هەواڵ
موسڵمانێک دەبێتە سەرۆکی شارەوانی نیویۆرک
2025-07-03
زەهران مەمدانی، ئەندامی ئەنجومەنی یاسادانانی
ویلایەتی نیویۆرکە، تەمەنی تەنها 33 ساڵە، بە فەرمی دەچێتە ناو کێبڕکێی دیموکراتەکانەوە
بۆ پۆستی سەرۆکی شارەوانی شاری نیویۆرک، ئەمەش پێشینەیەکی مێژوویی وەک یەکەم کاندیدی
موسڵمان بۆ ئەو پۆستە دادەنێت و ترەمپ دژایەتی دەکات.
لە هەڵبژاردنی
ئامادەسازیی دیموکراتەکانی ئەمریکادا، کە رۆژی 25ی حوزەیرانی رابردوو ئەنجامدرا،
زەهران توانیویەتی رێژەی 43٪ی دەنگەکان بەدەستبهێنێت بەرامبەر ئەنرۆ کوۆمۆ، سەرۆکی
پێشویی شارەوانی نیویۆرک کە تەنها 36٪ی دەنگەکانی بەدەستهێنابوو، کە ناوبراو ساڵی
2021 بەهۆی رووبەڕووکردنەوەی تۆمەتی گێچەڵی سێکسی، دەستیلەکارکێشایەوە.
زەهران مەمدانی،
گەنجێکی پێشکەوتنخوازە و لە موسڵمانەکانی ئۆگەندایە (هندی) و لە ئاینزای شیعەیە، ساڵی 2008 وڵاتینامەی ئەمریکای وەرگرتووە، توانایەکی زۆر باشی وتاردان و کاری دەستەجەمعی هەیە
و لەپاش ئاشکراکردنی ئەنجامەکان، وتی: مێژوومان تۆمارکرد.
"من کاندیدی دیموکراتەکانتان دەبم بۆ سەرۆکی شارەوانی شاری نیویۆرک".
رۆژی 2ی تەموز، زەهران مەمدانی لە ئەکاونتی خۆی
لە تۆڕی کۆمەڵایەتی ئێکس نوسی، دۆناڵد ترەمپ سەرۆکی ئەمریکا هەڕەشەی هەڵوەشاندنەوەی
ڕەگەزنامە ئەمریکییەکەی لێکردووە.
مەمدانی ئاماژەی بەوەکردووە ترەمپ بۆیە دژایەتی
دەکات، لەبەرئەوەی پشتیوانی سیاسەتی دژە کۆچبەریی و جێبەجێکردنی گومرگیی دەکەم.
مەمدانی، ئەگەر لە هەڵبژاردنی سەرۆکایەتی
شارەوانی کە بڕیارە مانگی 11 بەڕێوەبچێت، سەربکەوێت، دەبێتە یەکەم سەرۆکی شارەوانی
موسڵمانانی باشووری ئاسیا لە نیویۆرک.
