هەواڵ
شاندێکی هەرێمی کوردستان لە بەغدا مووچەی مانگی شەش یەکلایی دەکاتەوە
2025-08-06
هەفتەی داهاتوو بۆ ناردنی
مووچەی مانگی شەش یەکلاکەرەوە دەبێت و چاوەڕوان دەکرێت بەغدا تا کۆتایی هەفتەی
داهاتوو مووچەی مانگی شەش بنێرێت.
شاندێکی هاوبەشی
وەزارەتی دارایی و دیوانی چاودێری دارایی هەرێمی کوردستان لە بەغدایە
و لەگەڵ شاندێکی هاوبەشی وەزارەتی دارایی و دیوانی چاودێریی دارایی عێراق
کۆدەبێتەوە و مووچەی مانگی شەش یەکلایی دەکەنەوە.
ئامانجی کۆبونەوی شاندەکان، تەواوکردنی کارەکانی ئەو
لیژنەیەیە کە لەسەر داهاتی نانەوتی پێکهێندراوە و دەبێت تا ڕۆژی یەکشەممەی
داهاتوو، هەموو کارەکانیان تەواو بکەن.
بەپێی زانیارییەکانی دیجیتاڵ میدیای MIC هەرێمی
کوردستان 120 ملیار دینار
داهاتی ناوخۆی ئامادەیە و تەنها چاوەڕێی فەرمانە بۆ ئەوەی پارەکە بخاتە سەر
هەژماری وەزارەتیی دارایی عێراق.
پرسی ڕادەستکردنی نەوتی هەرێم کە بەهۆی هێرشە درۆنییەکان
گرفتی بۆ دروستبوو چارەسەر کرا، ئەمڕۆ حەیان عەبدولغەنی، وەزیری نەوتی عێراق
ڕایگەیاند: هەرێم ئێستا 130 هەزار بەرمیل
نەوت بەرهەم دەنێنێت و ئامادەن لەو بڕە 80 هەزاری وەربگرن
و 50 هەزار
بەرمیلیشی بۆ ناوخۆی خۆی بەکار بهێنێت.
واتە ئەوەی ماوەتەوە
ئەوەیە لیژنەکان ڕاپۆرتەکانیان تەواوبکەن، بەوپێیەش ئاماژەکان بۆ ئەوەن لە
ناوەڕاست تا کۆتایی هەفتەی داهاتوو هەرێمی کوردستان نەوت و داهات ڕادەست بکات و
بەغداش مووچەی مانگی شەش بنێرت.
ئەەوە لە کاتێکدایە، دوێنێ سێشەممە، 06ـی ئابی 2025، ئەنجوومەنی
وەزیرانی عێراق بە سەرۆکایەتیی محەمەد شیاع سودانی کۆبووەوە و لە بڕگەیەکی کۆبوونەوەکەدا،
باس لە پرسی مووچەی فەرمانبەرانی هەرێمی کوردستان و ڕێککەوتنی هەولێر و بەغدا لەبارەی
ڕادەستکردنی نەوتی بەرهەمێنراو و داهاتی نانەوتی کرا.
ڕۆژی پێنجشەممە، 17ـی تەمموزی 2025، ئەنجومەنی وەزیرانی
عێراق تابیەت بە پرسی نەوت و مووچەی هەرێمی کوردستان کۆبووەوە و دەنگی بە ڕێککەوتنی
لێکتێگەیشتنی نێوان هەرێم و بەغدا، کە بەپێی لێکتێگەیشتنەکە دەبێت حکومەتی هەرێم
مانگانە 120 ملیار لە داهاتی نانەوتی و 230 هەزار بەرمیل نەوتی ڕۆژانە بداتە حکومەتی
فیدراڵ.
بابەتی لێکچو
-
سەنتەری میترۆ: رێکخەرەکەمان کەوتووەتە بەر هێرشی سوپایەکی ئەلیکترۆنی
هەواڵ2025-10-02
-
ئیلۆن مەسک یەکەم کەسە لە مێژوودا سامانەکەی گەیشتە 500 ملیار دۆلار
هەواڵ2025-10-02
-
ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە
هەواڵ2025-09-30
-
چاوەڕوان دەکرێت ئەمڕۆ بەغدا مووچەی مانگی حەوت خەرجبکات
هەواڵ2025-09-30
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
