێت.

📌بێ خوێنبەربوون: پووکی تەندروست نابێت خوێنبەر بێت کاتێک فڵچە دەکەیت، نێڵی دەدەیت، یان دەخۆیت، ئەگەر هەستت بە خوێنبەربوون کرد، لەوانەیە نیشانەی هەوکردنی پووک یان نەخۆشی دەوری ددان بێت.

📌ئاوسانی نییە: نابێت پووک ئاوساو و پفکاوی دەربکەوێت، ئاوسانی دەتوانێت نیشانەی هەوکردن و هەوکردن بێت.

📌بێ پاشەکشەی پووک: نابێت پووک پاشەکشە بکات یان لە ددانەکان دوور بکەوێتەوە، پاشەکشەی پووک دەتوانێت ڕەگی ددانەکان دەربخات و ببێتە هۆی هەستیاری و کێشەی دیکە.

📌کەمترین ئازار یان ناڕەحەتی: پووکی تەندروست نابێت ئازار و ناڕەحەتی هەبێت، ئەگەر هەست بە ئازار، ناڕەحەتی، یان هەستیاری لە پووکەکانتدا کرد، ئەوە دەتوانێت نیشانەی کێشەیەک بێت.

📌هەناسەى تازە: پووکى تەندروست بەشدارە لە هەناسەى تازە، بۆنی ناخۆشی بەردەوام (هالیتۆزی) پەیوەست دەبێت بە کێشەکانی پووکەوە.

هەواڵ

پەرلەمانی کوردستان دەخرێتەوە ژێر رەحمی چەکوشی دادگای فیدراڵی عێراق

دوو سکاڵا بۆ هەڵوەشاندنەوەی ئەم خولەی پەرلەمانی کوردستان لە دادگای فیدراڵی تۆمار دەکرێت، کە ئەنجامدانی هەڵبژاردنەکەی بە بڕیاری هەمان دادگا بووە.  

 هەڵبژاردنی خولی شەشەمی  پەرلەمانی کوردستان دوای دوو ساڵ دواخستن لە وادەی خۆی، دواجار بە بڕیاری دادگای فیدراڵی کۆتایی ساڵی رابردوو ئەنجام درا.

دادگای فیدراڵی بەشێکی چیرۆکی دواخستنی هەڵبژاردنی پەرلەمانی کوردستان بوو، نزیکەی ساڵێک تاتوێی سکاڵایەکی لەبارەی هەڵبژاردنەکەوە کرد، کە دواجار بە هەڵوەشاندنەوە و دواتر کەمکردنەوەی ژمارەی کورسی کۆتایی پێکهاتەکان کۆتاییهات.

ئێستا جارێکی دیکە ئەنجامی ئەو هەڵبژاردنە خراوەتەوە بەر دەستی دادگای فیدراڵی عێراق، کۆمەڵی دادگەری کوردستان و جوڵانەوەی نەوێ نوێ رایگەیاندووە، لە دادگای فیدراڵی سکاڵایان بۆ هەڵوەشاندنەوەی خولی شەشەمی پەرلەمانی کوردستان تۆمارکردووە.
سکاڵاکەی کۆمەڵی دادگەری کە یەکەم سکاڵایە بۆ هەڵوەشاندنەوەی خولی شەشەم لەلایەن عومەر گوڵپی کاندیدی سەرکەتووی حزبەکە دژی پەرلەمانی کوردستان تۆمار کراوە.

عومەر گوڵپى سەبارەت بە تۆمارکردنی ئەو سکاڵایە رایگەیاندووە،"داوامان لە دادگاى فیدراڵی کردووە، خولەکە هەڵوەشێندرێتەوە و هەڵبژاردن دووبارە بکرێتەوە، هەروەها هەموو ئەو ئیمتیازە ماددییانەى لە پێنج مانگى ڕابردوودا پەرلەمانتاران وەریان گرتووە، لێیان وەربگیرێتەوە".

کۆمەڵى دادگەرى کە لە هەڵبژاردنى خولى شەشەمى پەرلەمانى کوردستاندا سێ کورسیى بەدەستهێنا، دواتر هەڵبژاردنەکەی بە" دیزاینکراو" وەسفکرد و بڕیاریدا بایکۆتی خولەکە بکات.

دوای چوار رۆژ لە سکاڵاکەی کۆمەڵی دادگەری، جوڵانەوەی نەوەی نوێش رایگەیاند، سکاڵایان بۆ هەڵوەشاندنەوەی پەرلەمانی کوردستان تۆمار کردووە. 

نەوەی نوێ رایگەیاندووە، سکاڵاکەی ئەوان دژی سەرۆکی هەرێمی کوردستان، ئەوەیش بەهۆی ئەوەی تا ئێستا بڕیاری هەڵوەشاندنەوەی پەرلەمانی کوردستانی دەرنەکردووە.

ڕۆژی 20ـی تشرینی یەکەمی 2024، هەڵبژاردنی خولی شەشەمی پەرلەمانی کوردستان ئەنجام درا، بەپێی ئەنجامی کۆتایی هەڵبژاردن کە لەلایەن کۆمسیۆنەوە بڵاوکراوەتەوە، پارتی 39 کورسی، یەکێتی 23 کورسی، نەوەی نوێ 15 کورسی، یەکگرتوو 7 کورسی، هەڵوێست 4 کورسی، کۆمەڵ 3 کورسی، بەرەی گەل 2 کورسی و هەریەک لە گۆڕان و هاوپەیمانی کوردستانیش یەکی کورسییەکیان بەدەستهێناوە.

دوای نزیکەی حەوت مانگ لە ئەنجامدانی هەڵبژاردن، تا ئێستا پەرلەمانی کوردستان کارا نەبووە و تەنها پەرلەمانتاران سوێندی یاسایان خواردووە، بەڵام هەموو مانگێک مووچە وەردەرگن.