Horoscopes

لەدایكبوانی ئەم بورجە پێویست دەكات پەیوەندییە کۆنەکانی بەسەر بکاتەوە

سەرچین ساڵح رۆپیتەن
2021-07-13


کاوڕ
کارەکانت بە باشی دەڕۆن و تواناکانت وات لێ دەکەن بدرەوشێیتەوە، هەروەها زیاتر گرنگی بە جەسەتەو تەندروستیت دەدەیت.

گا
هەوڵبدە کەمێک چێژ وەرگرتن و بەسەربردنی کاتێکی خۆش بخەیتە پێش کارو سترێسەکانتەوە کەمێک پشوو بدەیت.

دووانە
زیاتر کات لەگەڵ خێزان و هاوڕێکانت بەسەربەرە و سەرنجت لەسەر ئەو شتانە بێت کە ئاسوودەیت بۆ دەهێنن.

قرژاڵ
سەرنجت لەسەر تەندروستی دەروونیت بێت گرنگی بە باش بوونت بدە، ئەگەر پێویستتە قسە لەگەڵ هاوڕێیەک یان کەسێک بکەو گرێکانی دڵت باس بکە.

شێر
پەرە بە تواناکانت بدە و ئیشەکانت بە ژییرانە ڕابپەڕێنە، بەڵام پارەی زیاد لە پێویست خەرج مەکەو ئاگات لە باری داراییت بێت.


گووڵەگەنم
گرنگی بە جەستەو تەندروستیت بدە و ئەوەی پێویستتە بەدەستی بهێنە، لە خۆت تێبگە و متمانەت بە خۆت هەبێت.

تەرازوو
ئەگەر پێویستتە هەندێک کات بەتەنیا بەسەر بەرەو ئەوەی سترێست دەکات یەکلایی بکەرەوە، کەشێکی ئاسوودە بۆخۆت بڕەخسێنە و پشووبدە.

دووپشک
سەردانی هاوڕێکانت بکە و لەگەڵ خێزانەکەت دابنیشە، گەر پێویستیشیکرد پەیوەندییە کۆنەکانت بەسەر بکەرەوە، دەکرێت یارمەتیدەر بن و ئاسوودەتر بیت.

تیروکەوان
سوود لە ئینێرجی و تواناکانت ببینە چونکە دەکرێت هەل و کاری گەورە چاوەڕێت بکەن و بگەیتە ئامانجەکانت.

گیسک
لە ڕۆتینەکانی ڕۆژانەت دوور بکەوەرەوە و هەوڵبدە شتێکی جیاواز بکەیت و کەمێک دوور بکەویتەوە لە ژیانی دووبارە.

سەتڵ
دەکرێت بە هەڵچوونێک لە هەستەکانتا تێپەڕێت و کەمێک زیاتر سۆزدار ببیت، بۆیە ئەوە بکە کە خۆت دەتەوێت و مەهێڵە شتەکان لەسەرت قورس بن.


نەهەنگ
کاتێکی باشە بۆ دانانی پلانی نوێ و هەنگاوی نوێ، هەروەها باشترە بۆ ژیانی سۆزداریت و ئەزموونکردنی خۆشەویستی نوێ.


بابەتی لێکچو

More News

Most Popular

هەواڵ

موقتەدا سەدر هەڵبژاردن رەتدەکاتەوە و چاوەڕێی دوو ئەگەرە

Mic
2025-09-17


سەرەڕای کشانەوەی لە پرۆسەی سیاسی و بەشدارینەکردنی لە هەڵبژاردنی داهاتووی پەرلەمانی عێراق، بەڵام موقتەدا سەدر هێشتا مۆتەکەی دەسەڵاتدارانی عێراقە، ئەمەش وایکردووە لەلایەک چاویان لەسەر هەڵبژاردن بێت و لەلایەکیش چاویان لەسەر سەدر بێت، خودی موقتەدا سەدریش چاوەڕێی روودانی دوو ئەگەرە لە عێراق.

موقتەدا سەدر سەرکردەی ڕەوتی سەدر، هێشتا یەکێکە لە گەورەترین مەتەڵە سیاسییەکان، کە ڕووبەڕووی نەیارەکانی دەبێتەوە لە چوارچێوەی هەماهەنگیدا، یان تەنانەت لایەنگران و هاوپەیمانە نزیکەکانی.

لەدوای بڕیارە بەناوبانگەکەی سەدر بۆ کشانەوەی کوتلە پەرلەمانییەکەی کە خاوەنی 72 کورسی پەرلەمانی بوو، لە هاوینی 2022 و راگەیاندنی ڕەتکردنەوەی کارکردن لەگەڵ "گەندەڵکاران" کە مەبەستی چوارچێوەی هەماهەنگی بوو، پێشبینیەکان سەبارەت بە هەنگاوی داهاتووی سەدر بەردەوام مشتومڕی لە نێوان سیاسەتمەداران و شیکەرەوەکان و تەنانەت هاوڵاتیانی ئاسایی دروستکردووە.

