پەروەردەی سێکسی

هەوکردنی ڕیخۆڵە کوێرە، چۆن کاریگەری لەسەر پڕۆسەی سێکس دەبێت؟

هەر هەوکردنێک لە کۆئەندامی زاوزێ کاریگەری زۆری دەبێت لەسەر لایەنی ژیانی کەسەکە لەڕووی سێکسەوە،بەڵام ئایا هەوکردنەکانی پەیوەست بە هەناو و  پەیوەست بە کۆئەندامی هەرس چۆن و بۆچی کاریگەری دەبێت لەسەر لایەنی سێکسی و کۆئەندامی زاوزێ؟

هەندیک نەخۆشی وەک هەوکردنی ڕیخۆڵەکوێرە کاریگەری خراپ دەخاتە سەر کۆئەندامەکانی زاوزێ کە ناودەبڕێت بە Ulcerative colitis  و جۆڕیکە لە هەوکردنە هەناویەکان،ئەم جۆرە نەخۆشیە بەم جۆرە کاریگەری دەبێت لەسەر پڕۆسەی سێکس:

لەڕێگەی هەوکردن و دروستبوونی برین لەناوپۆشی رێخۆلە و تەشەنەسەندنی هەوکردنەکە بەرەو کۆئەندامەکانی دیکەی پەیوەست بە زاوزێ.
خوێن  بەربوون،سکچوون ،ئازار لەناو ڕیخۆڵە و دەوری کۆم.

بەکارهینانی ئەو دەرمانانەی بۆ چارەسەرکردنی ئازاری ئەم هەوکردنە بەکاردیًن،دەبنە هۆی کەمکردنەوە وتیکژانی هۆرمۆنەکان و سێکس لای تووشبوەکە.
نەشتەرگەری کردنی ڕێخۆڵە کوێرە ڕەنگە ببێتە هۆی زیانگەیاندن بە دەمارەکان وهەستوەرەکانی پەیوەست بە کۆئەندامە زاوزێیەکان.
لەدەست دانی لەناکاوی کێشی لەش،زیادبوونی سترێس کاریگەری لەسەر پەیوەندیی سۆزاداری دادەنێت.
ڕێگا چارەسەریەکان و چۆنیەتی مامەڵەی تەندرووست لەگەڵ ئەم حاڵەتە:
1.پلان دابنێ، لەوکاتەی ڕۆژدا پرۆسەی سێکس ئەنجام بدە کەدۆخت باشە،بە ڕاوێژکردن لەگەڵ پزیشکەکەت دەرمان و چارەسەری وەربگرە بۆ کێشەکانی وەک سکچوون.
2.لەگەڵ پزیشكەكەت دەربارەی نیشانەکانی وەک خوێن بەربوون،ئازار و بێتاقەتیت بەهۆی نەخۆشیەکەت،ڕێگا چارەوسەری گونجاو بەکاربێنە.
3-.ڕاستگۆبە لەگەڵ هاوسەرەکەتو دەربارەی حاڵەتەکەت و ئازارەکەت گفتوگۆبکە،هیچ شتێک و جوڵەیەک ئەنجام مەدە کە ببێتە هۆی خراپتترکردنی ئازارەکەت.

هەواڵ

هەرێمی کوردستان بە یاساکەی عێراق زیاتر لە 35 هەزار کەس پێکەوە خانەنشین دەکات

ئەمساڵ هەرێمی کوردستان زیاتر لە 35 هەزار کەس پێکەوە خانەشین دەکات، هەر کەسێکیشیان تەمەنی خزمەتی 25 ساڵ بێت 18 مووچەی پێکەوە پێدەدرێت. پێشبینی دەکرێت، بە خانەنشینی بوونی ئەو ژمارە فەرمانبەرە دەرگای دامەزراندنی نوێ بەڕوی بەشێک لە گەنجاندا بکرێتەوە.

حکومەتی هەرێمی کوردستان بڕیاریداوە، تەنها لە مانگی کانوونی دووەمی ئەمساڵدا زیاتر لە 35 هەزار فەرمانبەر خانەنشین بکات. 

بەشی کارگێڕی سەرجەم فەرمانگەکانی حکومەتی هەرێمی کوردستان ماوەی دوو ڕۆژە سەرقاڵی ئامادەکردن و رێکخستنی لیستی ئەو فەرمانبەرانەن کە خانەنشین دەکرێن.

