هەواڵ
ئیکۆ عێراق: پشکی بەشێک لە کۆمپانیاکان دوای رێککەوتنەکە بەرزبووەتەوە
2025-09-27
هەناردەی نەوتی هەرێمی
کوردستان دەستیپێکردەوە و روانگەی ئیکۆ عێراق-یش دەڵێت: هەناردەکردنەوەی نەوت پرسی
مووچە چارەسەر دەکات.
روانگەی ئیکۆ عێراق کە
تایبەتە بە بواری ئابووری لە ڕاگەیەندراوێکدا ئاماژەی بەوەکردووە، دەستپێکردنەوەی
هەناردەکردنی نەوت، هەنگاوێکی گرنگەو سوودی بۆ حکومەتی فیدراڵی و هەرێم و تەنانەت
کۆمپانیاکانیش دەبێت.
ئەوەشی خستووەتەڕوو،داهاتی
زیادە بە بڕی 3.36 ملیۆن دۆلار کە دەکاتە نزیکەی 100.8 ملیۆن دۆلار لە مانگێکدا دەداتە
گەنجینەی دەوڵەت.
ئیکۆ عێراق دەڵێت، هەناردەکردنەوەی
نەوت سوودێکی گرنگی بۆ هەرێم لە چارەسەرکردنی پرسی دواکەوتنی مووچەی مووچەخۆران و
فەرمانبەران هەیە، کە ساڵانێکە پێەوە گیرۆدەبوون.
لەبارەی کۆمپانیاکانیش
دەڵێت، ئەو کۆمپانیایانەی لە کوردستان کاردەکەن، شەرعیەتی زیاتریان بەدەستهێناوە لە
بوونی خۆیان لە هەرێم."
هەر بەگوێرەی
روانگەکە، پشکی بەشێک لە کۆمپانیاکان دوای واژۆکردنی ڕێکەوتنی هەناردەکردنەوەی نەوت
بەرزبووەتەوە، وەکو کۆمپانیای گوڵف کیستۆن پترۆلیۆم و گەنێل ئینێرجی.
باسی لەوەشکردووە، کۆی
گشتی نەوتی بەرهەمهێنراو لە هەرێمی کوردستان دەگاتە نزیکەی 290 هەزار بەرمیل لە ڕۆژێکدا،
بە پشکی کۆمپانیاکانیشەوە.
ئەوە لەکاتێکدایە، بڕی
بەرهەمهێنان 290 هەزار بەرمیلە کە 190 هەزاری لە ڕێگەی کۆمپانیای سۆمۆ هەناردەی
بازاڕەکانی جیهان دەکرێت، 50 هەزار بەرمیلیش بۆ ناوخۆی هەرێم بەکاردەهێنرێتەوە،
50.1 هەزار بەرمیلیش پشکی کۆمپانیاکانە.
بابەتی لێکچو
More News
 copy.jpg)
Most Popular
-
هەفتەی داهاتوو بەغدا مووچەی مانگی حەوت دەنێرێت
هەواڵ2025-09-25
1
-
پارتی بە دهۆک و یەکێتی بە کەرکووک دەیانەوێت زۆرترین کورسی بەدەستبهێنن
هەواڵ2025-09-24
2
-
حکومەتی فیدراڵ رای ئەنجوومەنی دەوڵەت تاوتوێ دەکات
هەواڵ2025-09-23
3
-
لەم راپۆرتەدا بزانە داننان بە فەڵەستین بەواتەی چی دێت
هەواڵ2025-09-23
4
-
دوای نزیکەی 30 مانگ لە راگیرانی هەناردەی نەوتی هەرێمی کوردستان دەستیپێکردەوە
هەواڵ2025-09-27
5
-
پێش هەشت ساڵ باشووری کوردستان ریفراندۆمی ئەنجامدا
هەواڵ2025-09-25
6
-
"رێککەوتنمان لەگەڵ عێراق بۆ سێ مانگە"
هەواڵ2025-09-24
7
-
تۆماس بارەک: دیمەشق و تەلئەڤیڤ لە رێککەوتن نزیکن
هەواڵ2025-09-24
8
هەواڵ
مەسرور بارزانی و محەمەد شیاع سوودانی بەتەلەفۆن قسەیان کرد
2025-09-27
سەرۆکی حکومەتی هەرێمی کوردستان دەڵێت، داوای لە
سوودانی کردووە کێشەی مووچە و شایستە داراییەکان بەشێوەیەکی بنەڕەتی چارەسەر ببێت
و هیچ مووچەیەکی ئەمساڵیش نەفەوتێت.
نووسینگەی سەرۆکی ئەنجوومەنی وەزیران
بڵاویکردەوە، ئەمڕۆ مەسرور بارزانی، سەرۆکی حکومەتی هەرێمی کوردستان، پەیوەندییەکی
تەلەفۆنی لە سەرۆک وەزیرانی فیدراڵ محەمەد شیاع سوودانی پێگەیشت.
لە بڵاوکراوەکەدا هاتووە، لە پەیوەندییەکەدا هەردوولا
هەناردەکردنەوەی نەوتی هەرێمی کوردستانیان بە دەستکەوتێکی گرنگ ناوبرد کە لە خزمەتی
هەموو عێراقییەکاندایە.
هەروەها سەرۆک وەزیرانی فیدراڵ سوپاسی سەرۆکی
حکومەتی کرد بۆ گەیشتن بەم ڕێککەوتنە گرنگە و سەرۆکی حکومەتیش دەستخۆشی لە سەرۆک وەزیرانی
فیدراڵ کرد بۆ نەهێشتنی ئاستەنگەکانی بەردەم گەیشتن بە ڕێککەوتنەکە.
لایخۆشییەوە، سەرۆکی حکومەتی هەرێمی کوردستان هیوای
خواست ئەم ڕێککەوتنە ببێتە ڕێخۆشکەر بۆ دەرچوونی یاسای نەوت و گاز.
هاوکات، سەرۆکی حکومەت داواشی کرد کێشەی مووچە
و شایستە داراییەکانی خەڵکی کوردستان، بە شێوەیەکی بنەڕەتی چارەسەر ببێت بۆ ئەوەی
چیتر خەڵکی کوردستان لە دڵەڕاوکێدا نەبن . وتیشی نابێت مووچەکانی ئەمساڵیش بفەوتێن.
ئەوەشخراوەتەڕوو، سەرۆک وەزیرانی فیدراڵ و سەرۆکی
حکومەت هاوڕابوون لەسەر ئەوەی لە بودجەی گشتیی فیدراڵ بۆ ساڵی 2026 ، پێویستە هەرێمی
کوردستان بەشە بودجەی خۆی هەبێت.
باس لەوەشکراوە، سەرۆک وەزیرانی فیدراڵ جەختی
کردەوە کە دەرفەتی ئابووری گرنگ لە ئارادان بۆ ئەنجامدانی گەشەپێدانی زیاتر لە هەموو
عێراق، لە بەسڕەوە تا هەرێمی کوردستان.
لە کۆتاییدا هەردوو سەرۆک باسیان لە گرنگیی ئەنجامدانی
پڕۆژی ڕێگەی گەشەپێدان کرا و، کە بۆ ئەم مەبەستە، بەم زووانە لیژنەیەکی تایبەت لە
بەغداوە سەردانی هەرێمی کوردستان دەکات بۆ نەهێشتنی هەموو ئاستەنگەکان لە بەردەم جێبەجێکردنی
ئەم پڕۆژە گرنگە کە کاریگەرییەکی گەورەی لە سەر گەشەپێدانی ئابووری لە هەموو عێراقدا
دەبێت.
