تەندروستی
ئەگەر لەماددە کیمیاییەکان بێزاریت ئەم رۆتینە سروشتییانە بۆ پێستت ئەنجام بدە
2024-10-17
ئەگەر ماددە کیمیاییەکان بۆ پارێزگاری لە پێستت بەکاردەهێنیت، گرنگی بدە بەو بەرهەمانەی کە بەپێکهاتەی سروشتی و زەیتی سروشتی و روەکییان تێدایە، چونکە دەبنە هۆی کەمکردنەوەی هەستیاری و لەهەمانکاتدا خۆراک و شێداری بە پێست دەبەخشن.
پشودان و خەو بەکەم مەزانە بۆ تەندروست مانەوەی پێستت، چونکە پشودان و خەوی پیوست یارمەتی جەستە دەدات بەشێوەیەکی سروشتی خۆی چاک بکاتەوە و درەوشانەوە دەدات بە پێست.
هەروەها، لەبیرتبێت، بەکارهێنانی دژە خۆر یەکێکە لە هەنگاوە زۆر گرنگەکان بۆ پاراستنی پێست.
جگە لەوانەی باسمان کرد دەتوانیت بەم ماددە سروشتیانە ئاگاری پێستت بیت لە وەرزی هاوین:
1-زەیتی گوڵەبەڕۆژە: دەوڵەمەندە بە ڤیتامین و دژە ئۆکسێنەر، زەیتێکی تەواو گونجاوە بۆ شێدارکردنەوە و گەشاوەکردنی پێست، هەروەها یارمەتی کەمکردنەوەی دروستبونی پەڵە دەدات و ڕەنگێکی یەکسان بە پێست دەبەخشێت.
2-جێڵی ئالۆڤێرا: جێڵی ئالۆڤێرا دەتوانێت پێستی سوتاو بە خۆر چاک بکاتەوە و بەشێداری بیهێڵێتەوە.
3-زەیتی گوێزی هیندی: سودی ئەم تەنها بۆ چێشتلێنان نییە، بەڵکو شێدارکەرەوەیەکی نایابە و رەونەق بە پێست دەبەخشێت و لەهەمانکاتدا لە زیانەکانی خۆر دەیپارێزێت.
4-تۆنەری چای سەوز: بەهۆی ئەوەی چای سەوز دەوڵەمەندە بە دژە ئۆکسێنەر خانە تێکچوەکانی پێست نوێ دەکاتەوە و وا دەکات بە گەنجی بمێنێتەوە.
5-سیرۆمی ڤیتامین سی: ڤیتامین سی بە تایبەتمەندی گەشانەوەی پێست ناسراوە ئەوەش وادەکات ببێتە بەرهەمێکی گرنگ بۆئەوەی لە وەرزی هاوین سودی لێببینیت.
6-ماسکی هەنگوین: هەنگوین تایبەتمەندی دژە بەکتریای هەیە کە رێگری لە دروستبونی زیپبە دەکات، لەهەمانکاتدا شێداری و درەوشاوەیی بە پێست دەبەخشێت.
7-ئاوی خەیار: بەکارهێنانی ئاوی خەیار نەک هەر تازەیی بە پێست دەبەخشێت، بەڵکو تایبەتمەندی شێدارکەرەوەی تێدایە و پێست نوێ دەکاتەوە.
8-ماسکی زەردەچەوە: زەردەچەوە دژە هەوکردنی تێدایە، دەتوانیت کەمێک زەردەچەوە و هەنگوین و ماست پێکەوە تێکەڵ بکەیت، هەفتانە دوجار وەک ماسک بەکاریبهێنە و پێست نوێ دەکاتەوە.
9-زەیتی ئەرگان: دەوڵەمەندە بە ترشە چەوری و ڤیتامین E
بابەتی لێکچو
More News
 copy.jpg)
Most Popular
-
سەرۆکی دادگای باڵای فیدراڵی خانەنشینکرا
هەواڵ2025-06-29
1
-
هەولێر و بەغداد دەستدەکەنەوە بە کۆبوونەوە
هەواڵ2025-06-28
2
-
دەستلەکارکێشانەوەی سەرۆک و ئەندامانی دادگای فیدراڵی عێراق دەخاتە بۆشایی دەستورییەوە
هەواڵ2025-06-28
3
-
هەڵبژاردن شەڕی نەوەی نوێ و کۆمەڵ گەرم دەکات
هەواڵ2025-07-01
4
-
گەڕان بۆ ئاڤێستا کۆتایی دێت… ئەو کچەی ئاو بردی و سێ مانگە بێسەروشوێنە
هەواڵ2025-06-28
5
-
وردەکاریی هێرشە موشەکییەکەی شاری کەرکوک
هەواڵ2025-07-01
6
-
سودانی ئەمشە و بڕیار لە رەشنوسی رێککەوتنی هەرێم و بەغدا دەدات
هەواڵ2025-07-02
7
-
راپرسییەک بۆ پێوانەکردنی ئاستی دابڕانی کلتوریی لە هەرێمی کوردستان
هەواڵ2025-06-30
8
هەواڵ
سودانی ئەمشە و بڕیار لە رەشنوسی رێککەوتنی هەرێم و بەغدا دەدات
2025-07-02
شاندی حکومەتی هەرێم و حکومەتی عێراق لەسەر پرسی نەوت و
مووچە گەیشتوون بەرێککەوتن، رێککەوتنەکە تەنها ئەوەی ماوە سودانی ئیمزای
لەسەربکات، لە کۆبونەوەی ئەمشەوی چوارچێوەی هەماهەنگیدا ئیمزاکردن یان رەتکردنەوەی
رێککەوتنەکە یەکلایی دەبێتەوە.
