Tech
ژیریی دەستکرد بۆ دەستنیشانکردنی شێرپەنجە بەکاردەهێنرێت
2024-10-06
بەکارهێنانی ژیریی دەستکرد لە بواری پزیشکیدا بووەتە هۆی پێشکەوتنی بەرچاو لە شێوازەکانی دەستنیشانکردن و چارەسەرکردن، پزیشکانیش تادێت زیاتر بەرەو تاقیکردنەوە و بەکارهێنانی ڕۆبۆتی ژیریی دەستکرد لە بواری پراکتیکیی پزیشکی هەنگاو دەنێن.
بەپێی توێژینەوەیەک کە لە زانکۆی ستانفۆرد ئەنجامدراوە ئامرازەکانی ژیریی دەستکرد دەتوانن وردی دەستنیشانکردنی شێرپەنجەی پێست لەلایەن پزیشکانەوە باشتر بکەن.
توێژەران جەختیان لەوە کردەوە ئامرازەکانی دەستنیشانکردنی شێرپەنجەی پێست لەسەر بنەمای ژیریی دەستکرد بە خێرایی گەشە دەکەن، پێشبینیش دەکرێت ئەو ئامرازانە بە شێوەیەکی بەرفراوان بەکاربهێنرێن دوای ئەوەی پشتڕاست دەکرێنەوە و پشکنینی گونجاویان بۆ دەکرێت.
بەپێی توێژینەوەکە ئەو پزیشک و خوێندکارانەی ژیریی دەستکردیان بەکارنەهێناوە توانیویانە بە وردی 74.8%ـی حاڵەتەکانی شێرپەنجەی پێست و 81.5%ـی برینەکانی پێستی هاوشێوەی شێرپەنجە دەستنیشان بکەن.
لەبەرامبەردا ئەوانەی بە یارمەتی ژیریی دەستکرد کاریان کردووە توانیویانە بە وردی 81.1%ـی حاڵەتەکانی شێرپەنجەی پێست و 86.1%ـی برینەکانی پێستی هاوشێوەی شێرپەنجە دەستنیشان بکەن.
بەپێی لێکۆڵینەوەیەک کە لە گۆڤاری BMJ Oncology بڵاوکراوەتەوە، ژمارەی ئەو کەسانەی تەمەنیان لە خوار 50 ساڵە و تووشی شێرپەنجە بوون لە جیهاندا لە ماوەی سێ دەیە نزیکەی 80% زیادی کردووە، لەماوەی دەیەی ڕابردووشدا ڕێژەی تووشبوون بە شێرپەنجەی میلانینیی پێست نزیکەی 38% زیادی کردووە. ئەم ژمارانە ئاماژەن بۆ پێویستی ئامێری پێشکەوتوو، کە بتوانن بەخێرایی ئەم جۆرە شێرپەنجەیە دەستنیشان بکەن، چونکە تا زووتر شێرپەنجەی پێست دەستنیشان بکرێت چارەسەری ئاسانتر دەبێت.
More News
 copy.jpg)
Most Popular
-
MIC بە نووسراوی فەرمی ئاشکرای دەکات کە سروە عەبدولواحید دەدرێتە دادگا
هەواڵ2025-08-30
1
-
چاوەڕوان دەکرێت ئەمڕۆ بەغدا مووچەی مانگی حوزەیران خەرج بکات
هەواڵ2025-08-27
2
-
عێراق 93 باڵیۆزی نوێی دیاریکرد 19 یان کوردن
هەواڵ2025-08-27
3
-
دوایین زانیاریی لەبارەی کشانەوەی هێزەکانی ئەمریکا لە عێراق
هەواڵ2025-08-30
4
-
هەناردەکردنەوەی نەوتی هەرێم.. دۆسییە ئاڵۆزەکە
هەواڵ2025-08-31
5
-
پارە گەیشت و دەست بەدابەشکردنی مووچەی مانگی شەش دەکرێت
هەواڵ2025-08-31
6
هەواڵ
هەناردەکردنەوەی نەوتی هەرێم.. دۆسییە ئاڵۆزەکە
2025-08-31
بەغدا دوای نۆساڵ چاوەڕوانی بەرهەمی ئەو سکاڵایەی دەستکەوت
کە لەسەر بە نادەستوری بوونی هەناردەکردنی نەوتی هەرێم لەڕێگەی تورکیاوە تۆماری
کردبوو، هەر ئەوەش وایکردووە بە ئاسانی و بەبێ چەسپاندنی مەرجەکانی خۆی، جارێکی تر
رێگە بە هەناردەکردنەوەی نەوتی هەرێم نەدات.
