پەروەردەی سێکسی

بۆچی باوەشکردن بۆ هه‌ندێك كه‌س مایه‌ی دڵخۆشییه‌ و بۆ هه‌ندێكیتر مایه‌ی بێزاری؟

Mic
2021-07-12

باوەشکردن یان هەر بەرکەوتەیەکی جەستەیی کە سۆز دەربڕێت وا دەکات هۆرمۆنی ئۆکسیتۆسین لە مێشکدا دەربدرێت، ئۆکسیتۆسین دەبێتە هۆی زیادبوونی متمانە و پتەوکردنی پەیوەندی نێوان تاکەکان وە هەروەها دوودڵی و ترس کەمدەکاتەوە بۆیە کاتێك کرداری باوەشکردن ئەنجام دەدرێت هەست بە ئارامی دەکرێت.

کاتێك کەسێكی ئازیزت باوەشت پیادەکات ڕاستەوخۆ هەست بە دڵخۆشی دەکەیت، کردەی قبوڵکردن وەك باوەشکردن وادەکات هەست بە خۆشویستن و ئارامی بکەین و کەمتر هەست بە تەنیایی بکەین لە جیهاندا، بەڵام نهێنی ئەم کارە چییە کە قۆڵمان لە دەوری کەسێك دەگێڕین و ئیتر ئەم جیهانە سەختەمان له‌لا ئاسان دەبێت؟

پێش ئەوەی بپرسین بۆچی باوەشکردن هێندە دڵخۆشکەرە وا باشترە سەرەتا لەوە بکۆڵینەوە بۆ ئەنجامی دەدەین؟

گریمانەی پەیوەندی کۆمەڵایەتی:

یەکێك لە گریمانەکان کە زۆر باسدەکرێت بریتییە لە گریمانەی "پەیوەندی کۆمەڵایەتی"، کردەی جەستەیی لەگەڵ کەسێکدا یارمەتیمان دەدات پەیوەندیەکی پتەوی سۆزداری و کۆمەڵایەتی دروست بکەین لەگەڵ ئەو کەسەدا.

کاتێك مرۆڤ و زۆرینەی ئاژەڵان بە بوونەوەری کۆمەڵایەتی دادەنێین ئەوا گریمانەکە دەربارەی ئەم بوونەوەرە کۆمەڵایەتیانە دەڵێت کە کردەی باوەشکردن گرنگە بۆ پتەوکردنی پەیوەندییه‌کانی نێوانیان، ئەم پەیوەندیەش یاریدەدەر دەبێت بۆ متمانە کردن بەو کەسانەی لە چواردەورتن.

باوەشکردن شتێك نییە بە تەنها مرۆڤ ئەنجامی بدات، زیندەوەرەکانی پێش ئێمەش ئەنجامیان داوە لە ڕێی باوەشکردن و دەستهێنان بە سەری یەکتریدا بۆ ئارامکردنەوە. مشکەکانیش کە جۆرێکن لە ڕەچەڵەکی قڕتێکەرەکان یەکتری ئارام دەکەنەوە بە بەرکەوتەی جەستەیی.

باوەشکردن و کردەی سۆزداری تر وادەکەن متمانە دروست ببێت، ئەم پەیوەندیە کۆمەڵایەتیانە دەکرێت دۆزینەوەی هاوسەرێك بێت چونکە بێ هاوسەر ناتوانیت نەوە بخەیتەوە ئەمەش دەبێتە مەترسی بۆ سەر جینەکەت، ئێمەش بە گشتی وا دروستکراوین بۆ ئەوەی دووبارە نەوە بخەینەوە.

باوەشکردن دەکرێت بگات بە نەوە خستنەوە و متمانەکردن لە کۆمەڵەکاندا بە واتای ئەوەی  دەتوانیت دڵنیابیت کەسێکت لەپشتە کاتێك ڕووبەڕووی کێشەیەك دەبیتەوە، کەواتە کردەی باوەشکردن سوودی هەیە بۆ پەرەسەندن.

پاش زانینی ئەم شتانە دەپرسینەوە بۆ باوەشکردن هێندە دڵخۆشکەرە؟ لەبەر ئەوەی هۆرمۆنێکی دیاریکراو لە لەشماندا هەیە و شێوازی باوەشکردنمان دیاری دەکات.

