-18

چی مێشکی هەرزەکار ئاڵۆز دەکات؟

دەگونجێت تەمەنی  هەرزەکاری  وەک ڕۆمانێکی سەرکێشی لێی بڕوانرێت بەو پێیەی  هەموو ڕۆژێک ئارەزووەکان دەبنە هۆی بڕیاردانی قورس و جیاواز و هەرزەکار چەندین بژاردەی نوێی لەبەردەستدایە تا تاقیان بکاتەوە.

هەموو هەرزەکارێك لە تەمەنی پێگەشتندا چەندین پرسیار ئاراستەی خۆی دەکات و هەوڵ دەدات شتی نوێ تاقی بکاتەوە  وەك هەوڵدان بۆ جگەرەکێشان، گەشتکردن بەتەنها،  یان چەندین شتی تر کە نوێ بێت بۆی.

ڕۆژانە هەرزەکاران خۆیان لەبەردەم کۆمەڵێک بیرۆکە و بژاردەی هەمەجۆردا دەبیننەوە کە ڕەنگە بەشێکی زۆری بیرۆکەکان دەرئەنجامی خراپیان هەبێت، هەربۆیە زۆربەی کات بەدەست بیرۆکە هەڵەشەکانی خۆیانەوە گیر دەخۆن و  لە دڵەڕاوکێدا دەبن و لەخۆیان دەپرس کە ئایا جێبەجێی بکەن یان  لێی دووربکەونەوە.

کەوایە چی مێشکی هەرزەکار ئاڵۆز دەکات؟  چی وا لە هەرزەکاران دەکات زیاتر لەهەموو گروپ و تەمەنەکانی دیکە بڕیاری هەڵەشە و گوماناوی بدەن؟ توێژەرانی بواری  گەشەسەندنی مێشک  لە هەوڵدان بگەن  بە وەڵامێک لەڕێگەی لێکۆڵینەوەی مێشکی هەرزەکاران.

ئەگەر بڕیاری هەرزەکارانەت بدەیت بەمەبەستی دۆزینەوەی خۆت  یاخود بەزاندنی هەندێک سنوور و دڵنیابیت بڕیارەکانت دەرئەنجامی خراپیان نابێت بۆ خودی خۆت و دەوروبەرەکەت، ئەوا وەک شارەزایان دەڵێن تۆ لەسەر ڕێچکەیەکی ڕاست و دروستیت.

توێژەران پێیانوایە ئەم تایبەتمەندیانە یارمەتی هەرزەکاران دەدەن و ئامادەیان دەکەن بۆ ڕووبەڕوبوونەوەی جیهان چونکە ئەمە شتێکە کە هەموو مرۆڤەکان دەبێت ئەزموونی بکەن. 

هەموو هەرزەکارێک لە هەموو شوێنێکی جیهان بەم قۆناغەدا تێدەپەڕێت، واتە ئەمە بابەتێکی نامۆ نییە بۆ خەڵکی. تەنانەت مشکی تاقیگەکانیش لەماوەی گەشەکردنیاندا ئەزموونی قۆناغێکی هاوشێوە دەکەن.

بیاتریز لونا، توێژەر لە زانکۆی پیتسبێرگی ئەمریکی،  بە نموونەیەک ئەمە ڕوون دەکاتەوە و دەلێت: تاقیکردنەوەی تاقیگەکان ئەوە نیشان دەدەن کە مشکی تەمەن بچوکتر لە نزیکی دایکیان دەمێننەوە بۆئەوەی پارێزراو بن، بەڵام کاتێک گەورە دەبن ڕەفتارەکانیشیان دەگۆڕێن بە شێوەیەک کاتێک دەگەنە تەمەنی هەرزەکاری وەک ئەوەیە بڵێن "من ئیتر ئەم ژینگەیە بەبێ دایکم تاقیدەکەمەوە"،  ئەمە جگە لەوەی مشکە تەمەن بچووکترەکان، کە زیاتر دەگەڕێن و بزێون، تەمەنیان درێژترە ئەگەر پشیلە نەیانخوات. 

هەواڵ

گەڕان بۆ ئاڤێستا کۆتایی دێت… ئەو کچەی ئاو بردی و سێ مانگە بێسەروشوێنە

7 رۆژی تر سێ مانگ بەسەر دیارنەمانی ئاڤێتستا یوسف تێپەڕ دەبێت، بڕیارە سەرەتای مانگی داهاتوو گەڕان بە دوای چارەنووسیدا کۆتایی بێت.

 85 رۆژە ئاڤێستا یوسف بەرزنجی دیارنەماوە و تیمەکانی سەرقاڵی دیاریکردنی چارەنوسین، بەڵام تا ئێستا هیچ سەرداوێکیان لەسەر روداوەکە دەستنەکەوتووە. 

رۆژی 5ـی نیسانی 2025، ئاڤێستا یوسف و خێزانەکەی بە مەبەستی گەشتکردن چوونە هاوینەهەوارەکانی سنوری قەزای مێرگەسۆر، بەڵام بە گێڕانەوەی کەسوکارەکەی " ئاڤێستا کەوتوەتە ناو روباری تەنگاتور" و لەوکاتەوە بێسەروشوێن بووە. 

رۆژی 5ـی تەمموزی 2025، دوای سێ مانگ گەڕان بەدوای چارەنوسی ئاڤێستا یوسف کۆتایی دێت، بەبێ ئەوەی بتوانرێت هیچ ئاماژەیەکی دۆزینەوەی دیاری بکرێت. 

روداوەکە لە سنوری ئیدارەی سەربەخۆی سۆران بووە، هەر بۆیە زۆرینەی گەڕان لەلایەن تیمەکانی ئەوانەوە ئەبجام دراوە،  بەرگری شارستانیی سۆران رایگەیاندووە،  ڕۆژانە چوار تا هەشت تیم بەدوای تەرمی مامۆستا ئاڤێستا دەگەڕێین و پرۆسەکە تا ڕۆژی 5-7 بەردەوام دەبێت و دواتر کۆتایی دێت". 

دیارنەمانی ئاڤێستا یوسف چەند سیناریۆیی جیاوازی هێنایە بەرباس، بەڵام کەسوکارەکەی لەبارەی چیرۆکی روداوەکەوە گێڕایانەوە، ئاڤێستا لەگەڵ براکەی بۆ وێنەگرتن چوونەتە کەناری روبارەکە، بەڵام لەو کاتەدا براکەی دەکەوێتە ناو رووباری تەنگاتوور، ئەویش هەوڵی رزگارکردنی دەدات و رزگاری دەکات، بەڵام خۆی دەکەوێتە ناوی و دەخنکێت.