هەواڵ

ژنە دادوەرێکی سلێمانی هاوسەرەکەی لە ماڵەوە دەردەکات و داوای شەش دەفتەری لێدەکات

Mic
2024-07-07

ژنە دادوەرێکی شاری سلێمانی دوای جیابوونەوەی لە هاوسەرەکەی، لە ماڵەکەی دەریکردووە و داوای بڕی شەش دەفتەر دۆلار، واتە ٦٠ هەزار دۆلاریشی لێدەکات. بورهان عەلی، سەرۆکی یەکێتی پیاوانی کوردستان دەڵێت ژنە دادوەرێکی شاری سلێمانییە کە دوای جیابوونەوەیان، هاوسەرەکەی کە مامۆستایە لە ماڵەکەیان کردۆتە دەرەوە و ئێستا داوای ٦٠ هەزار دۆلاریشی لێدەکات. ناوبراو وتی "ئەو ژنە لەبەرئەوەی خۆیشی دادوەرە و رۆحی یاساکان لەبەردەستێتی، بەداخەوە نزیکەی ٩ داوای یاساییشی لەسەر هاوسەرەکەی تۆمارکردووە و سزای دەروونی دەدات". بورهان عەلی وتیشی "یەکێک لەو داوا یاساییەکانی ئەو ژنە دادوەرە ئەوەیە گوایە ٦٠ هەزار دۆلار واتە شەش دەفتەر دۆلاری بە هاوسەرەکەی داوە و ئێستا لێی داوا دەکاتەوە

More News

Most Popular

-18

خەوێکی تەندروست چۆنە بۆ منداڵ؟

Mic
2024-07-10

دکتۆر پشدەر عبداللە اسماعیل پزیشکی پسپۆڕی نەخۆشیەکانی منداڵان لە بڵاوکراوەیەکیدا باس لە نووستنی تەندروست دەکات لە منداڵاندا، بەم شێوەیە:
۱.ئەبێ کاتی نووستن و کاتی هەڵسان لە خەو دیاری کراو بێت و بڕی پێویست بخەوێت، واتە هەموو ڕۆژێک لە کاتی دیاری کراودا بخەوێت و هەڵبسێت لە خەو.
۲.نابێ جیاوازی کاتی نووستن و هەڵسان لەو ڕۆژانەی کە ناچێت بۆ قوتابخانە لەگەڵ ئەو ڕۆژانەی کە ئەچێت بۆ قوتابخانە لە یەک کاتژمێر زیاتر بێت.
۳.پێویستە منداڵ لە دەرەوەی ژووری نووستن بڕی پێویست وەرزش و یاری بکات.
٤. ژووری نوستن پێویستە بێ دەنگ و تاریک یان ڕووناکی زۆر کەم بێت.
۵.ژووری نووستن پێویستە پلەیەکی گەرمی گونجاوی هەبێت واتە نابێ سارد یان گەرم بێت.
٦.نابێ لە ژووری نووستن منداڵ سزا بدرێت.
۷.نابێ لە ژووری نووستن تەلەفزیۆن هەبێت.
۸.پێش نووستن نابێ چا ، کۆلا ، چوکلێت بدرێت بە منداڵ.
۹.ئەتوانی پێش نووستن ژەمە خواردنێکی سووک بدەیت بە منداڵ بۆ ئەوەی لە برسیەتیا خەبەری نەبێتەوە.