بابەتی لێکچو
-
رێککەوتن نەکراوە… حکومەتی عێراق کەی پارەی مووچە رەوانە دەکات؟
هەواڵ2025-07-16
-
کەمکردنەوەی سەقفی داواکارییەکان حکومەتی عێراق و هەرێمی لەسەر مووچە گەیاندە لێکتێگەیشتن
هەواڵ2025-07-16
-
هێرشە درۆنییەکان نەوتی هەرێمی کوردستان دەخەنە دوو ریانی رادەستکردن و داخستنەوە
هەواڵ2025-07-16
-
توانا عوسمان: بێ قەیدوشەرت بەهەموو مەرجێکی بەغدا ڕازیبن
هەواڵ2025-07-16
More News
 copy.jpg)
Most Popular
-
ئەتاتورک لە ئەشکەوتی جاسەنە بەڵێنی سەربەخۆی بە کورد دا و جێبەجێی نەکرد
هەواڵ2025-07-12
1
-
Mic Exclusive: یەکێتی پێشنیازێک بۆ رادەستکردنی نەوت دەداتە پارتی
هەواڵ2025-07-14
2
-
توانا عوسمان: بێ قەیدوشەرت بەهەموو مەرجێکی بەغدا ڕازیبن
هەواڵ2025-07-16
3
-
رێککەوتن نەکراوە… حکومەتی عێراق کەی پارەی مووچە رەوانە دەکات؟
هەواڵ2025-07-16
4
-
قاسملۆ ئەو سەرکردە کوردەی لەسەر مێزی دانوستان و ئاشتی تیرۆر کرا
هەواڵ2025-07-13
5
-
بارزانی و تاڵەبانی بۆ تێپەڕاندنی ئاڵنگارییەکان کۆدەبنەوە
هەواڵ2025-07-13
6
-
جێگری سەرۆکی پەرلەمانی عێراق داوادەکات کورد هەڵوێست رابگەیەنێت دژی بەغدا
هەواڵ2025-07-12
7
-
دادگای فیدراڵی لەسەر مووچە کۆدەبێتەوە و مەسرور بارزانیش پەیامێک بۆ سەرۆکی دادگاکە دەنێرێت
هەواڵ2025-07-13
8
هەواڵ
رێککەوتن نەکراوە… حکومەتی عێراق کەی پارەی مووچە رەوانە دەکات؟
2025-07-16
حکومەتی عێراق و حکومەتی هەرێمی کوردستان تا ئێستا لەسەر
نەوت و داهاتی نانەوتی رێککەوتنیان نەکردووە، وتەبێژی حکومەت دەڵێت، لێک تێگەیشنەکە
سەرەتاییە و دواتر دەبێت رێککەوتنێکی فراوان.
پرسی نەوت و داهاتی نەوتی خاڵی ناکۆکی حکومەتی هەرێمی
کوردستان و حکومەتی عێراق بوو، دوای چەندین جار توانرا بگەنە لێکتێگەیشتنێکی سەرەتایی.
ئەنجومەنی وەزیرانی هەرێمی کوردستان لە راگەیەندراوەکەیدا
بە روونی دانی پێداناوە لێکتگەیشتنە نەک رێککەوتن و رایگەیاندووە، پێشوازیی لێ دەکەن.
بەپێی لێکتێگەیشتنەکە هەرێمی کوردستان 230 هەزار بەرمیل
نەوتی رۆژانە و 120 ملیار دینار داهاتی نانەوتی رادەستی حکومەتی عێراق دەکات. حکومەتی
عێراق لە بەرامبەردا مانگانە مووچەی مووچەخۆرانی هەرێمی کوردستان رەوانە دەکات.
پێشەوا هەورامانی، وتەبێژی حکومەتی هەرێمی کوردستان بە دیجیتاڵ
میدیای Micـی راگەیاند،
لێکتگەیشتنەکە سەرەتاییە، دواتر هەردوو حکوومەت دەچنە ناو ڕێککەوتنێکی فراوانترەوە.
بەپێی زانیارییەکانی دیجتاڵ میدیایMic، تا ئەنجامدانی رێککەوتن پارە رەوانەی هەرێمی کوردستان ناکرێت و
دوای رێککەوتنەکە حکومەتی عێراق دەست بە ناردنی پارە بۆ هەرێمی کوردستان دەکات.
تا ئێستا وادەی رێککەوتنەکە بە فەرمی دیاریی نەکراوە، بەڵام
هەموو چاوەڕوانییەکان بەو ئاڕاستەیەن کە لە چەند رۆژی داهاتوودا رێککەوتنەکە بکرێت.
بەپێی رێککەوتنەکە وەک حکومەتی هەرێمی کوردستان بۆ دیجتاڵ میدیای Mic پشتراستکردوەتەوە،
نابێت هیچ مووچەیەکی مووچەخۆرانی هەرێمی کوردستان بفەوتێت.
