هەواڵ
شاسوار عەبدولواحید لە بنکەیەکی دەنگدان لە سلێمانی دەنگی دا
2024-10-20
ئەمڕۆ یەکشەممە، شاسوار عەبدولواحید، سەرۆکی جوڵانەوەی نەوەی نوێ بەشداری دەنگدانی بۆ خولی شەشەمی پەرلەمانی کوردستان کرد و دەنگی دا.
سەرۆکی جوڵانەوەی نەوەی نوێ ئاماژەی بەوە کرد، خەڵک دەتوانێت ئەمڕۆ چوار ساڵی داهاتووی بکات بە خۆشترین ساڵەکان و حکومڕانییەکی باش بۆ چوار ساڵی داهاتوو هەڵبژێرێت.
شاسوار عەبدولواحید باسی لەوەش کرد، "داواکارم خانمان هەموویان دەنگ بدەن و کەسوکاریشیان هان بدەن کە دەنگ بدەن".
ئەوەش لەکاتێکدایە، ئەمڕۆ کاتژمێر ٧ی بەیانی، دەنگدانی گشتی بۆ خولی شەشەمی هەڵبژاردنی پەرلەمانی کوردستان دەستی پێکرد و یەکەم هەڵبژاردنە کۆمسیۆنی عێراق بەڕێوەی دەبات و کۆمەڵگەی نێودەوڵەتیش بە چڕی چاودێری دەکات.
کۆمسیۆنی باڵای سەربەخۆی هەڵبژاردنەکانیش داوای لە دەنگدەرانی هەرێم کرد، بەشداری دەنگدان بکەن و بە ئازادانە لایەنی دڵخوازیان هەڵبژێرن و ئاماژەی بەوەش کرد، ئەو کەسانەی پەنجەمۆریان نایخوێنێتەوە، داوای تێپەڕاندن یان تەخەتی بکەن و تاوەکو دەنگ نەدەن بنکەکە چۆڵ نەکەن، پێویستیشە دەنگدەر جگە لە کارتی بایۆمەتری بەڵگەنامەیەکی دیکەی فەرمی پێبێت.
هاوکات، دەنگدان تاوەکو ٦ـی ئێوارە بەردەوام دەبێت و دواتر ئامێرەکان راستەوخۆ و بە ئۆتۆماتیکی لەکار دەکەون و کاتەکەی درێژ ناکرێتەوە و لە ماوەی ٢٤ کاتژمێردا ئەنجامە بەراییەکان ئاشکرا دەکەن.
بابەتی لێکچو
-
مەسعود بارزانی: لەسەر بنەمای 50 بە 50 حکومەت پێکنایەت
هەواڵ2025-05-15
-
گرێبەستەکانی ترەمپ و میری قەتەر یەک ملیۆن هەلی کار لە ئەمریکا دەڕەسێنێت
هەواڵ2025-05-15
-
پارتی رێکارەکانی بەپارێزگابوونی شنگال دەستپێدەکات
هەواڵ2025-05-14
-
لە پرۆژەی رووناکیدا چۆن دەتوانیت کارەبای بەردەوامت هەبێ بە نرخێکی کەم؟
هەواڵ2025-05-14
More News
 copy.jpg)
Most Popular
-
دوای چەکدانانی پەکەکە؛ چارەنووسی زیندانیەکان، قەییومەکان و کورد لە ئەوروپا
هەواڵ2025-05-13
1
-
52 ساڵ خەبات.. پەکەکە هەڵوەشایەوە و خەباتی چەکداری کۆتایی پێهێنا
هەواڵ2025-05-12
2
-
بڕیارەکەی پەکەکە بۆ چەکدانان کاردانەوەی جیاوازی لێ دەکەوێتەوە
هەواڵ2025-05-12
3
-
پارەی سندوقی ژینگەی هەرێمی کوردستان بۆ کوێ دەڕوات؟
بنکۆڵکاری2025-05-12
4
-
مەسعود بارزانی: لەسەر بنەمای 50 بە 50 حکومەت پێکنایەت
هەواڵ2025-05-15
5
-
لە پرۆژەی رووناکیدا چۆن دەتوانیت کارەبای بەردەوامت هەبێ بە نرخێکی کەم؟
هەواڵ2025-05-14
6
-
پارتی رێکارەکانی بەپارێزگابوونی شنگال دەستپێدەکات
هەواڵ2025-05-14
7
-
پارتی 19 و یەکێتی 12 کورسی بەدەست دێنن.. پێگەی لایەنەکان بۆ هەڵبژاردنی عێراق چۆن دەبێت؟
هەواڵ2025-05-12
8
هەواڵ
مەسعود بارزانی: لەسەر بنەمای 50 بە 50 حکومەت پێکنایەت
2025-05-15
مه‌سعود بارزانى سه‌رۆكى پارتى دیموكراتى
كوردستان جەختدەکاتەوە لە پێکهێنانی کابینەی نوێی حکومەتی هەرێم لەسەر بنەمای"
یه‌ك هه‌رێم و حكومه‌ت و په‌رله‌مان و
پێشمه‌رگه" و دەڵێت: لەسەر بنەمای 50 بە 50 حکومەت پێکنایەت.
