هەواڵ
ناردنی چەکی نوێ لەلایەن ئەمەریکاوە بۆ ئیسرائیل نیگەرانی غەززەی لێدەکەوێتەوە
2025-02-16
ئەمەریکا کاروانێکی نوێی چەک ڕەوانەی ئیسرائیل دەکات، بەرپرسی فەرمانگەی ڕاگەیاندنی حکومەتی غەززە دەڵێت، ئەمەریکا لەبری ناردنی هاوکاری بۆ غەززە، پشتگیری تاوانبارانی جەنگ دەکات.
وەزارەتی بەرگری ئیسرائیل گەیشتنی کاروانێکی نوێی کەرەستەی سەربازی ئەمەریکی بە وڵاتەکەی ڕاگەیاند، گەیشتنی کاروانەکە هاوکاتی سەردانی مارک ڕۆبیۆ وەزیری دەرەوەی ئەمەریکایە بۆ وڵاتەکە.
ئیسرائیل گەیشتنی ئەو کاروانە سەربازییە بە "هێمای پەیوەندی بە‌هێزی"یان لەگەڵ ئەمەریکا دەزانێت، چاوەڕوانی بەهێزکردنیشی دەکات.
ئیدارەی بایدن، دوای هێرشەکەی 7ـی ئۆکتۆبەرى 2023ـی حەماس بۆ سەر ئیسرائیل، هەزاران بۆمبی رەوانەی وڵاتەکە کرد، بەڵام دواتر بەهۆی نیگەرانیی کاریگەرییەکانی لەسەر غەززە، یەکێک لە کاروانەکانی راگرت.
ئەم کاروانەی ئێستا گەیشتووە، هەمان ئەو کاروانە ڕاگیراوەیە کە مانگی ڕابردوو لەلایەن ئیدارەکەی ترامپەوە ڕاگرتنی هەڵگیرا و ڕەوانە کرا.
ناردنی چەکی نوێ لەلایەن ئەمەریکاوە دووبارە نیگەرانی دورستکردووە، سەلامە مەعروف، بەرپرسی فەرمانگەی ڕاگەیاندنی حکومەتی غەززە ڕایگەیاند، "لەبری ناردنی خۆراک، دەرمان، ئاو، یان شوێنی حەوانەوە و کەرەستەی بیناسازی بۆ قوربانیانی کەرتی غەززە، ئەمریکا پشتگیری تاوانبارانی جەنگ دەکات و هاوکاری زیاتریان بۆ دەنێرێت".
هاوکارییە سەربازییە نوێیەکان چین؟
بۆمبی قورس لە جۆری MK-84 بە کێشی دوو هەزار پاوەندە کە توانای زیانگەیاندنێکی بەرفراوانیان هەیە و مەبەست لێی بەهێزکردنی تواناکانی هێرشی ئیسرائیلە.
چەکی دورهاوێژ لە جۆری دۆشکەی (IDF)، کە لەلایەن ئەمریکاوە پەرەی پێدراوە و لە قەبارەی 7.62x51 ملمدایە.
-پێداویستی تەقەمەنی تۆپخانە و فڕۆکەی هێرشبەر کە پاکێجەکە بە بڕی 8 ملیار دۆلار بۆ ئیسڕائیل نێردراوە.
ئامانجی ئەمەریکا چییە؟
هاوکارییەکانی ئەمەریکا بۆ ئیسرائیل بەشێکن لە دەستپێشخەرییەکانی واشنتن بۆ بەرزکردنەوەی توانای سەربازی تەلئەڤیڤ لە جەنگ و ململانێکانی ڕۆژهەڵاتی ناوەڕاستدا.