موقتەدا سەدر لە هەموو پەیامەکانیدا سەبارەت بە کشانەوەی لە پرۆسەی سیاسی و هەڵبژارد، تەنها ئاماژەی بە چینێکی گەندەڵی دەسەڵاتدار کردووە، بەبێ ئەوەی هیچ نیازێکی تری خۆی بخاتەڕوو، بەڵام سەرکردەویەکەی چوارچێوەی هەماهەنگی خواستی سەدر ئاشکرا دەکات.

سەرکردەیەک لە چوارچێوەی هەماهەنگی کە نەیویست ناوی ئاشکرا بکرێت، بە ڕۆژنامەی «الشرق الأوسط»ـى راگەیاندووە، سەدر سیستەمێکی دەوێت کە لەگەڵ تێڕوانینی خۆیدا بگونجێت، کە لەوانەیە لەگەڵ تێڕوانینی ئەوانی تردا نەگونجێت.

ئەو سەرکردەیەی چوارچێوەی هەماهەنگی پێیوایە، کشانەوەی ئێستای موقتەدا سەدر لە پرۆسەی سیاسی و بایکۆتی هەڵبژاردن، لەم دیدگایەوە سەرچاوە دەگرێت نەک ڕق لە کاری سیاسی.

ئاماژە بە پێگە و بەهێزی سەدر دەکات لە دەرەوەی پرۆسەی سیاسی و دەڵێت: لەوانەیە یارییەکە بە تەواوی بگۆڕێت تەنانەت ئەگەر لە پێشبڕکێی هەڵبژاردنیش دوور بێت، هەر بۆیە، چوارچێوەی هەماهەنگی چاوێکیان لەسەر هەڵبژاردنەکان و چاوەکەی دیکەش لەسەر سەدرە.

لەگەڵ ئەوەی لایەنەسیاسییەکان و چاودێرانی سیاسی پێیانوابوو، سەدر لە چوار ساڵی رابروودا، شەقامی لە بەرژەوەندی خۆی ساز و ئامادەکردووە بۆ چوونە سەر سندوقەکانی دەنگدان، بەڵام لە بڕیارێکی چاوەڕواننەکراودا، سەدر بایکۆتکردنی هەڵبژاردنی راگەیاند، هەرچەندە سەرۆک کۆماری عێراق بە فەرمی داوای لێکرد بە بڕیارەکەیدا بچێتەوە، بەڵام ئەو سوربوو لەسەر بڕیارەکەی.

لە ناوەڕاستی مانگی تەمووزی ساڵی ڕابردوودا، موقتەدا سەدر بڕیارێکی دەرکرد بۆ دوورخستنەوەی 31 کەس لە بزووتنەوەکە و باڵی سەربازی سەرایا سەلام، بەهۆی ئاماەکارییان بۆ بەشداریکردنیان لە هەڵبژاردنەکانی داهاتوودا.

سەرکردەیەکی رەوتی سەر بە رۆژنامەی «الشرق الأوسط»ـى وتووە، ڕەوتی سەدر پشتگیری لە هیچ لیست و کاندیدێک ناکات لە هەڵبژاردنەکانی داهاتوودا، ئەو سەرکردەیە ڕەتی دەکاتەوە پێشبینی هەنگاوەکانی داهاتووی سەدر بکات و دەڵێت: هەموو شتێک دەگونجێت، بەڵام کەس نازانێت چۆن و کەی ڕوودەدات.

ئەو سەرکردەیە ئاماژەی بەوەکردووە، کە سەدر درکپێدەکات و گرەو لەسەر ئەگەری داڕمانی چوارچێوەی هەماهەنگی دەکات بە تێپەڕبوونی کات، چونکە بڕوا وایە سیستەمی سیاسی ئێستا بە ئاسانی چاکسازی ناکرێت.

دەشڵێت: سەدر هەموو جۆرە کارێکی سیاسی تاقیکردۆتەوە. بەشداری کردن لە پەرلەمان و کشانەوەی لێی و بەشداریکردن لە حکومەت و کشانەوەی لێی و هەروەها دژایەتیکردنی چالاکی لە شەقامدا و پێدەچێت گەیشتووەتە ئەو ئەنجامەی کە ئەم سیستەمە توانای چاکسازی نییە.

یەکێکی تر لەو ئەگەرانەی کە سەدر چاوەڕێی دەکات، شوێنگرتنەوەی عەلی سیستانی مەرجەعی باڵای شیعەکانە لە عێراق، خودی سەدریش خواستی خۆی بۆ جێگرتنەوەی نەشاردووەتەوە و بەپێی بنەماکانی مەزهەبی شیعە، موقتەدا سەدر هەموو مەرجەکانی تێدایە.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved