Horoscopes

پێشبینی بورجەکان بۆ ئەمڕۆ 21ی حوزەیران بخوێنەرەوە

Mic
2021-06-21

کاور 
لەلایەنی پیشەییەوە هەوڵی خۆگونجاندن بدە، كارێك مەكە كێشە بۆ خۆت دروستبكەیت، بەتایبەتی لەم چەند رۆژەدا، چونكە كاتێكی باش نییە و كشەكان قوڵ دەبنەوە، لەلایەنی سۆزدارییەوە سەرەڕای هەمو كێشەكان كاتێكی خۆش لەگەڵ خۆشەویستەكەت بەسەر دەبەیت.

گا
دەتوانیت بەسەر تەواوی كێشەكان زاڵبیت، وابیردەكەیتەوە كە دەتوانیت یارمەتی كەسانی چواردەورت بدەیت، ئەمەش بیرۆكەیەكی باشە و پەیوەندیت لەگەڵ كەسانی چواردەورت بەهێز دەكات.

دوانە 
هەوڵمەدە كێشەكانت بۆ كەسانێك باس بكەیت كە متمانەی تەواوت پێیان نییە، دەكرێت ئەوان هۆكاربن بۆئەوەی زیاتر كەویتە كێشەوە، لەلایەنی سۆزدارییەوە ئەگەر راستگۆ نەبیت لەگەڵ خۆشەویستەكەت، ئەنجامی پەیوەندییەكەتان نەرێنی دەبێت.

قرژاڵ 
بەهۆی كێشە چاوەڕوان نەكراوەكانەوە توشی سترێس و دڵەڕاوكێ دەبیت، خۆت ئامادە بكە بۆئەوەی روبەڕوی گرفتەكان ببیتەوە، لەلایەنی سۆزدارییەوە داوا لە خۆشەویستەكەت مەكە نهێنییەكانت بۆ بپارێزێت ئەگەر خۆت نەیپارێزیت.

شێر
روبەڕوبونەوەی بەربەستەكان زیاتر ماندوت دەكات، بەڵام وادەكات زیاتر متمانەت بە خۆت هەبێت و لە هەنگاونان بۆ داهاتو نەترسیت، مامەڵەكردن لەگەڵ خۆشەویستەكەت ئاسان نابێت، هەوڵبدە لێی تێبگەیت و لەسەر شتی بچوك كێشە دروست مەكە.

فەریک
كێشە داراییەكانت چارەسەر دەبن، لەلایەنی پیشەییەوە كارێكی نوێ تاقیدەكەیتەوە و كەمێك لە رۆتین دوردەكەویتەوە، لەلایەنی سۆزدارییەوە خۆشەویستەكەت بە رەفتارەكانی نیگەرانت دەكات، هەوڵبدە قسەی دڵی خۆت بكەیت.

تەرازو
لەلایەنی پیشەییەوە شتەكانت وادەردەكەوێت بەو شێوەیە نەڕۆن بەڕێوە كە تۆ دەتەوێت و ئارەزو دەكەیت وازبهێنیت، بەڵام خۆت مەدە بەدەستەوە بەم زوانە شتەكان ڕێڕەوی خۆیان وەردەگرن، لەلایەنی سۆزدارییەوە گوێگرێكی باش بە بۆ خۆشەویستەكەت.

دوپشک 
ئەمڕۆ یەكێكە لەو رۆژانە هەست بە سترێسێكی زۆر دەكەیت تێیدا، باشترین هەوڵی خۆت بدە بۆئەوەی لەو دۆخە بێیتە دەرەوە، ئەم ماوەیە سەركێشی مەكە و كارێك مەكە زیان بە خۆت و كەسانی دیكە بگەیەنیت، باشترە هەنگاوەكانت بە وریایی بنێیت.

کەوان
لەلایەنی پیشەییەوە بەرزكردنەوەی پلەكەت بەندە بەو هەوڵانەی دەیدەیت، كەمتر كاربكە بەڵام بە ژیرانەتر كاربكە، كێشەكانت بە زوی چارەسەر دەبن و دڵخۆش دەبیت، لەلایەنی تەندروستییەوە ئەگەر لە ئێستاوە سیستمی خۆراكیت رێكنەخەیت، خۆت ئامادەبكە بۆئەوەی روبەڕوی گرفتی تەندروستی جددی ببیتەوە.

گیسک
بینینی خۆشەویستەكەت یارمەتیت دەدات كێشەكانی رۆژانەت لەبیر بكەیت، لێكتێنەگەیشتن لە نێوان تۆ و خێزانەكەت هۆكارە بۆئەوەی نیگەران بیت، باشترە خۆت بگونجێنیت و جیاوازییەكان قوڵ نەكەیتەوە، تەندروستیت بەرەو باشی دەڕوات.

سەتڵ
هەوڵبدە بە هێمنی روبەڕوی بەربەستەكان بەرەوە، كاتێكی گونجاو نییە بۆئەوەی رەخنە لە خۆشەویستەكەت بگریت، لەم كاتەدا پێویستی بە پاڵپشتی تۆ هەیە و بە تەنها جێی مەهێڵە، سەرنجت لەسەر ئامانجی راستەقینەت لامەدە، چونكە زۆر نزیكتریت لەوەی بیری لێدەكەیتەوە.

نەهەنگ
وریای مامەڵەكردنت بە ئەمڕۆ، هەروەها زیاتر گرنگی بە كێشە پیشەییەكانت بدە نەك تایبەتییەكان، چونكە دەستكردن بە كارێك بە هەڵە هۆكارە بۆئەوەی ئەنجامێكی خراپی هەبێت و كاریگەری لەسەر ژیانی تایبەتیشت دروستبكات، لەلایەنی سۆزدارییەوە بیر لە گەشتێك بكەرەوە لەگەڵ خۆشەویستەكەت.

بابەتی لێکچو

More News

Most Popular

هەواڵ

کورد، سوننە و بەشێک لە شیعەکان خۆیان لە شەڕ دورەپەرێز دەکەن

Mic
2025-06-16

تائێستا تەنها یەک پەرلەمانتاری کورد خۆی بۆ ئەو نیشتنەی پەرلەمانی عێراق یەکلایی کردووەتەوە کە رێکدەخرێت دژی هێرشەکانی ئیسرائیل بۆسەر ئێران، ئەوەش هەمان دۆخە کە هێزە سونییەکانی تێکەوتووە و بەشێک لە شیعەکانیش نایانەوێت عێراق لەو جەنگە تێوەگلێت.

زۆرینەی فراکسیۆنە کوردییەکان بە گومانن و ترسیش هەیە، تای هەڵبژاردن بازاڕی موزایەدە گەرم بکات و دووکەڵی شەڕ بگەیەنێتە ئاسمانی بەغدا.


زۆرینەی فراکسیۆنە کوردییەکانی پەرلەمانی عێراق تائێستا خۆیان یەکلایی نەکردوەتەوە کە رۆژی سێشەممە بچنە دانیشتنی پەرلەمانەوە کە رێکدەخرێت بۆ ئیدانەکردنی هێرشەکانی ئیسرائیل دژی ئێران بەهۆی پێشێلکردنی سەروەری ئاسمانی عێراق و بەکارهێنانی لەلایەن سوپای ئیسرائیلەوە.

دیجیتاڵ میدیای مایک قسەی لەگەڵ فراکسیۆنەکانی پارتی، یەکێتی، نەوەی نوێ و یەکگرتوو کردووە، ئەوان چاودێرن و دەیانەوێت بەپێی دۆخەکە بڕیارێکی گونجاو بدەن.

بەشێک لە فراکسیۆنە کوردییەکان خواستی تەواونەبوونی رێژەیی یاسایی ئامادەبوانیان هەیە، تا لەو رێگەیەوە ئەوانیش خۆیان لە "شەرمەزاری" رایگشتی بپارێزن.

سۆران عومەر کە تاکە ئەندامی فراکسیۆنی کۆمەڵی دادگەرییە، هەروەها تاکە پەرلەمانتاری کوردیشە کە خۆی بۆ بەشداریکردن لە کۆبونەوەکە یەکلایی کردوەتەوە.

یەکێک لە پاساوەکانی پەرلەمانتارە کوردەکان ئەوەیە، کە هەتا کێشەی موچەی هەرێمی کوردستان چارەسەر نەکرێت، ئەوان ئامادەنابن بەشداریی هیچ دانیشتنێکی ئەنجومەنی نوێنەرانی عێراق بکەن.

