هەواڵ

دادگای فیدراڵی: بۆ هەڵوەشاندنەوەی پەرلەمانی کوردستان دانیشنتن ئەنجام دەدەین

دادگای فیدراڵی وردبینی بۆ دوو سکاڵا دەکات کە لەلایەن نەوەی نوێ و کۆمەڵی دادگەرییەوە دژی سەرۆکی هەرێمی کوردستان تۆمارکراون و داوای هەڵوەشاندنەوەی پەرلەمانی کوردستانیان کردووە.

 بەپێی خشتەی دانیشتنەکانی دادگای فیدراڵی عێراق، 6ـی تەمووز دادگاکە وردبینی بۆ دوو سکاڵا دەکات کە بۆ هەڵوەشاندنەوەی خولی شەشەمی پەرلەمانی کوردستان تۆمارکراون.

دوو سکاڵاکە لەلایەن سروە عەبدولواحید، کاوە عەبدولقادر و کوردەوان جەمال لە فراکسیۆنی نەوەی نوێ لە پەرلەمانی عێراق و کوردستان و عومەر گوڵپی کاندیدی سەرکەوتووی کۆمەڵەی دادگەری بۆ پەرلەمانی کوردستان تۆمارکراون.

نەوەی نوێ لە سکاڵاکەیەدا کە دژی سەرۆکی هەرێمی کوردستان تۆمارییان کردووە، داوایان لە دادگاکە کردووە، بەهۆی هەڵنەبژاردنی دەستەی سەرۆکایەتی پەرلەمان و متمانە نەدان بە ئەنجومەنی وەزیران داوای هەڵوەشاندنەوەی خولی شەشەمی پەرلەمانی کوردستانیان کردووە.

نەوەی نوێ لە سکاڵاکەیەدا پشتی بە یاسای سه‌رۆكایه‌تی هه‌رێمی كوردستان ــ عێراق یاسای ژماره‌ (1) ی  ساڵی/ 2005 (1) و هەموارەکانی بەستووە، کە لە خاڵی سێیەمی بڕگەی چوارەمی مادەی دەیەمدا هاتووە، له‌م حاڵه‌تانه‌دا به‌ فه‌رمانێ په‌رله‌مانی كوردستان ــ عێراق هه‌ڵده‌وه‌شێنێته‌وه‌، ئه‌گه‌ر په‌رله‌مان متمانه‌ی به‌ئه‌نجومه‌نی وه‌زیران، له‌ سێ پێكهاته‌ی وه‌زاری جیاوازی یه‌ك له‌دوای یه‌كدا نه‌دا.

کۆمەڵی دادگەری لە سکاڵاکەیەدا کە دژی سەرۆکی هەرێم و سەرۆکی تەمەنی پەرلەمانی کوردستان تۆماریی کردووە داوایکردووە،  هەڵوەشاندنەوەی پەرلەمانی کوردستان، گەڕانەوەی هەموو ماف و ئیمتیازاتەکان لەلایەن ئەو 97 کاندیدەی کە سەرکەوتوو بوون،  پابەندکردنی کۆمسیۆنی باڵای سەربەخۆی هەڵبژاردنەکانی عێراق بۆ ئامادەکاری و ئەنجامدانی هەڵبژاردن بۆ پەرلەمانی کوردستان بە زووترین کات.

کۆمەڵی دادگەری لە سکاڵاکەیدا پشتی بە بڕگەی چوارەمی مادەی دەیەمی یاسای سه‌رۆكایه‌تی هه‌رێمی كوردستان ــ عێراق یاسای ژماره‌ (1) ی  ساڵی/ 2005 (1) و هەموارەکانی بەستووە، کە لە خاڵی دووەمدا هاتوە،  ئه‌گه‌ر له‌ماوه‌ی (45) چل و پێنج رۆژدا له‌بانگهێشت كردنی بۆ كۆبوونه‌وه‌ی خولی هه‌ڵبژاردن، ژماره‌ی یاسایی ئه‌ندامان به‌ده‌ست نه‌هات، به‌ فه‌رمانێ په‌رله‌مانی كوردستان ــ عێراق هه‌ڵده‌وه‌شێنێته‌وه‌. 

رۆژی 2ی کانوونی یەکەمی 2024، خولی شەشەمی پەرلەمانی کوردستان دەرگاکانی بۆ پێشوازیکردن لە پەرلەمانتاران کردەوە، کرانەوەی دەرگاکانی پەرلەمان بەڕوی پەرلەمانتاراندا، بۆ تاتوێکردنی پرسە هەنوکەیی و پێشهات و گۆڕانکارییەکان نەبوو، بەڵکو تەنها بۆ سوێندخواردنی پەرلەمانتارانی خولی شەشەمی پەرلەمان بوو.

پەرلەمانی کوردستان لەو کاتەوە، دەرگاکانی بۆ هیچ دانیشتنێک نەکراونەتەوە و دیاریش نییە کەی کارا دەبێتەوە و دەتوانێت چالاکییەکانی دەستپێبکاتەوە.

هەواڵ

بەغدا لە پلەی یەکەمدایە.. ملیۆنێک 613 هەزار کەس کارتی دەنگدانیان نوێ کردووەتەوە

بەپێی ئامارى کۆمسیۆنى باڵاى سەربەخۆى هەڵبژاردنەکان، لە نوێکردنەوە کارتى بایۆمەترى دەنگداندا، پارێزگاى بەغداد لەسەر ئاستى عێراق لە پلەى یەکەمدایە، لەسەر ئاستى هەرێمى کوردستان هەولێر لەپێش پارێزگاکانى دیکەوەیە.

کۆمسیۆنى باڵاى سەربەخۆى هەڵبژاردنەکانی عێراق بڵاویکردەوە، تا ئێستا لەسەرتاسەرى عێراق و هەرێمى کوردستان ملیۆنێک و 613 هەزار و 421 دەنگدەر تۆمارەکانیان نوێکردووەتەوە

بەپێی ئامارەکە، پارێزگاى بەغداد لە نوێکردنەوەى تۆمارى دەنگدەران لە پلەى یەکەمدایە بە زیاتر لە 346 هەزار دەنگدەر، پاشان نەینەوا دێت بە 237 هەزار و 90 دەنگدەر.

لەسەر ئاستى پرێزگاکانى هەرێمى کوردستان، هەولێر لە پلەى یەکەمدایە بە 116 هەزار و 724 دەنگدەر، پاشان سلێمانى بە 85 هەزار و 464 دەنگدەر، دهۆک بە 60 هەزار و 422 دەنگدەر.

بەپێی ئامارەکانى کۆمسیۆنى باڵاى سەربەخۆى هەڵبژاردنەکان 29 ملیۆن و 118 هەزار کەس مافى دەنگدانیان هەیە لە هەڵبژاردنى داهاتوو، لەو ژمارەیە، نزیکەى 20 ملیۆنیان خۆیان لە سیستمى بایۆمەترى دەنگدان تۆمارکردووە .

بەپێی بڕیاری کۆمسیۆن، پڕۆسەى نوێکردنەوەى تۆمارى بایۆمەترى دەنگدان، لە 25 ى ئازارەوە دەستیپێکردووە و تا 15 ى حوزەیران بەردەوام دەبێت.

بڕیارە لە رۆژی 11ـی تشرینی دووەمی 2025 هەڵبژاردنی پەرلەمانى عێراق بەڕێوەبچێت، حێراق کراوە بە 18 بزنەی هەڵبژاردن و هەر بارێزگایەک بەزنەیەکی هەڵبژاردن دەبێت.