تەندروستی
سێ میوەی پایزە بۆ خاوێنبونەوەی پێست
2024-11-05
ئەو سێ میوە پایزانەیەی سودی هەیە بۆ پێست:
1. كولەكەی شیرین
یەكێكە لە بەسودترین خۆراكەكان، دەوڵەمەندە بە ماددەی خۆراكیی جۆراوجۆر، سیستمی بەرگری جەستە بەهێزدەكات، خانەكانی پێست نوێدەكاتەوە بەهۆی ئەوەی دەوڵەمەندە بە ڤیتامین A و C، شێداركەرەوەی سروشتی پێستە و سودی هەیە بۆ ئەو كەسانەی لە پایزدا پێستیان وشك دەبێت.
2. سێو
لە یەك سێودا پێنج گرام ریشاڵ هەیە و %20ی پێویستی جەستەت بۆ ریشاڵ لە رۆژێكدا دابین دەكات، ڤیتامین C و پۆتاسیۆمی تێدایە، لە بەیانیان وزە بە جەستە دەدات، یارمەتی نەرمبون و جوانتربونی پێست دەدات، ئەگەر لەگەڵ هەنگوین تێكەڵ بكرێت، هەمان سودی فیللەری بۆ پێست دەبێت.
3. هەنار
بەهای خۆراكیی دەوڵەمەندە، بەتایبەتی ئەگەر بە شەربەتی بخورێتەوە، رێژەیەكی زۆر لە دژە ئۆكسان و ریشاڵی تێدایە، بەهۆی ئەوەی دەوڵەمەندە بە ڤیتامین C، سودی هەیە بۆ ئەو كاتانەی توشی پەتا و هەڵامەت دەبیت و سیستمی بەرگری جەستە بەهێزدەكات
More News
 copy.jpg)
Most Popular
-
دوای چەکدانانی پەکەکە؛ چارەنووسی زیندانیەکان، قەییومەکان و کورد لە ئەوروپا
هەواڵ2025-05-13
1
-
52 ساڵ خەبات.. پەکەکە هەڵوەشایەوە و خەباتی چەکداری کۆتایی پێهێنا
هەواڵ2025-05-12
2
-
بڕیارەکەی پەکەکە بۆ چەکدانان کاردانەوەی جیاوازی لێ دەکەوێتەوە
هەواڵ2025-05-12
3
-
پارەی سندوقی ژینگەی هەرێمی کوردستان بۆ کوێ دەڕوات؟
بنکۆڵکاری2025-05-12
4
-
مەسعود بارزانی: لەسەر بنەمای 50 بە 50 حکومەت پێکنایەت
هەواڵ2025-05-15
5
-
لە پرۆژەی رووناکیدا چۆن دەتوانیت کارەبای بەردەوامت هەبێ بە نرخێکی کەم؟
هەواڵ2025-05-14
6
-
پارتی رێکارەکانی بەپارێزگابوونی شنگال دەستپێدەکات
هەواڵ2025-05-14
7
-
پارتی 19 و یەکێتی 12 کورسی بەدەست دێنن.. پێگەی لایەنەکان بۆ هەڵبژاردنی عێراق چۆن دەبێت؟
هەواڵ2025-05-12
8
هەواڵ
مەسعود بارزانی: لەسەر بنەمای 50 بە 50 حکومەت پێکنایەت
2025-05-15
مه‌سعود بارزانى سه‌رۆكى پارتى دیموكراتى
كوردستان جەختدەکاتەوە لە پێکهێنانی کابینەی نوێی حکومەتی هەرێم لەسەر بنەمای"
یه‌ك هه‌رێم و حكومه‌ت و په‌رله‌مان و
پێشمه‌رگه" و دەڵێت: لەسەر بنەمای 50 بە 50 حکومەت پێکنایەت.
ئەمڕۆ لە هەولێر، مەسعود بارزانی، سەرۆکی پارتی
دیموکراتی کردستان لە کۆنگرەی یەکگرتنی هەردوو رێکخراوی قوتابییان و لاوانی پارتی وتارێکی
گشتگیری پێشکەش کرد و لە بەشیک لە قسەکانیدا باسی لە پێکهێنانی کابینەی نوێی
حکومەتی هەرێم کرد.
مه‌سعود بارزانى وتی: ئێستاش دواى هه‌ڵبژاردنی
پەرلەمانی کوردستان زه‌مینه ره‌خساوه بۆ گفتوگۆو به‌هه‌موولایه‌نه‌كانیشمان وتووه
ئه‌وانه‌ى كورسیان به‌ده‌ستهێناوه، فه‌رمون وه‌رن با پێكه‌وه حكومه‌ت پێكبهێنین،
نه‌هاتن، به‌شێكیان بڕیارى بون به‌ئۆپۆزسیۆنیان داوه ئێمه‌ش ڕێز له‌هه‌ڵبژاردنه‌كه‌یان
ده‌گرین.
بارزانی ئاماژەی بەکرد، ئێستا گفتوگۆ له‌نێوان
پارتى و یه‌كێتیه، ئه‌گه‌رچى تائێستا قۆناغێكى زۆریان بڕیوه، به‌ڵام هێشتا
ماوه.
سەرۆکی پارتی وتی: دوباره‌ى ده‌كه‌مه‌وه، ئه‌مه
په‌یامى پێش هه‌ڵبژاردنیشمه، یه‌ك هه‌رێم و حكومه‌ت و
په‌رله‌مان‌و پێشمه‌رگه، ئێمه پێمانخۆشه له‌سه‌ر ئه‌و
بنه‌مایه له‌گه‌ڵ یه‌كێتیى و لایه‌نه‌كانى دیكه‌ش حكومه‌ت پێكبهێنین،
به‌ڵام حكومه‌تێك ئه‌و مه‌بده‌ئانه‌ى تێدا نه‌بێت، پێكنه‌یه‌ت باشتره.
لە کۆتایی قسەکانیدا رایگەیاند، هه‌موو هه‌وڵێك
ده‌ده‌ین هه‌رچى زوتر حكومه‌ت پێكبێت داوا له‌پارتى و یه‌كێتیى ده‌كه‌م
په‌له بكه‌ن له‌پێكهێنانى حكومه‌ت، به‌ڵام لەسەر ئەو بنەمایە، ئەگەر لەسەر ئەو بنەمایە پێکنەیەت ئێمە بەردەوم دەبین لە ئیشی خۆمان، بەڵام
حکومەتێک پێکنایەت له‌سه‌ر بنه‌ماى 50 به 50.
ئەمە دووەم جارە لە دوای هەڵبژاردنی پەرلەمانی
کوردستان کە بارزانی داوا لە یەکێتی و پارتی دەکات، پەلەبکەن لە پێهێنانی حکومەتی
هەرێ، رۆژی نۆی نیسان لە میانی بەشداریکردنی لە 17یەمین پێشانگەی نێودەوڵەتیی کتێب
لە هەولێر، جەختی لە پێویستیی پەلەکردن لە پێکهێنانی کابینەی نوێی حکومەتی هەرێمی
کوردستان کردەوە لەلایەن پارتی و یەکێتییەوە.
رۆژی 20ـى تشرینی یەکەمی ساڵی رابردوو، هەڵبژاردنی پەرلەمانی کوردستان ئەنجامدرا،
پارتی 38 کورسی و یەکێتی 23 کورسی بەدەستهێنا، دوای نزیکەی حەوت مانگ لە ئەنجامدانی
هەڵبژاردن هێشتا یەکێتی و پارتی لەسەر پێکهێنانی کابینەی 10ـى حکومەتی هەرێم رێکنەکەوتوون.
