-18

قوتابخانەکان گەورەترین فشاری دەروونی دروستدەکەن بۆ هەرزەکاران

هەموو هەرزەکارێک کەم تا زۆر توشی فشاری دەروونی دەبێت، بەڵام لە هەندێکیاندا رێژەی حاڵەتەکە دیارتر و بەرچاوترە بەجۆرێک کاریگەری راستەوخۆ دەکاتە سەر ژیانی ئاساییان، بەتایبەتی لەکاتی دەوامی قوتابخانەکان.

بەپێی ئەو داتایانەی لە لایەن کۆمەڵەی دەروونی ئەمریکا بۆ فشاری دەروونی لە ساڵی ٢٠١٧دا لە ئەمریکا کۆکراوەتەوە، فشاری دەروونی لە هەرزەکاراندا هاوشێوەی ئەو فشارەیە ڕووبەڕووی پێگەیشتوان دەبێتەوە.

ئەنجامی ئامارەکان دەریدەخەن نەک تەنها ڕێژەی فشاری دەروونی لە هەرزەکاراندا ڕێژەکەی تەندروست نییە، بەڵکو زۆربەیان لە کاریگەرییە خراپەکانی بۆ سەر دەروون و جەستە ئاگادار نین و بەهەندی وەرناگرن.

باوترین سەرچاوەی فشار دەگەڕێتەوە بۆ قوتابخانەکان کە ڕێژەی لەسەدا ٪83یان بەردەکەوێت لەکاتێکدا لەسەدا ٪69 فشار دەگەڕێتەوە بۆ بڕیاردان لەسەر هەڵبژاردنی شوێنێکی باش بۆ خوێندن لە کۆلێجەکان یان دەستنیشانکردنی ئامانجێکی دیاریکراو دوای تەواوکردنی قۆناغی ناوەندی.

راپۆرتەکان دەریدەخەن فشاری دەروونی لە هەرزەکاراندا لەکاتی خوێندندا زۆرترە وەک لەکاتی پشووەکان بە ئاستێك کە 5.8ی پی دەدرێت لە دە لەکاتێکدا لەکاتی پشوودا ئاستەکە 4.8ی بۆ داندراوە.

باری ئابوری خێزانیش یەکێکی ترە لەو هۆکارانەی فشار دروست دەکەن بۆ هەرزەکاران بە ڕێژەی لەسەدا ٪65.

درەنگ مانەوەی هەرزەکاران لە شەودا، بە واتایەکی دیکە نەخەوتن، لەسەدا ٪35 و زۆر خواردن یاخود خواردنی شتی ناتەندروست بە ڕێژەی لەسەدا ٪26 کاریگەرییان هەیە یان نەخواردنی ژەمەکان بەڕێژەی لەسەدا ٪23 لێکەوتەی خراپی هەیە.

هەر بەپێی ئامارەکانی رێکخراوەکە، بەهۆی فشاری دەروونییەوە لەسەدا ٪40ی هەرزەکاران هەست بە پەستی دەکەن، لەسەدا ٪36 هەست بە شڵەژان و دڵەراوکێ دەکەن، هەروەها لەسەدا ٪36 هەست بە شەکەتی و ماندوێتی دەکەن.

نیشانەکانی فشاری دەروونی

دەگونجێت هەندێک جۆری فشار تەندروست بێت، بەڵام هەندێک لە هەرزەکاران ڕووبەڕووی ئاستێکی تووندی فشار دەبنەوە بەشیوەیەك لەگەڵ دەجەنگن و کاردەکاتە سەر فێربوون و پەیوەندیەکانیان.

ڕەنگە فشار بە چەند شێوازی جیاواز دەربکەوێت و هەندێک لە نیشانەکانی لە هەڵسوکەوتی ئاسایی هەرزەکاران دەربکەوێت، هەر بەو هۆیەشەوە فشار زوو زوو دووچاری هەرزەکاران دەبێتەوە بۆیە گرنگە بزانین چی بکەین کاتێك هەرزەکارێک ڕووبەڕووی فشاری دەروونی دەبێتەوە.

فشاری دەروونی ئەم کاریگەرییانە دروست دەکات:

گۆڕانی دەروونی: ڕەنگە هەرزەکار وروژاو و نیگەران یاخود خەمۆک دەربکەون بۆیە تێبینی گۆڕانی هەڵسوکەوتیان بکە.

گۆڕانی جەستە: ئەو کەسانەی فشاریان هەیە زیاتر نەخۆش دەکەون و بەدەست سەرئێشە و ئازاری گەدە و ئازارەکانی دیکەوە دەناڵێنن.

گۆڕانی هەڵسوکەوت: گۆڕان لە شێوازی خواردن و هەستان و چالاکی ئاسایی ڕۆژانەیاندا ڕوودەدات.

گۆڕانی مێشک: ڕەنگە لە ڕێگەی کەمی سەرنج و لەبیرچوونەوە و یاخود کەمتەرخەمییانەوە دەربکەوێت.

هەواڵ

چاوەڕوان دەکرێت ئەمڕۆ بەغدا مووچەی مانگی حوزەیران خەرج بکات

بڕیارە ئەمڕۆ ئەنجومەنی وەزیرانی عێراق نووسراوی فەرمی خەرجکردنی پارەی مووچەی هەرێمی کوردستان رادەستی وەزارەتی دارایی عێراق بکات.

دوای ئەوەی وەزارەتی دارایی عێراق، نووسروای فەرمی ئەنجومەنی وەزیرانی پێ دەگات دەست بە رێکارەکانی خەرجکردنی پارەی مووچەی مانگی حوزەیرانی هەرێمی کوردستان دەکات.

بڕیارە هەر ئەمڕۆش وەزارەتی دارایی و ئابووریی هەرێمی کوردستان رێکارەکانی خەرجکردنی مووچەی مانگی شەشی مووچەخۆرانی هەرێمی کوردستان دەستپێدەکات.

بەپێی زانیارییەکانی دیجیتاڵ میدیای MIC هەر کات ڕێکارەکان لە بەغدا دەستپێبکات، وەزارەتی دارایی هەرێم-یش 120 ملیار دیناری داهاتی نانەوتی بۆ وەزارەتی دارایی عێراق دەنێرین.

دیجیتاڵ میدیای MIC زانیویەتی وەزارەتی دارایی و ئابووریی هەرێمی کوردستان 120 ملیار دینارەکەی ئامادەیە، تەنها چاوەڕێی فەرمانن بۆ ئەوەی پارەکە بخەنە سەر هەژماری بانکی وەزارەتی دارایی عێراق.

هەرێمی کوردستان چاوەڕێی تەیف سامی، وەزارەتی دارایی عێراقە، نوسراوی ئەنجومەنی وەزیرانی پێبگات بۆ خەرجکردنی مووچەی مانگی حوزەیران.

هەر بەگوێرەی زانیارییەکانی دیجیتاڵ میدیای MIC وەزارەتی دارایی حکومەتی هەرێمی کوردستان لیستی مووچەی ئامادەکردووە و چاوەڕێی پارەیە، لەگەڵ هاتنی پارە لە بە‌غداوە لیستەکە بڵاودەکاتەوە

ڕۆژی سێشەممە ئەنجوومەنی وەزیرانی عێراق کۆبوونەوە، لە کۆبوونەوەکەدا محەمەد شیاع سودانی، سەرۆک وەزیرانی عێراق بڕیاری دا مووچەی مانگی حوزەیرانی فەرمانبەرانی هەرێمی کوردستان خەرج بکات، بەو مەرجەی هەرێمی کوردستان 120 ملیار دیناری داهاتی ناوخۆ بداتە بەغدا.