ئەمڕۆ لە هەولێر، مەسعود بارزانی، سەرۆکی پارتی
دیموکراتی کردستان لە کۆنگرەی یەکگرتنی هەردوو رێکخراوی قوتابییان و لاوانی پارتی وتارێکی
گشتگیری پێشکەش کرد و لە بەشیک لە قسەکانیدا باسی لە پێکهێنانی کابینەی نوێی
حکومەتی هەرێم کرد.
مه‌سعود بارزانى وتی: ئێستاش دواى هه‌ڵبژاردنی
پەرلەمانی کوردستان زه‌مینه ره‌خساوه بۆ گفتوگۆو به‌هه‌موولایه‌نه‌كانیشمان وتووه
ئه‌وانه‌ى كورسیان به‌ده‌ستهێناوه، فه‌رمون وه‌رن با پێكه‌وه حكومه‌ت پێكبهێنین،
نه‌هاتن، به‌شێكیان بڕیارى بون به‌ئۆپۆزسیۆنیان داوه ئێمه‌ش ڕێز له‌هه‌ڵبژاردنه‌كه‌یان
ده‌گرین.
بارزانی ئاماژەی بەکرد، ئێستا گفتوگۆ له‌نێوان
پارتى و یه‌كێتیه، ئه‌گه‌رچى تائێستا قۆناغێكى زۆریان بڕیوه، به‌ڵام هێشتا
ماوه.
سەرۆکی پارتی وتی: دوباره‌ى ده‌كه‌مه‌وه، ئه‌مه
په‌یامى پێش هه‌ڵبژاردنیشمه، یه‌ك هه‌رێم و حكومه‌ت و
په‌رله‌مان‌و پێشمه‌رگه، ئێمه پێمانخۆشه له‌سه‌ر ئه‌و
بنه‌مایه له‌گه‌ڵ یه‌كێتیى و لایه‌نه‌كانى دیكه‌ش حكومه‌ت پێكبهێنین،
به‌ڵام حكومه‌تێك ئه‌و مه‌بده‌ئانه‌ى تێدا نه‌بێت، پێكنه‌یه‌ت باشتره.
لە کۆتایی قسەکانیدا رایگەیاند، هه‌موو هه‌وڵێك
ده‌ده‌ین هه‌رچى زوتر حكومه‌ت پێكبێت داوا له‌پارتى و یه‌كێتیى ده‌كه‌م
په‌له بكه‌ن له‌پێكهێنانى حكومه‌ت، به‌ڵام لەسەر ئەو بنەمایە، ئەگەر لەسەر ئەو بنەمایە پێکنەیەت ئێمە بەردەوم دەبین لە ئیشی خۆمان، بەڵام
حکومەتێک پێکنایەت له‌سه‌ر بنه‌ماى 50 به 50.
ئەمە دووەم جارە لە دوای هەڵبژاردنی پەرلەمانی
کوردستان کە بارزانی داوا لە یەکێتی و پارتی دەکات، پەلەبکەن لە پێهێنانی حکومەتی
هەرێ، رۆژی نۆی نیسان لە میانی بەشداریکردنی لە 17یەمین پێشانگەی نێودەوڵەتیی کتێب
لە هەولێر، جەختی لە پێویستیی پەلەکردن لە پێکهێنانی کابینەی نوێی حکومەتی هەرێمی
کوردستان کردەوە لەلایەن پارتی و یەکێتییەوە.
رۆژی 20ـى تشرینی یەکەمی ساڵی رابردوو، هەڵبژاردنی پەرلەمانی کوردستان ئەنجامدرا،
پارتی 38 کورسی و یەکێتی 23 کورسی بەدەستهێنا، دوای نزیکەی حەوت مانگ لە ئەنجامدانی
هەڵبژاردن هێشتا یەکێتی و پارتی لەسەر پێکهێنانی کابینەی 10ـى حکومەتی هەرێم رێکنەکەوتوون.