چەند رۆژێکە شاندی حکومەتی هەرێم و حکومەتی عێراق لە
گفتوگۆدان بۆ گەیشتن بە رێگەچارەیەک بۆ لابردنی بەربەستەکانی بەردەم
هەناردەکردنەوەی نەوتی هەرێم، هەرچەندە تائێستا ناوەڕۆکی رێککەوتنەکە
بڵاونەکراوەتەوە، بەڵام هەردولا رێککەوتوون لەسەر هەناردەکردنەوەی نەوتی هەرێم و
رادەستکردنی نیوەی داهاتی ناخۆ لەلایەن هەرێمەوە بە بەغدا، لەبەرامبەردا بەغدا مووچەی
هەرێم دەنێرێت.
مەسرور بارزانی، سەرکی حکومەتی هەرێمی کوردستان دوای
کۆتاییهاتنی کۆبونەوەی ئەمڕۆ ئەنجومەنی وەزیران بڵاویکردەوە، هەرێم هەموو نەرمییەکی
نواندووە بۆ دەستپێکردنەوەی هەناردەکردنی نەوتی هەرێم لە ڕێگەی کۆمپانیای سۆمۆ و گەڕاندنەوەی
داهاتی فرۆشتنی نەوتی هەرێم بۆ وەزارەتی دارایی فیدڕاڵ.
بەنوەی سەرۆکی حکومەت، ئێستا هەرێمی کوردستان و کۆمپانیا
نەوتییەکان، بە هەموو شێوەیەک ئامادەیی هاوکاریان لە گەل حکومەتی فیدڕال پێشان داوە
بۆ هەناردە کردنەوەی نەوت ئەویش لە پێناوی بڕینی هەموو ئەو پاسا و بیانووانەی کە بەغدا
بەکاریهێناون بۆ نەناردنی مووچەی موچەخۆرانی خەڵکی کوردستان.
سەرۆکی حکومەت
رایگەیاند، چاوەڕێی بڕیاری حکومەتی فیدڕاڵ دەکەن بۆ پەسەندکردنی ئەو
لەیەکتێگەیشتنە هاوبەشانەی کە لە چەند ڕۆژی ڕابردوودا، لە نێوان هەردوولا بە ئامادەبوونی
نوێنەری کۆمپانیا نەوتییەکان هاتووەتە ئاراوە
بەپێی زانیارییەکان، سێ رۆژە شاندی بەغدا و هەرێم لەسەر
رەشنوسێک رێککەوتوون، هەرچەندە چاوەڕوان دەکرا لە کۆبونەوەی 1ـى تەموز
ئونجومەنی وەزیرانی عێراق بڕیار لەسەر رەشنوسەکە بدات، بەڵام سودانی دەیەوێت
رەزامەندی لایەنەکان چوارچێوەی هەماهەنگی وەربگرێت.
ئەمشەو چوارشەممە کۆبونەوەی چوارچێوەی هەماهەنگی لە بەسڕە
ئەنجام دەدەرێت و سودانی بەشدار دەبێت و رەشنوسی رێککەوتنەکە لەگەڵ خۆی دەباتە سەر
مێزی چوارچێوەی هەماهەنگی بۆ واژۆ کردن و وەرگرتنی رەزامەندی.
لە ئەگەری رەزامەندی
چوارچێوەی هەماهەنگی، ئەوا سودانی ئیمزا لەسەر رێککەوتنەکە دەکات و دەچێتە بواری
جێبەجێکردنەوە، هەرچەندە تائێستا رووننییە هەناردەکردنوەی نەوت پێش ناردنی موچە
دەکەوێت، یان پێش هەناردەکردنەوەی نەوت موچە لەلایەن بەغداوە دەنێردرێت.