هاوشێوەی کورد، زۆرینەی سوننەکانیش بە هەستیارییەوە مامەڵە دەکەن، تائێستا خۆیان بۆ بەشداریکردن لەو دانیشتنەی پەرلەمانی عێراق یەکلایی نەکردەتەوە.


تەنانەت شیعەکانیش یەکدەنگ نین بۆ مامەڵەکردن لەگەڵ ئەو دۆخە نوێیەی هاتووەتەپيشەوە و موقتەدا سەدر رۆژی هەینی رابردوو رایگەیاند، دۆخی عێراق چیتر بەرگەی ماڵوێرانییەکی دیکە ناگرێت و داوایکرد هەندێک دەنگی نەشاز لە گۆڕەپانی سیاسی و سەربازیی عێراق بێدەنگ بکرێن.

دانیشتنەکەی پەرلەمانی عێراق لەسەر داخوازیی و یاداشتی 55 پەرلەمانتاری فراکسیۆنە شیعییەکانە، کە دژی پێشلکردنی ئاسمانی عێراق لەلایەن ئیسرائیلەوە ئاڕاستەی سەرۆکایەتیی پەرلەمانیان کردووە، لەسەر ئەو بنەمایە پەرلەمانی عێراق ڕۆژی 17 ئەم مانگەی بۆ کۆبونەوە دیارییکردووە.
 
شیعەکان کە هاوسۆزی ئێرانن، پشتیوانی خۆیان بۆ تاران دوپاتکردووەتەوە، بەڵام تائێستا کورد و سوننە هەوڵی خۆ بە دورگرتنیان لە لایەنگری داوە، تەنها بەشێک لە لایەنە کوردییەکان لە رێگەی بەیاننامەوە ئیدانەی هێرشەکانی ئیسرائیلیان کردووە.

هەرچەندە حکومەتی عێراق لەڕێگەی کەناڵە جیاجیاکانییەوە، هەمو هەوڵێک دەدات بۆ دورخستنەوەی عێراق لە مەترسییەکانی جەنگی ئیسرائیل و ئێران، بەڵام بەشێک لە چاودێران ترسییان هەیە تای هەڵبژاردن بازاڕی موزایەدە گەرم بکات و دووکەڵی شەڕ بگەیەنێتە خاکی بەغدا.

ئەوەی وایکردووە، ئەو بۆچوونە زاڵ بێت، نزیکبوونەوەی کاتی هەڵبژاردنی پەرلەمانی عێراقە کە بڕیارە مانگی تشرینی دووەمی ئەمساڵ بەڕێوەبچێت، چاوەڕوان دەکرێت فراکسیۆنە شیعییەکان بە سود وەرگرتن لە کات بۆ کۆکردنەوەی دەنگ هەوڵی جوڵاندنی سۆزی شەقام بدەن.

خوێندنەوەکان بەو ئاڕاستەیەن هەر جوڵەیەکی راستەوخۆ بۆ ڕوبەڕوبوونەوەی هێرشەکانی ئیسرائیل رەنگە دەرئەنجامەکەی لە بەرژوەندی عێراق نەبێت، دەکرێت ئەنجامەکانی کۆبونەوەکەی پەرلەمان لە کاتێکی وا هەستیاردا ئاستی مەترسییەکان لەسەر عێراق زیاتر بکەن.

ئیسرائیل خواستی پەلهاویشتنی بۆ عێراق هەیە، بەڵام ئەوەی رێگرە لە بەردەمیدا هەڵوێستی ئەمریکا و بێدەنگی گروپە چەکدارەکانە، بۆیە هەر کات گڵۆپی سەوزی بۆ هەڵبکرێت رەنگە بێ دوو دڵی هێرش بکات.

زۆرن ئەوانەی پێیانوایە عێراق لەم دۆخەی ئێستادا هیچی پێناکرێت و خۆ بە دورگرتن باشترین بژاردەیە، چونکە دۆخی ئەمنی، سیاسیی و ئابوریی عێراق لە ئاستێکدا نییە بەرگەی جەنگێکی دیکەی ماڵوێرانکەر بگرێت و عێراق ئابووریەکی خراپیشی هەیە و ئەگەر کێڵگەکانی نەوت و ژێرخانی ئابوری بکرێتە ئامانج، هیچ سەرچاوەیەکی دیکەی داهاتی نییە بتوانێت دەوڵەتی پێ بەڕێوەبەرێت.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved