هەواڵ

بافڵ تاڵەبانی و هۆشیاری زێباریی پێچەوانەی یەکتری زانیاری لەسەر سوپای تورکیا لە هەرێم دەخەنەڕوو

هەریەک لە بافڵ تاڵەبانی، سەرۆکی یەکێتیی نیشتمانیی کوردستان و هۆشیار زێباریی، ئەندامی مەکتەبی سیاسی پارتی دیموکراتی کوردستان، لە بەڵگەفیلمێکی كەناڵی (BBC)دا چاوپێکەوتنیان لەگەڵدا کراوە و بۆچوون و زانیاریی جیاواز لەبارەی رۆڵ و ئەرکی سوپای تورکیا لەناو خاکی هەرێمی کوردستان دەخەنەڕوو.

بافڵ تاڵەبانی، دەڵێت: سەربازانی توركیا، لەناو خاكی عێراقدا زیاترن لە سەربازانی ئەمریكا، هەروەها تورکیا پارتی كرێكارانی كوردستان دەكاتە پاساو بۆ هاتنە ناو خاکی عێراق، پێموایە ئەوان لێرەن لەبەرئەوەی پێویستە پشتیوانی لە پارتی دیموكراتی كوردستان بكەن.

لە بەرامبەردا، هۆشیار زێباری، دەڵێت: بنكەكانی سوپای توركیا لە ساڵی 1992وە لە هەرێمی كوردستاندا جێگیرن و نوێ نین، هۆكارەكەشی رێگریكردنە لە بڵاوبوونەوەی پارتی كرێكارانی كوردستان، هەروەها ئیدارەی كورد لە هەرێم چیتر هەڕەشە نییە بۆسەر ئاسایشی نەتەوەیی توركیا، هەردوولا هیچ شتێك لە یەكتر ناشارنەوە.

بەپێی بەدواداچوونەکەی کەناڵی بی بی سی، بەگشتی 136 بنکەی سەربازی تورکیا لە هەرێمی کوردستان هەن، 121 بنکەی سەربازیی، یان 89٪ی بنکەکان لە پاش ساڵی 2018 جێگیرکراون.

لەوبارەیەوە هۆشیار زێباری زانیارییەکان رەتدەکاتەوە و دەڵێت: تورکیا تەنها 2 بۆ 3 بنکەی سەرەکی سەربازیی هەیە، ئەوانی دیکە خاڵی پاسەوانیی سەربازیین و هەروەها ئاماژە بەوەش دەکات: ئەو شوێنانەی سوپای تورکیا لێی جێگیربووە، دەمێکە خەڵک تێیدا نیشتەجێ نییە، ناوچەی چۆڵکراون بەهۆی مامەڵەی چەکدارانی پەکەکە، ئەوانی دیکە هیچ مەترسییەکیان لەسەر نییە و خەڵک هاموشۆ دەکەن و رۆژانە کارەکانی خۆیان دەکەن بەشێوەیەکی ئاسایی.


بافڵ تاڵەبانی ئاشکرای دەکات، کە سەربازانی توركیا لەناو خاكی عێراقدا زیاترن لە سەربازانی ئەمریكا و دەڵێت: توركیا پارتی كرێكارانی كوردستان دەكاتە پاساو بۆ هاتنە ناو خاکی عێراق، پێموایە ئەوان لێرەن لەبەرئەوەی پێیانوایە پێویستە پشتیوانی لە پارتی دیموكراتی كوردستان بكەن.

تاڵەبانی دەشڵێت: كاتێك لە نزیكەوە هاوكاری سوپای وڵاتێك دەكەیت ئەمە ئاماژەیە بۆ هاوكاری هەواڵگریش؛ زۆرجار ئەمانە یەكتری تەواو دەكەن (وەکو ئاماژەیەک بۆ پەیوەندیی پارتی و توركیا).

سەرۆکی یەکێتی پێیوایە، هەماهەنگییەكی تەواو لەنێوان توركەكان و هێزەكانی پارتی دیموكراتی كوردستاندا هەیە، هەروەها لەنێوان هەواڵگریی توركیاو هەواڵگری پارتیدا، هەم لەڕووی ئاڵوگۆڕی زانیاریی و هەم لەبواری چاودێریدا.

