-18

لەگەڵ دەستپێکردنەوەی خوێندن ئەم چەند ڕێنمای خۆپارێزییە بۆ منداڵەکەت جێبەجی بکە

📌دایک و باوکان دەبێت منداڵ فێربکەن و ڕایانبهێنن بە شێوازی دروست دەست بشۆن.

📌چۆنیەتی پژمین بە سەلامەتی (داپۆشینی دەم بە قۆڵ یان کلێنس و دواتر فڕێدانی بۆ ناو زبڵ).

📌هەروەها شێوازەکانی پاککردنەوەی دوای بەکارهێنانی چونە سەرئاو، هەروەها فێرکردنیان و چۆنیەتی بەکارهێنانی کەرەستە و پێداویستییەکانی پاکوخاوێنی
بەجۆرێک کە دەبێت بە ڕوونی لە ماڵەوە ببینرێن بەبێ ئەوەی تەنها باسی بکەن.

📌 منداڵەکەت کە دەچێتە قوتابخانە، تەعقیمکەر بخرە ناو جانتاکەیەوە، هەروەها ڕێنمایی بکرێت کە هەر ٢-٣ کاتژمێر جارێک دەستەکانی بسڕێتەوە و تەعقیم بکات بۆ ئەوەی لە ڤایرۆسەکان بپارێزێت.

📌هەروەها ئەو خۆراکانە بخۆن کە دەوڵەمەندن بە ئۆمیگا ٣، وەک ماسی و گوێز و گەنمەشامی و ئەڤۆگادۆ و سەوزەکانی وەک کەلەرم و و سپێناخ و جەرجیر، چونکە دەوڵەمەندن بە ئاسن.

📌پێش دەستپێکردنی ماوەی خوێندن، پشکنینی گشتی بۆ هەر منداڵەکەت ئەنجام بدە بۆ دڵنیابوون لەوەی هیچ کێشەیەک لە بیستن یان بینین کە نییە هەروەها ئاڕاستەی پێویستی ئەنجامدانی پشکنینی خوێن دەکەم ئەگەر منداڵەکە بچێت بۆ یەکەمجار بۆ قوتابخانە و چاودێریکردنی ئاستی ڤیتامین D و B12،ئاسن و زینک بەهۆی پەیوەندییان بە گەشەکردنی مێشک و بەهێزکردنی بەرگری لەش.

📌ڕاهاتن بە خەوتن و زوو لە خەو هەڵسان سوودێکی زۆری بۆ منداڵان هەیە لە خوێندندا، هەروەها کاردەکات بۆ بەرزکردنەوەی تەندروستی و گەشەکردنی جەستەیان.

هەواڵ

پەرلەمانی کوردستان دەخرێتەوە ژێر رەحمی چەکوشی دادگای فیدراڵی عێراق

دوو سکاڵا بۆ هەڵوەشاندنەوەی ئەم خولەی پەرلەمانی کوردستان لە دادگای فیدراڵی تۆمار دەکرێت، کە ئەنجامدانی هەڵبژاردنەکەی بە بڕیاری هەمان دادگا بووە.  

 هەڵبژاردنی خولی شەشەمی  پەرلەمانی کوردستان دوای دوو ساڵ دواخستن لە وادەی خۆی، دواجار بە بڕیاری دادگای فیدراڵی کۆتایی ساڵی رابردوو ئەنجام درا.

دادگای فیدراڵی بەشێکی چیرۆکی دواخستنی هەڵبژاردنی پەرلەمانی کوردستان بوو، نزیکەی ساڵێک تاتوێی سکاڵایەکی لەبارەی هەڵبژاردنەکەوە کرد، کە دواجار بە هەڵوەشاندنەوە و دواتر کەمکردنەوەی ژمارەی کورسی کۆتایی پێکهاتەکان کۆتاییهات.

ئێستا جارێکی دیکە ئەنجامی ئەو هەڵبژاردنە خراوەتەوە بەر دەستی دادگای فیدراڵی عێراق، کۆمەڵی دادگەری کوردستان و جوڵانەوەی نەوێ نوێ رایگەیاندووە، لە دادگای فیدراڵی سکاڵایان بۆ هەڵوەشاندنەوەی خولی شەشەمی پەرلەمانی کوردستان تۆمارکردووە.
سکاڵاکەی کۆمەڵی دادگەری کە یەکەم سکاڵایە بۆ هەڵوەشاندنەوەی خولی شەشەم لەلایەن عومەر گوڵپی کاندیدی سەرکەتووی حزبەکە دژی پەرلەمانی کوردستان تۆمار کراوە.

عومەر گوڵپى سەبارەت بە تۆمارکردنی ئەو سکاڵایە رایگەیاندووە،"داوامان لە دادگاى فیدراڵی کردووە، خولەکە هەڵوەشێندرێتەوە و هەڵبژاردن دووبارە بکرێتەوە، هەروەها هەموو ئەو ئیمتیازە ماددییانەى لە پێنج مانگى ڕابردوودا پەرلەمانتاران وەریان گرتووە، لێیان وەربگیرێتەوە".

کۆمەڵى دادگەرى کە لە هەڵبژاردنى خولى شەشەمى پەرلەمانى کوردستاندا سێ کورسیى بەدەستهێنا، دواتر هەڵبژاردنەکەی بە" دیزاینکراو" وەسفکرد و بڕیاریدا بایکۆتی خولەکە بکات.

دوای چوار رۆژ لە سکاڵاکەی کۆمەڵی دادگەری، جوڵانەوەی نەوەی نوێش رایگەیاند، سکاڵایان بۆ هەڵوەشاندنەوەی پەرلەمانی کوردستان تۆمار کردووە. 

نەوەی نوێ رایگەیاندووە، سکاڵاکەی ئەوان دژی سەرۆکی هەرێمی کوردستان، ئەوەیش بەهۆی ئەوەی تا ئێستا بڕیاری هەڵوەشاندنەوەی پەرلەمانی کوردستانی دەرنەکردووە.

ڕۆژی 20ـی تشرینی یەکەمی 2024، هەڵبژاردنی خولی شەشەمی پەرلەمانی کوردستان ئەنجام درا، بەپێی ئەنجامی کۆتایی هەڵبژاردن کە لەلایەن کۆمسیۆنەوە بڵاوکراوەتەوە، پارتی 39 کورسی، یەکێتی 23 کورسی، نەوەی نوێ 15 کورسی، یەکگرتوو 7 کورسی، هەڵوێست 4 کورسی، کۆمەڵ 3 کورسی، بەرەی گەل 2 کورسی و هەریەک لە گۆڕان و هاوپەیمانی کوردستانیش یەکی کورسییەکیان بەدەستهێناوە.

دوای نزیکەی حەوت مانگ لە ئەنجامدانی هەڵبژاردن، تا ئێستا پەرلەمانی کوردستان کارا نەبووە و تەنها پەرلەمانتاران سوێندی یاسایان خواردووە، بەڵام هەموو مانگێک مووچە وەردەرگن.