تەندروستی

توێژینەوەیەک نهێنییەکی چاوی شین ئاشکرادەکات

توێژینەوەکە لەزانکۆی جۆن مۆریس لەبەریتانیا ئه‌نجامدراوه‌و دەرکەوتووە، ئەو کەسانەی چاویان شینە لەروناکیی کزدا توانای خوێندنەوەیان باشترە لەو کەسانەی چاویان قاوەیی یاخود رەشە.
 
کۆیکۆ یاماگوچی، پسپۆڕی بۆماوەزانی و سەرپەرشتیاری توێژینەوەکە دەڵێت، ''بۆمان دەرکەوتووە کە ئەوانەی چاویان شینە هەمیشە ئارەزوی روناکیی کز دەکەن و ئاسودەن ئەگەر لەروناکییەکی کزدا نوسین بخوێننەوە''.
 
بەگوێرەی ئاماری‌ نەتەوەیەکگرتووەکان، 8٪ بۆ 10٪ی دانیشتووانی جیهان چاویان شینەو 70٪ بۆ 80٪ی دانیشتووانی جیهان چاویان قاوەییە. 

هەواڵ

دامەزراوەی ڤیژن و ناوەندی نەهرین یاداشتنامەیەکیان واژۆکرد

دامەزراوەی ڤیژن لە بڵاوکراوەیەکدا رایگەیاندووە، دامەزراوەی ڤیژن و ناوەندی نەهرین یاداشتنامەیەکیان بۆ کاریی هاوبەش و پێکەوەیی واژۆکرد.

لە بڵاوکراوەکەدا ئەوەش هاتووە، رۆژی دووشەممە 15ـی ئەیلوولی 2025 یاداشتنامەیەکی لێکتێگەشتن لە نێوان دامەزراوەی ڤیژن بۆ لێکۆڵینەوەی ستراتیجی و ناوەندی نەهرەین بۆ لێکۆڵینەوەی ستراتیجی لە شاری بەغدا واژۆکرا.

ئەوەشی خستووەتەڕوو، بە گوێرەی یاداشتنامەکە، هەردوو دامەزراوەکە وەک دوو خانەی بیری گرنگ و کاریگەر، هەماهەنگی و هاوبەشی دەکەن دەربارەی ئەنجامدانی توێژینەوە و پڕۆژە و چالاکی هاوبەش لە سەرتاسەری عێراقدا.

باسی لەوەشکردووە، ئامانجی یاداشتنامەکە دەستنیشانکردنی کێشە و گرفتەکان لە هەرێمی کوردستان و عێراق و خستنەڕووی چارەسەرەکان.