بابەتی لێکچو
-
بەپێی راپۆرتێکی سودانی هەرێم 16 ترلیۆن دینار زیاتری لە پشکی خۆی وەرگرتووە
هەواڵ2025-06-11
-
نوێنەری وڵاتان لەگەڵ سودانی باسی کێشەی هەرێمی کوردستانیان کرد
هەواڵ2025-06-11
-
وەڵامی ژیریی دەستکرد بۆ ئەگەری جیابوونەوەی هەرێم لە عێراق
هەواڵ2025-06-11
-
مەسک: پەشیمانم لە هەندێک لە پۆستەکانم دژی ترەمپ
هەواڵ2025-06-11
More News
 copy.jpg)
Most Popular
-
مەسک لەگەڵ وەزیری گەنجینەی ئەمریکا گورزیان لەیەکتریی وەشاندووە
هەواڵ2025-06-08
1
-
پێنجیەکی سوپای ئیسرائیل لە رەگەزی مێن
هەواڵ2025-06-08
2
-
گەنجێک بەهۆی بەکارهێنانی زیرەکی دەستکرد گیانی لەدەستدا
هەواڵ2025-06-09
3
-
"هیچ شاندێک مەنێرن بۆ بەغداد بۆ گفتوگۆکردنی پرسی موچە"
هەواڵ2025-06-08
4
-
مستیلەکەی سیستانی بۆ منداڵێکی لوبنانیی کە چاوی لەدەستداوە
هەواڵ2025-06-08
5
-
لە مانگی تەموزەوە پارەدان لە فەرمانگەکان بە کاش ئەنجامنادرێت
هەواڵ2025-06-09
6
-
سبەی دەستدەکرێت بە وەرگرتنی گەنمی جوتیاران
هەواڵ2025-06-09
7
-
هەرێم بەتەمابوو پاش جەژن پرسی موچە چارەسەربکات
هەواڵ2025-06-10
8
هەواڵ
بەپێی راپۆرتێکی سودانی هەرێم 16 ترلیۆن دینار زیاتری لە پشکی خۆی وەرگرتووە
2025-06-11
سەرۆک وەزیرانی عێراق راپۆرتێکی لەسەر ئەو داهاتانە رادەستی
فراکسیۆنی یەکگرتووی ئیسلامی کردووە، کە حکومەتی هەرێم لە دوو ساڵ و چوار مانگدا دەستیکەوتووە،
بەپێی راپۆرتەکە، هەرێم 16 ترلیۆن دینار
زیاتری لە پشکی خۆی وەرگرتووە.
رۆژی 3ـى حوزەیران، فراكسیۆنی یەكگرتوو لە پەرلەمانی عێراق
سەردانی محەمەد شیاع سودانی، سەرۆك وەزیرانی عێراقیان كرد، سەردانەکە تایبەتبوو بە
قسەکردن لەسەر بڕیاری وەزیری دارایی عێراق بۆ راگرتنی موچەی موچەخۆرانی هەرێمی
كوردستان.
بەپێی ئەو راپۆرتەی سودانی، کۆی ئەو داهاتەی هەرێم لە لە
2023-2024- نیسانی 2025 دەستیکەوتووە زیاترە لە 41 ترلیۆن و 516 ملیار و 842 ملیۆن
دینار، لە کاتێکدا پشکی هەرێم بە پێی یاسای بودجە لەو دوو سڵ و سێ مانگەدا، نزیکەی
26 ترلیۆن و 400 ملیار دینار بووە.
هەرێم لەو دوو ساڵ و سێ مانگەدا، زیاتر لە شەش ترلیۆن و
275 ملیار و 240 ملیۆن دینار، داهاتی نەوتی دەستکەوتووە، 10 ترلیۆن و 522 ملیار و
690 ملیۆن دینار، داهاتی نانەوتی دەستکەوتووە، بڕی دوو ترلیۆن و 607 ملیار دیناری
لە بانکی بازرگانی عێراق و بانکە حکومییەکان قەرز کردووە.
وەک لە
راپۆرتەکەداهاتووە، لە حکومەتی فیدراڵییەوە
زیاتر لە 18 ترلیۆن و ملیارێک و 838 ملیۆن دینار، بۆ هەرێم نێردراوە، لە ئەنجامدا 16 ترلیۆن و 511 ملیار دینار لە ئەستۆی حکومەتی
هەرێم ماوەتەوە.
