هەواڵ

نێچیرڤان بارزانی: بەمزوانە وادەی نوێی هەڵبژاردنی کوردستان رادەگەیەنین

سەرۆکی هەرێمی کوردستان ئاسکرایکرد کە راگەیاندنی وادەیەکی نوێ بۆ هەڵبژاردنی پەرلەمانی کوردستان نزیکە و ئەو وشەی بەمزوانەی بەکارهێنا.

نێچیرڤان بارزانی ئەمڕۆ یەکشەممە، وتیشی"بەمزوانە وادەیەکی نوێ بۆ ئەنجامدانی هەڵبژاردنی پەرلەمانی کوردستان رادەگەیەنین."

پێشبینی دەکرێت ئەو وادەیەی سەرۆکی هەرێم باسیدەکات بکەوێتە مانگی 10 ی ئەمساڵەوە، بەڵام هەندێکی دیکە دەڵین کە دوورنییە هەڵبژاردن بکەوێتە ساڵی داهاتوو لەگەڵ هەڵبژاردنی پەرلەمانی عیراقدا پێکەوە بکرێن.

دواخستنی هەڵبژاردنی پەرلەمانی کوردستان ناکۆکی و ناڕەزایەتی زۆری لێکەوتۆتەوە، چ لەوخۆی هەرێم و چ لەسەر ئاستی عێراق و هەندێک لە وڵاتانی بیانی و رێکخراوە نێودەوڵەتییەکان.

هۆکاری سەرەکی ئەمجارەی دواخستنی هەڵبژاردن، پارتی دیموکراتی کوردستان بوو، ئەویش بەهۆی راگەیاندنی بەشدارینەکردن لە هەڵبژاردنەکەدا، وەک بەرپرسەکانیان دەڵێن" بەو کێشانەوە ناچنە ناو هەڵبژاردنەوە."

بەرپرسانی پارتی دەیانەوێت لانیکەم نیوەی کورسی پێکهاتەکان بگەڕێننەوە کە ئەوەش راستەوخۆ لە قازانجی ئەوە بەو پێیەی لەرابردووشدا پێکهاتەکان زیاتر نزیکبوون لە پارتی و نوێنەرەکانیان لە بەرژەوەندی پارتی دەنگ و بڕیاریانداوە.

هەواڵ

ناردنی چەکی نوێ لەلایەن ئەمەریکاوە بۆ ئیسرائیل نیگەرانی غەززەی لێدەکەوێتەوە

ئەمەریکا کاروانێکی نوێی چەک ڕەوانەی ئیسرائیل دەکات، بەرپرسی فەرمانگەی ڕاگەیاندنی حکومەتی غەززە دەڵێت، ئەمەریکا لەبری ناردنی هاوکاری بۆ غەززە، پشتگیری تاوانبارانی جەنگ دەکات. 
وەزارەتی بەرگری ئیسرائیل گەیشتنی کاروانێکی نوێی کەرەستەی سەربازی ئەمەریکی بە وڵاتەکەی ڕاگەیاند، گەیشتنی کاروانەکە هاوکاتی سەردانی مارک ڕۆبیۆ وەزیری دەرەوەی ئەمەریکایە بۆ وڵاتەکە. 
ئیسرائیل گەیشتنی ئەو کاروانە سەربازییە بە "هێمای پەیوەندی بە‌هێزی"یان لەگەڵ ئەمەریکا دەزانێت، چاوەڕوانی بەهێزکردنیشی دەکات. 
ئیدارەی بایدن، دوای هێرشەکەی 7ـی ئۆکتۆبەرى 2023ـی حەماس بۆ سەر ئیسرائیل، هەزاران بۆمبی رەوانەی وڵاتەکە کرد، بەڵام دواتر بەهۆی نیگەرانیی کاریگەرییەکانی لەسەر غەززە، یەکێک لە کاروانەکانی راگرت.
ئەم کاروانەی ئێستا گەیشتووە، هەمان ئەو کاروانە ڕاگیراوەیە کە مانگی ڕابردوو لەلایەن ئیدارەکەی ترامپەوە ڕاگرتنی هەڵگیرا و ڕەوانە کرا. 
ناردنی چەکی نوێ لەلایەن ئەمەریکاوە دووبارە نیگەرانی دورستکردووە، سەلامە مەعروف، بەرپرسی فەرمانگەی ڕاگەیاندنی حکومەتی غەززە ڕایگەیاند، "لەبری ناردنی خۆراک، دەرمان، ئاو، یان شوێنی حەوانەوە و کەرەستەی بیناسازی بۆ قوربانیانی کەرتی غەززە، ئەمریکا پشتگیری تاوانبارانی جەنگ دەکات و هاوکاری زیاتریان بۆ دەنێرێت".
هاوکارییە سەربازییە نوێیەکان چین؟ 
بۆمبی قورس لە جۆری MK-84  بە کێشی دوو هەزار  پاوەندە کە توانای زیانگەیاندنێکی بەرفراوانیان هەیە و مەبەست لێی بەهێزکردنی تواناکانی هێرشی ئیسرائیلە.
چەکی دورهاوێژ لە جۆری دۆشکەی (IDF)، کە لەلایەن ئەمریکاوە پەرەی پێدراوە و لە قەبارەی 7.62x51 ملمدایە.
-پێداویستی تەقەمەنی تۆپخانە و فڕۆکەی هێرشبەر کە پاکێجەکە بە بڕی 8 ملیار دۆلار بۆ ئیسڕائیل نێردراوە.
ئامانجی ئەمەریکا چییە؟ 
هاوکارییەکانی ئەمەریکا بۆ ئیسرائیل بەشێکن لە دەستپێشخەرییەکانی واشنتن بۆ بەرزکردنەوەی توانای سەربازی تەلئەڤیڤ لە جەنگ و ململانێکانی ڕۆژهەڵاتی ناوەڕاستدا.