جەختدەکاتەوە لە هاوکاری و هەماهەنگی نێوان سوپای تورکیا و هێزەکانی پارتی و دەڵێت: گومانی تێدا نییە هێزەكانی پارتی یارمەتی سەربازانی توركیا دەدەن، هەروەك لەڕووی لۆجستی یارمەتییان دەدەن و هەندێكجاریش دەیبینیت شانبەشانی یەكتر دەسوڕێنەوە.

هۆشیار زێباری نایشارێتەوە، کە ناكۆكی جددییان هەیە لەگەڵ پارتی كرێكارانی كوردستان و دەڵێت: خۆیان وەكو بارگرانییەك بەسەر ئێمەدا سەپاندووە.

زێباری ئاماژە بەوەدەکات، خەڵكی مەدەنیی قوربانی یەکەمی هەر شەڕێکە و بڕوای وایە، مامەڵەی توركیا لەگەڵ خەڵكی مرۆڤدۆسترە لە مامەڵەی پارتی كرێكارانی كوردستان.

رەتی دەکاتەوە رووبەڕووی پارتی كرێكاران ببنەوە و رایگەیاندووە، مەگەر ئەوەی دەستدرێژیی بكەنە سەر بەرژەوەندییە ستراتیژییەكانمان وەكو ئەوەی بچنە ناو ناوچەی نیشتەجێبوون یان تۆڕی رێگا سەرەكییەكان یاخود دانانی خاڵی پشكنین و بێزاركردنی خەڵك، ئەمانە هێڵی سورن لای ئێمە.

هۆشیاری زێباریی جەختدەکاتەوە، کە هاوکاری هەواڵگریی لەگەڵ تورکیا ناکەین، ئێمە زانیاری هەواڵگریی باشترمان لە توركیا هەیە، پارتی كرێكارانی كوردستان بەتەواوەتی گۆشەگیربووەو پشت بە قاچاخچییەكان دەبەستێت بۆ هێنانی خۆراك و پێداویستییەكانی تری وەكو دەرمان، هەندێك كەس هاوكارییان دەكەن، ئەو كەسانە لێكۆڵینەوەیان لەگەڵدا دەكرێت.

تەندروستی

نەخۆشی ناسۆر چییە و نیشانەکانی کامانەن؟

ناسۆری کلێنچکە : بریتییە لە دروست بوونی کیسێک، کە زۆر جار پێک دێت لە موو و چڵک و پیسایی لە ژێر پێستی ناوچەی کلێنچکە (بەشی سەرەوەی نێوان هەردوو سمت)، بەهۆی هەڵگەڕانەوەی و کۆبوونەوەی مووەکانەوە و دروست بوونی کون لەسەر پێستەکە و هاتنە دەرەوەی پێکهاتەی کیسەکە لێیەوە، وە هەندێک جار دەکرێت هەمان حاڵەت لە ناوکدا ڕوو بدات.

هۆکارەکەی دەگەڕێتەوە بۆ کۆمەڵێک خالی جیاواز لەوانە:
قەڵەوی
دانیشتنی زۆر وەک ئەوانەی شۆفێری زۆر دەکەن یان شێوازی کارەکەیان بە شێوەیەکە زۆر دادەنیشن
جل و بەرگی تەسک
پاک و خاوێن ڕانەگرتنی ئەو شوێنە.
هەبوونی موویەکی ڕەق و ئەستوور و لانەبردنی


نیشانەکانی نەخۆشی ناسۆر:
- ئازار.
- خوران.
-دروست بوونی کون.
- هەوکردن و دروست بوونی دومەڵ، کە دەبێتە هۆی:
٭سووربوونەوە و هەڵئاوسانی شوێنەکە.
٭هاتنەدەروەی کێم و خوێناو بەشێوەی شلەیەکی زەردباو و بوونی بۆنی ناخۆش لە برینەکە.
٭بەرزبوونەوەی پلەی گەرمی لەش.