Horoscopes

لەدایکبوانی ئەم بورجە باری داراییان بی کێشە دەبێت

 کاوڕ

هەوڵبدە کەمێک لە ژاوەژاوە و بێزاری ڕۆتینی ڕۆژانەت دووربکەویتەوە و کاتێک بۆ پشوودان و گرنگیدان بە خۆت دابین بکەیت.

گا
کاتێکی باشە بۆ بەکارهێنانی وزەکانت لە بوارێکی داهێنەرانەدا لەجیاتی کاری ڕۆژانەت، سەرقاڵییەکانت هەڵبگرە بۆ کاتێکی تر.

دووانە
باری داراییت بێ کێشەیە و بە باشی دەڕوات، بەڵام دەکرێت ڕووبەڕووی هەندێک کێشە ببیتەوە، بۆیە پێویستە خۆت ئامادە بکەیت.

قرژاڵ
زۆر لە خۆت مەکە گەر شتەکان بە قورسی دەچن بەڕێوە و کات بدە بەخۆت بۆ پشوودان، خوێندنەوەی کتێبێک یان گوێگرتن لە میوزیک ئەکرێت یارمەتیدەر بێت.

شێر
بە گشتی کارەکانت بە باشی ئەڕۆن و پلانەکانت بێ کێشە دەبن، بەڵام دەکرێت هەندێک فشاری دەروونی بکەوێتە سەرت بۆیە هەوڵبدە کۆنترۆڵی بکەیت.

گووڵەگەنم
لەوە ئەچێت شەکەت و ماندوو ببیت و هێزی زۆربەی کارەکانت نەبێت، باشترە دوور بکەویتەوە لە کارکردنی زیادە و کەمێک پشوو بدەیت.

تەرازوو
کارەکانت بە دڵی خۆت ئەڕۆن بەڕێوە، بەڵام ئەکرێت هەست بە ماندوێتی و سەر لێشێواوی بکەیت بۆیە نوسینوەی ئامانج و بیرکردنەوەکانت کارێکی باشە.

دووپشک
سەرنجت لەسەر پلان و ئامانجەکانت بێت و پەرە بە تواناکانت بدە، بیر لە ڕابردوو مەکەرەوە و خۆت سەرقاڵی وزە نەرێنییەکان مەکە.

تیروکەوان
زیرەکی و تواناکانت لە کارەکەتدا دەربخە و ژیرانە هەوڵبدە، دەکرێت ببێتە هۆی پێشکەوتن و بەدەستهێنانی هەلی کاری زۆر باشتر.

گیسک
هەوڵی ڕێکخستنی بیرکردنەوەکانت بدە و ئەو چالاکییانە بکە کە یارمەتیت دەدەن لایەنی دەروونیت تەندرووستتانە تر بێت.

سەتڵ
بەتوانایی و لێهاتوویت دەکرێت ببێتە هۆی سەرکەوتنت لە کارەکەت، ژییرانە هەوڵبدە و مەهێڵە هیچ بیرێکی کەوتن ڕێگەت لێ بگرێت.

نەهەنگ
ئەگەر هەستت بە بێزاری و قورسی شتەکان کرد لەسەرت ئەوا پشوو بدە یاخود کێشەکانت باس بکە، ئەکرێت ئەوەی پێوسیتتە تەنها کەمێك یارمەتی بوێت.

هەواڵ

کورد دانیشتنەکانی پەرلەمانی عێراق پەکدەخات

ئەندامێکی پەرلەمانی عێراق رایدەگەیەنێت، کە فراکسیۆنە کوردییەکان سورن لەسەر بایکۆتکردنی دانیشتنەکانی پەرلەمانی عێراق، تا ئەو کاتی پرۆژەیاسای بە پارێزگابوونی هەڵەبجە پەسەند دەکرێت.

چرۆ حەمە شەریف، ئەندامی پەرلەمانی عێراق بە MICـى راگەیاند، هەموو فراکسیۆنە کوردییەکان یەک هەڵوێستین لەسەر بایکۆتکردنی دانیشتەکانی پەرلەمانی عێراق، تا ئەوکاتەی پرۆژە یاسای بە پارێزگابوونی هەڵەبجە دەنگی لەسەر دەدرێت و پەسەند دەکرێت.

ئەو پەرلەمانتارە باسی لەوەکرد، کە فراکسۆنە کوردییەکان بایکۆتی دانیشتنەکانی پەرلەمان بکەن رێژەی یاسایی تەواونابێت و پەرلەمان ناتوانێت هیچ دانیشتنێک ئەنجامبدات، بەو پێیەی بەشێکی زۆر لە پەرلەمانتاران پابەندی دەوام نین.

بە وتەی چرۆ حەمە شەریف، هەرکاتێک دانیشتنی پەرلەمان بکرێت، پرۆژەیاسای بە پارێزگابوونی هەڵەبجە لە بەرنامەی کاردایە و وتیشی: جێگری دووەمی سەرۆکی پەرلەمان دڵنایی پێداون کە هەرکاتێک دانیشتنی پەرلەمان بکرێت، تەنها پرۆژە یاسای بە پارێزگابوونی هەڵەبجە دەخەنە بەرنامەی کارەوە.

ئەو پەرلەمانتارە جەختدەکاتەوە، کە تێپەڕاندنی پرۆژە یاسای بە پارێزگابوونی هەڵەبجە پێویستی بە ڕێککەوتنی سیاسی پێشوەختەیە و وتی: ئەو پرۆژە یاسایە بۆ ئەوەی بەبێ کێشە پەسەند بکرێت، پێویستی بەوەیە فراکسیۆنەکان پێش دانیشتنی پەرلەمان رێکبکەن و لە دانیشتەکەدا ئەندامانی پەرلەمان پابەندبکرێن بە پەسەندکردنی.

پرۆژەی بەپارێزگابوونی هەڵەبجە، ساڵی ڕابردوو خرایە دانیشتنەکانی پەرلەمانەوەو توانرا خوێندنەوەی یەکەم و دووەمی بۆ بکرێت، بەڵام بە هۆی تەواونەبوونی رێژەی یاسایی و خۆدزینەوەی ئەندامانی پەرلەمان بە بیانوی جیاواز بۆ دەنگدان بە پرۆژە یاساکە، تائێستا نەتوانراوە پرۆژە یاساکە لەلایەن پەرلەمانەوە پەسەند بکرێت.