Tech

مێتا قەدەغەکردنی وشەیەکی عەرەبی هەڵدوەشێنێتەوە

ئاژانسی رۆیتەرز بڵاویکردەوە، کۆمپانیای مێتا ئەنجومەنێکی چاودێری نوێی دامەزراند و داوای لێکردن، قەدەغەکردنی سەر وشەی عەرەبی "شهید" هەڵبگرن، ئەوەش دوای گفتوگۆکردن بۆ ماوەی ساڵێک.
بەکارهێنانی وشەی "شهید"ی عەرەبی لە تۆڕەکۆمەڵایەتییەکانی قەدەغەکرابو

پێشتر کۆمپانیای مێتا بەکارهێنانی وشەی "شهید"ی عەرەبی لە تۆڕەکۆمەڵایەتییەکانی قەدەغەکردبو، لەبەر "زیادەڕەویکردن لە بەکارهێنانی"، بەوهۆیەشەوە هەژمار و لاپەڕی چەندین بەکارهێنەر سزایان کەوتبوە سەر.
ئەو پۆستانە بسڕنەوە کە تێیدا وشەی شەهیدانیان لە پاڵ ناوەڕۆکێکی توندوتیژ و هەڕەشەدار بەکارهێناوە

لەبارەی ئەو بریارەوە، ئەنجومەنی کارگێری کە دامەزراوەیەکی سەربەخۆییە و لەلایەن مێتاوە پارەدار دەکرێت، رایگەیاند، لەسەر گەورە پەیجەکانی تۆڕە کۆمەڵایەتییەکان پێویستە، ئەو پۆستانە بسڕنەوە کە تێیدا وشەی شەهیدانیان لە پاڵ ناوەڕۆکێکی توندوتیژ و هەڕەشەدار بەکارهێناوە، لە دەرەوەی ئەو بازنەیە وشەی شەهید بە زمانی عەرەبی رێگە پێدراوە.

هەواڵ

راپرسییەک بۆ پێوانەکردنی ئاستی دابڕانی کلتوریی لە هەرێمی کوردستان

دامەزراوەی ڤیژن فاوندەیشن، بۆ لێکۆڵینەوەی ستراتیژی، کار لەسەر پرۆژەیەک دەکات بۆ پێوانەکردنی ئاستی دابڕانی کلتوریی لە ناوچە جیاجیاکانی لە هەرێمی کوردستان، بۆ ئەومەبەستە فۆرمێکی ئەلیکترۆنی بڵاودەکاتەوە.

لە پێناسەی پرۆژەکەدا دامەزراوەی ڤیژن ئاماژە بەوەدەکەن، "کۆمەڵگای کوردستانی لە هەرێمی کوردستان سەرەڕای بوونی ژێرخانێکی دەوڵەمەندی کلتووری و تۆڕێک پەیوەندی هەمەجۆر لەناو کۆمەڵگاکەماندا، بەڵام هێشتا بەربەست و گرفتی گەورەی ناوخۆیی و بگرە جۆرێک لەدابڕانی کلتوریش هەیە، کە دەکرێ وەکو مەترسی سەیر بکرێ، بۆ هاوبەشی و یەکگرتویی کۆمەڵگا".

ئاماژە بەوەکراوە کە ئەو ناوچانەی هەرێمی کوردستان کە بە "شێوەزاری بادینی" دەدوێن و دەنوسن و دەخوێننەوە، لەگەڵ ئەو ناوچانەی کە بە "سۆرانی" دەدوێن و دەنوسن و دەخوێننەوە دابڕانە کلتورییەکە زیاتر بەدیدەکرێت.

ئامانجی پرۆژەکە دەرخستنی راستی و روونی و قەبارەی ئەو دابڕانە کلتووریەی لە نێوان ناوچە جیاوازەکانی هەرێمی کوردستاندا هەن، بۆ دەستنیشانکردنی بەربەست و رێگرییەکانی بەردەم ئاڵوگۆڕی کلتوورییە.

بەپێی پرۆژەکەی دامەزراوەی ڤیژن، لەکۆتاییدا پەڕاوێکی پێشنیاز بۆ حکومەتی هەرێمی کوردستان و پەرلەمان ئامادەدەکرێت و لەپێناوی "گەشەپێدانی کلتووری و چارەسەرکردنی گرفت و لابردنی بەربەستەکان". 

لێرە دەتوانیت فۆرمەکە پڕبکەیتەوە:

https://docs.google.com/forms/d/e/1FAIpQLSdJmmTCgpRhFI-5XhJlNMNmci6tLRQdgDAm7DtiRf_pbr5sHw/viewform?pli=1