تەندروستی
ڤایرۆسێک دەبێتە هۆی ئیفلیجی
2024-09-19
ڤایرۆسی ڕیخۆڵە دەبێتە هۆی حاڵەتی دەگمەنی هەوکردنی توندی ماسولکەکان کە هاوشێوەی ئیفلیجی منداڵانە، سەنتەری کۆنتڕۆڵکردن و خۆپاراستن لە نەخۆشیەکان 13 حاڵەتی هەوکردنی توندی ماسولکەکانی پشتڕاستکردەوە.
ئەو سامپڵانەی کە لە ئاوی پیس وەرگیراون و شیکراونەتەوە تێیدا دەرکەوتووە، کە زیادبوونی بەرچاوی بوونی ڤایرۆسی ڕیخۆڵە کە بە D68 ناسراوە، دەبێتە هۆی هەوکردنی توندی ماسولکەکان لە منداڵان، جگە لەوەی کاریگەری لەسەر کۆئەندامی دەمار هەیە و دەبێتە هۆی لاوازییەکی زۆر لە قۆڵ و قاچ بەتایبەتی لە منداڵانی بچووکدا.
ئەسکەندەریە باوم، مامۆستای ئەندازیاری شارستانی و ژینگەیی لە زانکۆی ستانفۆرد دەڵێت، “ئێمە ترشە ناوکییەکانی EVD68 لە ئاوی پیسدا لە سەرتاسەری وڵاتدا دەستنیشان دەکەین و ڕێژەی بەرزبوونەوەی پێوانە دەکەین”.
لای خۆیەوە، کایتلین ڕیڤەرز، پزیشکی پەتا لە سەنتەری جۆنز هۆپکینز بۆ ئاسایشی تەندروستی ئاماژەی بەوەکردووە، “یەکەم بەڵگە زیادبوونی ڕێژەیەکی بەرچاوی خەڵکە کە دووچاری هەوکردنی توند دەبن، بەڵگەی دووەمیش ئەوەیە کە کاتەکانی ساڵ گونجاوە، چونکە مانگی ئەیلوول ئەو مانگەیە کە زۆرترین حاڵەتی ئەم نەخۆشییە تێیدا دەردەکەون.
بەگوێرەی تۆڕەکە، هەرکەسێک تووشی هەڵامەت بێت، ئەگەری تووشبوونی بە ڤایرۆسی ڕیخۆڵە هەیە، بەو پێیەی ڤایرۆسەکە نیشانە سووکەکانی لێدەکەوێتەوە، وەک: ئاوی لووت، کۆکە و سەرئێشە و هەستکردن بە ناڕەحەتی گشتی.
جۆری ڤایرۆسی ئەنتێرۆڤایرۆسی D68 لە ساڵی 2014 بووە هۆی کێشەیەکی گەورەی تەندروستی، کاتێک حاڵەتەکانی ئیفلیجی منداڵانی لە ئەمریکا بە شێوەیەکی بەرچاو زیادی کرد و 120 منداڵی تووشبوو دەستنیشانکران.
هیچ چارەسەرێکی تایبەت بۆ ئیفلیجی نییە و تەنانەت بە چەندین ساڵ چارەسەری فیزیایی چڕ، زۆربەیان بە کەمئەندامی دەمێننەوە.
ساڵانە چەند دەیان حاڵەتێک تۆمارکراون، بەڵام شەپۆلی گەورەتری نەخۆشی پارکینسۆن هەر دوو ساڵ جارێک بە شێوازێکی نوێ دەردەکەوێت، لە ساڵی ٢٠١٦ (بە ١٥٣ حاڵەت) و لە ساڵی ٢٠١٨ (بە ٢٣٨ حاڵەت) دووبارە بەرزبووەتەوە
بابەتی لێکچو
-
بەکارهێنانی مەیکەپی دژە ئاو مەترسیدارە؟
تەندروستی2025-10-04
-
ئایا ڕۆژانە زۆر سەیرکردنی تەلەڤزیۆن لە کەسانی بە تەمەندا دەبێتە هۆی لاوازی بیرەوەری مرۆڤ؟
تەندروستی2025-09-30
-
ئایا نەخۆشییە ڕۆماتیزمییەکان بۆماوەیین؟
تەندروستی2025-09-28
-
بۆچی (خاڵ یان هێڵ)ی سپی لە نینۆکەکاندا دروست دەبێت؟
تەندروستی2025-09-27
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
