Horoscopes
هەر بوورجەو شتێکی جوانە، چی لە تۆیا سەرنجڕاکێشە بەپێی بورجەکەت؟
2021-07-24
هەموومان حەزمان
لە شتێکی خۆمانە و وامان لێ ئەکات سەرنج ڕاکێشتر دەربکەوین، یان چاومان جوانە
یاخود باڵامان بەرزە، یانیش نەگبەتین و لوتمان زلە! ئەو بورجەی تیای لە دایکبووین
نەک تەنانەت کەسایەتییمان بەڵکوو زۆرجار تایبەتمەندێتی ڕوخساریشمان جیادەکاتەوە لە
لەدایکبووی بورجێکی تر، بۆیە سێرێک بکە بزانە چی تۆ وا ئەکات کڕەشەکەو ڕازیکەیت!
کاوڕ
جەماعەتی کاوڕ
یەعنی برۆی جوان و ئەبرۆ کەوانی وەکو خۆیان نەبۆتەوە، بە کچ و بە کوڕەوە هەر بە
جوانی برۆ شەڕت لەگەڵ ئەکەن و دڵت ئەبەن!
گا
ئەم خوا پێیاوانە
فیلەریان ناوێ و شازی لێویان هەیە، هەم ناسک وهەم نەرم لێویان هەر بە لێو ئەخورێ،
باسی ماچیان هەر مەکە!
دووانە
دووانەکانیش بە
شەوق و ڕەنگیان بەناوبانگن و جارێ ئەسمەرەکانییان حلیان نییە، گەنم ڕەنگیان خوێن
شیرینەو و سپی بەفرەکنیشیان دڵ ئەکەن بە ئاو!
قرژاڵ
ئەوەی بورجی
قرژاڵە گوپی لە جێی دوو کفتە بە لەزەتە، گوپ خڕ ونەرمو نۆڵ هەر بە قەپێک ئەخورێن و
ماڵی گازە!
شێر
شێرە مەردەکان
سیحرەکەیان قژیانە، قژ ئاوریشمی و نەرم و گەرمن و بچنە هەر شوێنێک هەر بە جوانی و
سەرنجڕاکێشی قژیان ئەوخنکێنن!
گوڵەگەنم
ئەم گوڵانە
لەبەرەوەی هیوایەتیان ئەوەیە خەریکی خۆیان بن و ئاگایان لە خۆیان بێ بۆیە شازی
پێستیان هەیە و ناسک و نازداری وەکو خۆیان نەبۆتەوە!
تەرازوو
مامە تەرازووەکان
هەر بە پێکەنینە جوانەکەیان شێتتەکەن بەخوا، کە خەنەدەیەکیان بۆ کردیت دڵت ئەبێ بە
هەزار پارچەوە!
دووپشک
ئەم پاڵەوانانە
شەیپی دەموو چاویان بایی هەموو دنیایە، هەر لە لوتی جوانەوە بیگرە تا شەویلگە
تیژەکەیان، پیاو شێتەکەن بەخوا!
تیروکەوان
کەوان ئاسا جسمی
جوان یەعنی بورجی تیروکەوان، ئەگەر بورجی تیروکەوانیت مەچۆ بۆ جیم کاکە خۆو هەر لە
ئەساسا باڵا عەرعەری و نەوە شەست نەوەیت و دڵی عالەم کردووە بە تۆز!
گیسک
گیسکە کێوییەکان بە
قاچو قولی ڕێک و پوزی پڕ خۆیان کردووە بە کەڵگای عالەم و لە باڵای ڕێک و سەرنج
ڕاکێش کەس شان نایا لە شانیان!
سەتڵ
دیارە جەماعەتی
سەتڵ هەر خەریکی دەمو دان و فڵچەو مەعجونن چونکە دانی ڕێک و پێ و سپی یەعنی خۆیان
و دانە سپییەکانیان لە ئەزمەڕەوە شەوق ئایەتەوە!
نەهەنگ
بەخوا
نەهەنگەکانیش هەر لەگەڵ نیگایەکیان تێگرتی نووقمی چاوە جوانەکانیان ئەبیت و بە چاو
داگرتنێک دنیاو بیرەبەنەوە!