ساڵی 2014 حکومەتی
عێراق بۆ راگرتنی هەناردەکردنی نەوتی هەرێم پەنای بۆ دادگای نێودەوڵەتی ناوبژیوانی
ژووری بازرگانی نێودەوڵەتی لە پاریس برد و سکاڵای تۆمارکرد، دوای نۆ ساڵ لە پەنابردنی
عێراق بۆ دادگا، دواجار ڕۆژی 23ـی ئاداری 2023 دادگاکە لە بەرژەوەندی عێراق بڕیاری
دا و هەناردەکردنی نەوتی هەرێمی راگرت و بڕیارەکە بەشێوەیەک دەرکرا کە تورکیای
ناچارکرد کە پابەندبێت و رێگە بە هەناردەکردنی نەوتی هەرێم نەدات لە رێگەی بۆری
جەیهانەوە.
حکومەتی عێراق دوای بڕیارەکەی دادگای ناوبژیونی پاریس،
هەوڵەکانی دەستپێکرد بۆ هەناردەکردنەوەی نەوتی هەرێم لەڕێگەی کۆمپانیای سۆمۆوە، بەڵام
درێژە کێشان رێککەوتنی حکومەتی هەرێم و بەغدا لەلایەک و مەرجەکانی کۆمپانیاکانی
بواری نەت لە هەرێم، لەلایەکی ترەوە، بەربەستی گەورەیان لە بەردەم بەدیهێنانی
خەونەکەی بەغدا دروستکرد.
دیجیتاڵ میدیای mic زانیوتی، حوکمەتی هەرێم پابەندی رێککەوتنی
وەزارەتی سامانە سروشتییەکان و وەزارەتی نەوتی عێراقە، ئەوەی لە ئێستادا رێگرە لە
بەردەم هەناردەکردنەوەی نەوتی هەرێم، کۆمپانیا نەوتییەکانن، کە داوای گرەنتی دەکەن
بۆ وەرگرتنەوەی ئەو قەرزانەی لەلای حکومەتی هەرێم هەیانە.
رۆژی 13ـى ئاب،
وەزارەتی سامانەسروشتییەکانی حکومەتی هەرێم رایگەیاند، لەگەڵ وەزارەتی نەوتی عێراق
لە سەر میکانیزمی هەناردەکردنەوەی نەوت ڕێککەوتن.
ئەوکات، وەزارەتی سامانەسروشتییەکانی
حکومەتی هەرێم دەستپێکردنەوەی هەناردەی نەوتی هەرێمی کوردستانی بەستەوە بە
رێککەوتنی حکومەتی فیدراڵ لەگەڵ حکومەتی تورکیا.
لەکاتێکدا نزیکەی 20 رۆژە رێککەوتن
کراوە، بەڵام تائێستا چارەنوی هەناردەکردنەوەی نەوتی هەرێم نادیارە و بەوتەی
پەرلەمانتارێکیش، جارێکی تر هەرێم و بەغدا لەسەر ئەو پرسە گفتوگۆکانیان
دەستپێدەکاتەوە.
شێروان دووبەردانی، ئەندامی پەرلەمانی عێراق لە فراکسیۆنی
پارتی بە میدیای حزبەکەی راگەیاندووە، رۆژی 2ـى ئەیلول، وەزارەتی سامانە سرووشتییەکانی
حکومەتی هەرێمی کوردستان، کۆمپانیاکانی نەوت و وەزارەتی نەوتی عێراق لە بەغدا کۆدەبنەوە
بۆ درێژەدان بە گفتوگۆکانیان سەبارەت بە رێککەوتنی نێوانیان بۆ دەستپێکردنەوەی هەناردەکردنی
نەوتز
لەبەرامبەر مەرجی کۆمپانیا نەوتیەکاندا، حکومەتی هەرێمی
کوردستان پێی راگەیاندوون، کە گەرەنتی بۆ ئەو کۆمپانیایانە بەرامبەر بەوەی شایستە
داراییەکانیان پێبدرێت، یاسای بودجەی گشتی عێراقە، کە تێیدا ئەو پابەندبوونە داراییە
دیاریکراوە.
هەناردەنەکردنەوەی نەوتی هەرێم لەکاتێکدایە، کە حکومەتی
عێراق ناردنی مووچەی بەستووەتەوە بە هەناردەکردنەوەی نەوتەوە و هەرچەندە
چاوپۆشیکرد لە ناردنی موچەی مانگی شەش، بەڵام پێناچێت وا بە ئاسانی و بەبێ
هەناردەکردنەوەی نەوت مووچەی مانگی حەوت بنێرێت.