بەپێی ڕێکارەکان، ئەو کەسانەی لەم قۆناغەدا خانەشین دەکرێن، لەدایکبووانی ساڵەکانی 1962،1963،1964ن لەگەڵ لەدایکبووانی مانگی یەکی ساڵی 1965 کە تەمەنیان بووەتە 60 ساڵ خانەنشین دەکرێن.

یاساکەی عێراق بۆ خانەشینکردنی فەرمانبەران بەکاردەهێنرێت
کۆتایی مانگی تشرینی دووەمی 2022، دادگاى باڵاى فیدراڵى عێراق، بڕیاریدا بە پابەندکردنی حکومەتى هەرێمى کوردستان بە کارکردن بە یاسای ژمارە 9ـی ساڵی 2014ـی تایبەت بە یاسای یەکگرتوی خانەنشینی عێراق، بەگوێرەى یاساکە کەمترین موچەى خانەنشینى 400 هەزار دینار دەبێت.

تەموزی 2024، حکومەتی هەرێمی کوردستان پابەندبوونی خۆی بە بڕیارەکەی دادگای فیدراڵیەوە ڕاگەیاند و بڕیاریدا ئەو یاسایە بۆ خانەنشینکردنی فەرمانبەرانی بەکاربهێنێت. 

حکومەتی هەرێمی کوردستان لە خانەنشینکردنی ئەم فەرمانبەرە نوێیانەشدا پشت بە هەمان یاسا دەبەستێت، بەڵام بڕیاریداوە، تەمەنی خانەنشینیی لە 63 ساڵەوە بۆ 60 ساڵی كەم بکرێتەوە. 

بەپێی یاسای خانەنشینی عێراق کە هەرێمی کوردستان بۆ خانەنیشینی بوونی فەرمانبەران بەکاریدەهینێت، هەر فەرمانبەرێک لە کاتی خانەنشینیدا ئەگەر 25 ساڵ خزمەتی هەبێت، 12 مووچە وەک پاداشتی ساڵانی خزمەت پێدەدرێت لەگەڵ شەش مووچەی مۆڵەتی کۆکراوە.

کەسوکاری شەهیدان دەتوانن خانەنشین نەبن
وەزارەتی دارایی و ئابوریی هەرێمی کوردستان مافی بەردەوامبوون بەو کەسانە دەدات کە خاوەن شەهیدی پلە یەک و دوون و تەمەنی خانەشینیان تەواو کردووە. 

بەپێی ڕاگەیەندراوی وەزارەتەکە، ئەو کەسانەی کەسی پلە یەک و پلە دوویان شەهیدە، فۆڕمێکی تایبەتی وەزارەتی دارایی عێراقییان پڕکردوەتەوە، بە مەبەستی "ئەنجامدانی کاری پێویست و بەردەوامبوونیان لە خزمەت".

ژمارەی خانەنشیان 
بەپێی دوایین ڕاپۆرتی وەزارەتی دارایی و ئابوری بۆ ئەنجومەنی وەزیرانی هەرێمی کوردستان، 277 هەزار و 541 کەس لە هەرێمی کوردستان خانەنشینن.

بەپێی داتاکانی وەزارەتی دارایی و ئابوری هەرێمی کوردستان، مووچەی یەک مانگی خانەشینان پێویستی بە زیاتر لە 180 ملیار دیناری مانگانە هەیە. 

دامەزراندن دەکرێتەوە؟ 
خانەنشین بوون، ڕێگەیەکە بۆ نوێکردنەوەی فەرمانگە و دامەزراوە حکومییەکان بە گەنجان و لاوان، چونکە پێویستە لەگەڵ خانەشینبوونی توێژێکدا توێژێکی نوێ دابمەزرێت. 
تا ئێستا حکومەتی هەرێمی کوردستان هیچ، ڕێکار و ڕێنماییەکی بڵاونەکردوەتەوە کە تایبەت بێت بە دامەزراندنی فەرمانبەری نوێ لە شوێنی ئەو فەرمانبەرانەی خانەنشین دەکرێن، بەڵام  پێشبینی دەکرێت، بە خانەنشینی بوونی ئەو ژمارە فەرمانبەرە دەرگای دامەزراندنی نوێ بەڕوی بەشێک لە گەنجاندا بکرێتەوە.