هەواڵ

کۆچبەرانی بەریتانیا چیتر رەوانەی رواندا ناکرێن

دادگای باڵای بەریتانیا بڕیاری ناردنی کۆچبەرانی نایاسایی بۆ رواندا بە نایاسایی دانا، بەوەش پرۆژەکەی حکومەتی بەریتانیا بۆ رەوانەکردنی کۆچبەران بۆ رواندا شکست دەهێنێت.

ئەمڕۆ چوارشەممە، دادگای باڵای بەریتانیا، بڕیاریدا کە ناردنی کۆچبەرانی نایاسایی بۆ ڕواندا بە نایاسایی دابنێت، ئەوەش بڕیارێکە لەدژی حکومەتی ئیستای بەریتانیا، کە بڕیاریدابوو ئەو کۆچبەرانەی بە نایاسایی دەچنە بەریتانیاوە رەوانەی رواندا بکرێن تاوەکو دۆسێکانیان یەکلایی دەکرێتەوە.

لەکاتی خۆیدا بڕیارەکە کاردانەوەی لایەن و چالاکانی مەدەنی و مافی مرۆڤی لێکەوتەوە، بەڵام حکومەتی بەریتانیا هەر سووربوو لەسەر جێبەجێکردنی.

دادگا بە دەرکردنی بڕیارێک بەنایاسایی بوونی پرۆژەکە، بەتەواوی رێ لەحکومەت دەگرێت هیچ کۆچبەرێک رەوانەی رواندا بکاتەوە.

هەواڵەکە بۆ کۆچبەرانی بەریتانیا دڵخۆشکەرە، چونکە مەترسی ناردنیان بۆ رواندا لەسەر نامێنێت و چیتر لەدودڵی راگواستنیان بۆ ئەو وڵاتەدا نابن، بەڵکو هەر لەناو خۆی بەریتانیا دەمێننەوە تاوەکو دۆسێکانیان یەکلایی دەکرێتەوە.

تەندروستی

ئەو مۆزە سەرسوڕهێنەرەی بۆ ڕزگارکردنی ژیان دروستکراوە "Super banana "

لە زۆربەی وڵاتانی جیهان بە تایبەتی ئەفریقا کەسانێک هەن بەدەست برسێتی زۆرەوە دەناڵێنن بۆ چارەسەرکردنی ئەم کێشەیە زانایان بەدوای زۆر چارەسەردا گەڕاون هەرچەنە حکومەتی ئەو وڵاتە لە ڕێگەی دابەشکردنی حەب و کەپسول و تەواوکەری خۆراکیەوە هەوڵی چارەسەرکردنی ئەم کێشەیەی داوە،
 بەڵام نەیانتوانی جڵەوی بارودۆخەکە بکەن بەڵام کۆمپانیای "ویلبەرفۆرس "لە ئۆگاندا هەستان بە دروستکردنی جۆرە مۆزێکی تایبەت بە ناوی “SUPER BANANA” کە لە ڕووی جیناتەوە گۆڕانکاری تێداکراوە بە جۆرێک ژمارەیەکی زۆر ڤیتامینی تێدایە بە بەراورد بە مۆزی ئاسایی، بە تایبەت ڤیتامین A و ماددە خۆراکیە گرنگەکان بیرۆکەی دامەزراندنی ئەم کۆمپانیایە دروستکردنی SUPER BANANA  هی پیاوێک بوو بە ناوی Wilberforce ، کە بەدەست برسێتیەوە دەیناڵاند دایک و باوکی توانیان چارەسەری بکەن بەڵام زۆرینەی هاوڕێکانیان گیانیان لەدەستدا ئەو نەیتوانی چیتر بەرگەی مردنی ئەو هەموو کەسە بگرێت و بۆیە بڕیاریدا بیر لە ڕێگە چارەیەک بکاتەوە و بەو جۆرە super banana ەی داهێنا،
 ئەم مۆزە لە کۆمەڵێک تاقیگەی کشتوکاڵی لە ئۆگاندا بەرهەمدەهێنرێت بەو پێێەی یەکێکە لەو وڵاتانەی ساڵانە ژمارەریەکی زۆری منداڵ بەهۆی کەمی ڤیتامین A گیان لەدەست دەدەن یاخود لەگەشە دوادەکەون وبە ئاسانی  نەخۆش دەکەون بەهۆی ئەم مۆزەوە توانرا ژیانی چەندین کەسی برسی و هەژار ڕزگار بکرێت و لە ئیستدا چەندین منداڵ نە گەشەیان دەوەستێت نە بەهۆی کەم خۆراکیەوە دەمرن.