هەواڵ

داواکارییەک لە مامۆستایانی وانەبێژ دەکرێت

نوێنەری گشتی مامۆستایانی وانەبێژ لە هەرێمی کوردستان داوا لە مامۆستایان دەکات کە لەکاتی بە هەمیشەیی کردنی گرێبەستەکانیان دەبێت بڕوانامە یان پشتگیری بڕوانامەکانیان لەگەڵ وێنەی کارتی نیشتیمانی و کارتی زانیاری و هەشت وێنەیان پێبێت.
عەلی رەئووف ئەمڕۆ دووشەممە وتیشی” رێکارەکانی بە هەمیشەیکردنی گرێبەستی مامۆستایانی وانەبێک خێراتر بووە.”
لە هەرێمی کوردستان ٣٨ هەزار مامۆستای وانەبێژ لە وەزارەتی پەروەردە هەن و دوای فشارێکی زۆر توانیان بەرپرسانی حکومەتی هەرێم ناچار بکەن گرێبەستەکانیان لە کاتییەوە بۆ بکرێت بە هەمیشەیی و مووچەکانشیان مانگانە لە نێوان ٤٠٠ بۆ ٥٠٠ هەزار دینار دەبێت بەگوێرەی بڕوانامەکانیان.

هەواڵ

ئەنجومەنی وەزیرانی عێراق بۆ بڕیاردان لەسەر مووچەی هەرێم کۆدەبێتەوە

بڕیارە ئەمڕۆ ئەنجومەنی وەزیرانی عێراق، بۆ تاوتوێکردنی پرسی نەوت و پارەدارکردنی مووچەی هەرێمی کوردستان؛ کۆببێتەوە.

کۆبونەوەکەی ئەنجومەنی وەزیرانی عێراق، کۆبونەوەیەکی نائاساییە و تایبەتە پرسی هەناردەی نەوت و مووچەی فەرمانبەرانی هەرێمی کوردستان و تێیدا بڕیار لەسەر خەرجکردنی مووچەی هەرێم دەدرێت.

ڕۆژی چوارشەممە ئەنجومەنی وەزیرانی هەرێمی کوردستان ڕەزامەندی لەسەر جێبەجێکردنی ئەو لێکتێگەیشتەدا کە لەبارەی چارەسەری مووچە لە نێوان هەردو حکومەت هاتوەتە ئاراوە.

پێشەوا هەورامانی، وتەبێژی حکومەتی هەرێمی کوردستان لەبارەی ڕێککەوتنەکەوە بە دیجیتاڵ میدیای Micـی راگەیاند، بەپێی ئەو لێکتێگەیشتنە سەرەتاییە، حکومەتی عێراق مووچەی ئەم چەند مانگە دەنێرێت و هیچ موچەیەکیش نا فەوتێت.

هەورامانی وتیشی: لێکتێگەیشتنەکە سەرەتاییە دوای تێپەڕاندنی ئەم قۆناغە ڕێیکەوتنی فراوانتر لەنێوان هەردوو حکومەتی فیدراڵ و هەرێمی کوردتان دەکرێت..

بەپێی زانیارییەکانی MIC لێکتێگەیشتنەکە بەم شێوەیەیە، هەولێر پابەند دەبێت بە ڕادەستکردنی 230 هەزار بەرمیل نەوتی ڕۆژانە و 120 ملیار دینار داهاتی ناوخۆ بۆ هەموو مانگێک، حکومەتی عێراق-یش مووچەی فەرمانبەرانی هەرێمی کوردستان دەنێرێت.

چاوەکان لەسەر کۆبوونەوەکەی ئەمڕۆی ئەنجومەنی وەزیرانی عێراق-ن، بۆ خەرجکردنی مووچەی مانگەکانی ئاب، حوزەیران و تەمموزی فەرمانبەرانی هەرێمی کوردستان.