Horoscopes

لەدایکبوانی ئەم بورجە هەلی باشیان بۆ دێتە پێش لە کارەکانیاندا

کاوڕ

گۆڕانکاری لە ژیانی سۆزداریتدا ئەبینیت و ئەکرێت هەلی نزیک بوونەوەت لە هاوبەشەکەت بێتە پێشت و بە هەڵچوونێکی ڕۆمانسیدا تێبپەڕێیت.

گا
ئەو كێشە و بێزارییانەی هاتوونەتە پێشت یاخود کێشە خێزانییەکانت بەرەو کۆتایی ئەچن و وزە و کەشێکی ئاسوودەت دێتە پێش.

دووانە
هەوڵبدە وزە و کاتە باشەکانت بەکاربهێنیت بۆ هەنگاونان بەرەو ئامانج و پلانەکانت و بەدیهێنانی خەونەکانت.

قرژاڵ
کاتی خۆتە بدرەوشێیتەوە و تواناکانت لە کارەکەتدا دەربخەیت، بهێڵە بیرۆکەکانت ببنە هۆی بەرەوپێش چوونت و سەرکەوتنت.

شێر
کاتێکی باشە بۆ گرنگیدان بە جەستە و تەندروستیت و بیرکردنەوەی باشتر لە هەڵبژاردنەکانت، کاتەکانت بە ژیرانە بەڕێبکە و سەرنجت لەسەر خۆت بێت.

گووڵەگەنم
بەدەستهێنانی ئامانجەکانت ئاسانتر دەبێت و بە دەروونێکی باش و وزەیەکی  زۆردا تێدەپەڕیت، باش ئەبێت گەر سەرنجت بخەیتە سەر پلان و ئامانجەکانت.

تەرازوو
کاتێکی باشە بۆ چارەسەر کردنی ئەو کێشانەی لە پەیوەندییەکانتدا هاتوونەتە پێشت، کارەکانیشت هەنگاو بەرەو سەرکەوتن و بەرەوپێش چوون ئەنێن.

دووپشک
شتەکان بە باشی ئەچن بەڕێوە و هەلی ناوەزە و باش لە کارەکەتدا دێتە پێش و هەروەها لەلایەنی سۆزداریشەوە بە کاتێکی شیریندا دەڕۆیت.

تیروکەوان
هەڵچوون و وزەیەکی باش بەرەو پەیوەندییەکانت دێن و کاتێکی گونجاوە بۆ چوونە دەرەوە و گەشت کردن لەگەڵ ئازیزانت.

گیسک
ژیانی سۆزداریت هەنگاو بە هەنگاو بەرەو پێش دەچێت و دەگەنە لوتکەی خۆشەویستی لەگەڵ هاوبەشەکەتدا.

سەتڵ
کاتێکی گەنجاوە بۆ قووڵ بوونەوەی پەیوەندییە سۆزدارییەکەت و هەروەها بەدەست هێنانی ئامانج و بەرەوپێش چوون لە کارەکەت ئاسانتر دەبێت.

نەهەنگ
شەرم مەکە لەوەی خۆت ببەیتە پێشەوە و بیروڕاکانت دەربخەیت، گرنگی بە سەرکەوتنی خۆت بدە و بهێڵە هەمووان تواناکانت ببینن.

زانست

ئایا ماسی دوای بەستنی دووبارە زیندوو دەبێتەوە؟

لە بابەتێکی ماڵپەڕی " earthdate" دا باس لەوە دەکات کە ماسی بە گشتی توانای خۆگونجاندن لەگەڵ گۆڕانی پلەی گەرمیدا هەیە و دەتوانێت لە ئاوی سارددا بۆ ماوەیەکی زۆر بژی، بەڵام ئەگەر ئاوێک بە تەواوی بەستوو بێت، ئەگەری ئەوە هەیە هەندێک لە ماسییەکان بمرن.
لێرەدا پرسیارەکە ئەوەیە چۆن ماسییەکان لە دەریاچە بەستووەکان و ئاوەکانی ناوچە جەمسەرییە سەهۆڵاوییەکانی زەویدا دەژین؟
ماسییەکان کۆمەڵێک ستراتیژی بەکاردەهێنن بۆ مانەوەیان لە ژیاندا، ئەوانیش بریتین لە:
- خاوبوونەوەی میتابۆلیک، ماسی دەچێتە دۆخێکەوە پێی دەوترێت "torpor" ئەمەش هاوشێوەی خەوی زستانەیە، بەڵام بەو شێوەیە قووڵ نییە، پلەی گەرمی جەستەیان لەگەڵ پلەی گەرمی ئاوەکەدا دادەبەزێت و لێدانی دڵ و هەناسەدان و ئاستی چالاکی و جوڵەکانی بە شێوەیەکی سەرنجڕاکێش کەم دەبنەوە، بەم شێوەیەش وزە دەپارێزێت چونکە جەستەیان پێویستی بە جوڵە نییە.
- دەڕۆنە قووڵاییەکی زۆرترەوە، زۆرێک لە جۆرەکانی ماسی دەچنە ناوچە قووڵاییەکانی دەریاچەکانەوە کە پلەی گەرمی ئاوەکە جێگیرتر دەمێنێتەوە و کەمتر ئەگەری بەستنی تەواوەتی هەیە، ئەمەش ماسییەکە دەپارێزێت وادەکات لە ژیاندا بمێنێتەوە.
- کەمبوونەوەی ئارەزووی خواردن، بەو پێیەی ئاستی چالاکییەکانیان زۆر کەم دەبێتەوە، ماسییەکان پێویست ناکات لە وەرزی زستاندا وەکو جاران خۆراک بدۆزنەوە، لەوانەیە زۆر کەم بخۆن یان پشت بە وزەی یەدەگی خۆیان ببەستن.
- گونجاندنی فیزیۆلۆژی، هەندێک جۆری ماسی گونجانی تایبەتیان لە جەستەیاندا هەیە کە یارمەتیان دەدات لە سەرمادا بمێننەوە، بۆ نموونە هەندێکیان پرۆتینی دژە بەستن لە خوێنیاندا هەیە کە ڕێگری لە بەستنی خانەکانیان دەکات.
هەر بۆیە بە بەکارهێنانی ئەم ستراتیژانە، ماسییەکانی دەریاچە بەستووەکان دەتوانن وزەی خۆیان بپارێزن و لە بارودۆخی سەختی زستاندا بژین تا بەهار دێت.