باوەشکردن هۆرمۆنی خۆشەویستی دەردەدات كه‌ ناسراوه‌ بە ئۆکسیتۆسین، ئۆکسیتۆسین ناوی زۆرە وەکو هۆرمۆنی خۆشەویستی و هۆگربوون، ئەم هۆرمۆنە و دەمارەگوێزەرەوەکانی (ئەو پێکهاتە کیمیاییانەن وادەکەن دەمارەکانمان پەیوەندیان هەبێت) بریتییە لە نۆ ترشی ئەمینی پێپتیدی بچوك كه‌ بناغەی ژیانن.

کارە سەرەکییەکانی بریتین لە ئاسانکردنی منداڵبوون، دەقی وشەی ئۆکسیتۆسین کە لە یۆنانیەوە وەریدەگێڕیت واتای "لەدایکبوونی ئاسان" ی هەیە و هەروەها یارمەتیدەرە بۆ شیردان بە منداڵ.

بەڵام لەگەڵ ئەوەشدا ئۆکسیتۆسین پەیوەستە بە بواری هەستکردنێکی زۆر بە جۆش و خرۆش و خۆشویستن، وەکو ئۆرگازم، پەیوەندییە کۆمەڵایەتییەکان، پەیوەندی لەگەڵ دایك و باوکدا، هەروەها دۆزینەوەی هاوسەرێك.

بە شێوەیەکی سادە، ئۆکسیتۆسین یارمەتیدەرە لە دۆزینەوەی خۆشەویستدا، بۆ خۆشویستنی کەسێك و بۆ چێژ وەرگرتن لەو خۆشەویستیەی پێمان دەبەخشرێت، ئێستا ئەو نازناوەنەی پڕ بە پڕی خۆیەتی.

کاریگەریەکانی ئۆکسیتۆسین لەسەر لەش و مێشك

ئۆکسیتۆسین کاریگەری جیاوازی هەیە لەسەر مێشك و جەستەمان، ئێمە باسی باوەش دەکەین بۆیە لەو ڕووەوە لێیدەکۆڵینەوە.

ئۆکسیتۆسین لەگەڵ وەرگرەکانیدا کار دەکات، کاتێك ئۆکسیتۆسین دەردەدرێتە مێشکەوە دەبەسترێتەوە بە وەرگرەکانیەوە، دەتوانیت هۆرمۆنەکە و وەرگرەکەی وەك دوو پارچەی تەواوکەری یەك ببینیت، چونکە ئۆکسیتۆسین تەنها بە وەرگری خۆیەوە دەبەسترێتەوە.

وەرگری ئۆکسیتۆسین لە چەندین شوێنی جیاوازی مێشکدا بوونیان هەیە، لەو جێگانەی هۆرمۆنی ئۆکسیتۆسین دەبەسترێن بە وەرگرە جیا جیاکانیان لە ناو مێشکدا کە وا دەکەن دەمارەکان گڕ بگرن و چالاك ببن ئەمەش وادەکات شوێنە جیاجیاکانی لەش کرداری دیکە بکەن.

کاریگەرییەکانی ئەو ئۆکسیتۆسینەی لە کاتی باوەشکردندا دەردەدرێت بەشێك نیە لەو وەرگرانەی کە چالاکی دەکات، بەڵام زیاتر کاریگەری کپکردنی هەیە کە زۆرێك لە ناوچە جیاجیاکانی مێشك کپ دەکات، وەك ناوچەیەی ترس و توڕەیی و پاداشت و حەزی سێکسی، بە کپکردنی ئەم شوێنەی مێشك ئۆکسیتۆسین هەستی ترس و دوودڵیمان ناهێڵێت، کەمبوونەوە و نەمانی دوودڵێت وامان لێدەکات بڵێین دڵخۆشین.

توێژینەوەیەک لە ساڵی 2004 دا بڵاوکرایەوە لە گۆڤاری دەروونناسی زیندەیی ئەوەی دەرخست کە کاتێك هاوسەرەکان باوەش بە یەکتردا دەکەن، ئۆکسیتۆسین دەردەدرێت لە مێشکدا ئەمەش فشاری خوێن دادەبەزێنێت و وامان لێدەکات ئارامتربین، کەمبوونەوەی فشاری خوێن بۆ مولولە خوێنەکانی کۆئەندامی دڵیش بەسوودە.