More News
 copy.jpg)
Most Popular
-
وەزیری ناوخۆ دەدرێت بە یەکێتی.. پێکهێنانی کابینەی حکومەت هەنگاوێک دەچێتە پێشەوە
هەواڵ2025-09-10
1
-
"یەکەم بارانی ئەمساڵ لە کۆتایی ئەم هەفتەیە دەبارێت"
هەواڵ2025-09-13
2
-
هەوکردنی گوێی ناوەڕاست چییە؟ نیشانەکانی کامانەن؟
تەندروستی2025-09-09
3
-
ئەنجومەنی وەزیرانی هەرێمی کوردستان پرسی مووچە تاوتوێ دەکات
هەواڵ2025-09-10
4
-
بۆ یەکەمجار کێشەکانی هەرێم و بەغدا ئاراستەی ئەنجومەنی دەوڵەت کرا
هەواڵ2025-09-09
5
-
ئەم هەفتەیە ئەنجوومەنی دەوڵەت چارەنووسی مووچە یەکلایی دەکاتەوە
هەواڵ2025-09-13
6
-
لە سلێمانی کۆد بۆ ئۆتۆمبێلە بێ سەرەتاکان دەکرێت
هەواڵ2025-09-10
7
-
تای ماڵتا (حمەی ماڵتا) چییە؟ نیشانەکانی چیین؟
تەندروستی2025-09-10
8
هەواڵ
قەیرانی بێ مووچەیی کاریگەری دەبێت؟ عێراق و هەرێم دەچنە ناو پرۆسەی بانگەشە و هەڵبژاردنەوە
2025-09-13
دوو مانگی تر هەڵبژاردنی پەرلەمانی عێراق ئەنجام دەدرێت، مانگی
داهاتوو بانگەشەی هەڵبژاردن دەستپێدەکات، کەمی خزمەتگوزاری لە عێراق و قەیرانی
مووچە لە هەرێم، کاریگەری راستەوخۆی لەسەر رێژەی بەشداریکردنی خەڵک دەبێت.
رۆژی 11ـى 11ـى 2025، هەڵبژاردنی پەرلەمانی عێراق بەڕێوەدەچێت، مانگێک پێش ئەنجامدانی
هەڵبژاردن، بانگەشەی هەڵبژاردن دەستپێدەکات، بەڵام کەمی رێژەی بەشداریکردنی
هاوڵاتییان مەترسی بۆسەر شەرعیەتی هەڵبژاردنەکە دروست دەکات.
هەڵبژاردنی مانگی تشرینی
دووەمی عێراق، هەڵبژاردنێکی پڕ لە ململانێ و رکابەرییە لە نێوان حزب و
کاندیدەکاندا، بەو پێیەی هەڵبژاردنەکە فرەبازنەیی و کروەیە، ململانێکان تەنها لەنێوان
لایەنەکاندا نابێت و بەڵکو کاندیدەکانی
ناو خودی یەک لستیش دەگرێتەوە.
نزیکەی هەشت هەزار کەس خۆیان بۆ هەڵبژاردنی پەرلەمانی عێراق
بەربژێر کردبوو، زیاتر لە 700 کاندید لەلایەن کۆمسیۆنەوە دوورخراونەتەوە، بەو
پێیەی لە پرۆسەی وردبینیکردندا دەرنەچوون.
هەڵبژاردنی ئەمجارە لەکاتێکدایە، عێراق هاوینێکی بێ
کارەبای بەڕێکرد و ئاستی خزمەتگوزاری لە پارێزگاکانی عێراق لە ئاستێکی خراپدایە،
ئەو لایەنانەیشی دەچنە کێبڕکێی هەڵبژاردنەوە، هەمان ئەو لایەنانەن کە ئێستا لە عێراق
دەسەڵاتدارن و جومگە گرنگ و هەستیارەکانی وڵاتیان بەدەستەوەیە.
هەرچەندە بەراورد بە عێراق رەنگە ئاستی خزمەتگوزاری لە
هەرێم باشتر بێت، بەڵام دواکەوتنی مووچە، ببڕستی لە هاوڵاتییان بڕیوە و جوڵەی
بازاڕی وەستاندووە و کاروکەسابەتی هاوڵاتییانی نەهێشتووە.
لەگەڵ ئەوەی هەڵبژادن دوای هەڵبژاردن، رێژژەی
بەشداریکردنی هاوڵاتییان کەمدەبێتەوە، بەڵام ئەم هەڵبژاردنە رەنگە رێژەکە زۆر کەمتر
ببێتەوە، بەو پێیەی موقتەدا سەدر بەشداری ناکات و لایەنی رکابەری نوێی بەهێزیش
نەهاتووەتە ناو پرۆسەکەوە.
لەرووی دەستوریی و یاساییەوە، رێژەی کەمی بەشداری
هاوڵاتییان کارناکاتە سەر پرۆسەکە، بەڵام رێژەی کەمی بەشداریکرد، شەرعییەتی
هەڵبژاردن لە عێراق دەخاتە ژێر پرسیارەوە و نیشانەی بێمتمانەیی خەڵکە بە هەڵبژاردن
و گۆڕانکاری لە رێگەی هەڵبژاردنەوە.