توێژینەوەیەك کە لە ساڵی 2016 دا ئەنجام درا دەریخست باوەشکردن فشاری دەروونی کەمدەکاتەوە و ئەگەریش هەیە هەوکردن کەمبکاتەوە، فشاری دەروونی کۆئەندامی بەرگری لاواز دەکات ئەمەش ئەگەری نەخۆشکەوتن زیاتر دەکات، بەڵام پاڵپشتی کۆمەڵایەتی بەردەوام وەکو باوەشکردن فشاری دەروونی کەمدەکاتەوە.

ئه‌ی بۆچی هەندێك کەس حەزیان بە باوەشکردن نییە؟

 هەرچەندە زۆر باسی سوودەکانی باوەشمان کردووە بەڵام هەموو کەسێك حەزی پێی نییە، بۆ هەندێك کەس باوەشکردن کارێك نییە ئاسودەیان بکات و نامورتاحن.

ئەوانەی حەزیان بە باوەش نییە دەکرێت هۆکارە سەرەکیەکە لە منداڵیاندا بێت، هەندێك هەن لە خێزانێکدا گەورەبوون کە باوەشکردن شتێکی باو نییە تیایاندا بۆیە لە گەورەییشدا مورتاح نابن بە باوەشکردن.

منداڵان زمانی کۆمەڵایەتی لە ڕێی دایك و باوکیان و خێزانەکەیانەوە فێردەبن، کاتێك دایك و باوك یاری لەگەڵ منداڵەدکانیان دەکەن، باوەشیان پیادەکەن ئەمانە گشتی دەبێتە هۆی دروستبوونی پەیوەندی ئەرێنیانە و منداڵێکی تەندروست.

جیاوازی کلتورییش ڕۆڵ دەبینێت، لە هەندێك کلتوردا دەربڕینی زمانی جەستەیی سۆزداری باوە.

لە هەندێك حاڵەتدا شیاو نییە باوەشبکەیت بە کەسێکدا، تەنها حەز بەوە دەکەین باوەشمان پێ بدرێت لەلایەن کەسانێکەوە کە دەیانناسین یان سۆزمان بۆیان هەیە و حەزدەکەین زیاتر بیانناسین.

More News

Most Popular

هەواڵ

هێزيکی ئاسایش وێنەگری دیجیتاڵ میدیایی 'مایک'یان دەستبەسەرکرد

Mic
2024-03-25

سلێمانی ـ MIC

لەکاتی ڕووماڵی خۆپیشاندانی مامۆستایان و فەرمانبەرانی ناڕازیی ئەمڕۆ دووشەممە، هێزێکی ئاسایشی سلێمانی، گریڤان فەرمان یان بۆ ماوەیەک دەستبەسەرکرد و دەستیان بەسەر کەلوپەلە رۆننامەوانیەکدا گرت.

گریڤان فەرمان بە دیجیتاڵمیدیای MIC وت”هێزەکەی ئاسایش سەرجەم ئەو وێنە و دیمەنانەی خۆپیشاندانەکە، کە تۆمارم کردبوون سڕییانەوە و رێگەشیان نەدا رووماڵەکە بکەین.”

وتیشی” پاش سڕینەوەی دیمەنەکان ناچاریان کردین شوێنی خۆپیشاندانە جێبهێڵین.”
مامۆستایان و فەرمانبەرانی ناڕازی ئەمڕۆ لەدژی نەدانی مووچەکانیان و پرۆژەی هەژماری من، خۆپیشاندانیان ئەنجامدا و هەوڵیاندا بچنە دەباشان وچاویان بە بافڵ تاڵەبانی سەرۆکی یەکێتی بکەوێت، بەڵام لەلایەن هێزە ئەمنییەکانەوە رێگری کرا لە خۆپیشاندانەکە.

هەروەها رێگری کرا لە چەند کەناڵێکی میدیایی کە رووماڵی خۆپیشاندانەکە بکەن.