هەواڵ

ئەرجەنتین دەست بەسەر فرۆكەیەكی بارهەڵگری ئێراندا دەگرێت

Mic
2022-06-14

ئەرجەنتین دەستی بەسەر فڕۆکەیەکی بارهەڵگری ئێرانیدا گرتووە، کارمەندە فڕۆکەوانیەکانیشی دەستبەسەرکراون.
نزیکەی هەفتەیەکە فڕۆکەیەکی بارهەڵگری بۆینگ ٧٤٧ لە ئەرجەنتین، لەلایەن ئەرجەنتینەوە دەستیبەسەرداگیراوە، هاوكات دادگای ئەو وڵاتە فەرمانی دەستگیركردنی چەند  کارمەندێکی ئێرانی فڕۆكەكەی داوە و گەشتەكەی راگرتووە.
ئەنیبال فێرناندێز وەزیری ئاسایشی ئەرجەنتین دووپاتی کردەوە کە وڵاتەکەی زانیاری لە "ڕێکخراوە بیانییەکان" وەرگرتووە کە ئاماژەیان بەوە کردووە کە ڕەنگە بەشێک لە تیمەکانی فڕۆکەوانی لەگەڵ سوپای پاسداران پەیوەندییان هەبێت.
لەبەرامبەر ئەوەشدا بەرپرسانی ئێران هەفتەیەک دوای دەستبەسەرداگرتنی فڕۆکە بارهەڵگرەکە لە ئەرجەنتین  ڕایانگەیاند کە هێڵی ئاسمانی ماهان ساڵێک لەمەوبەر فڕۆکەکەی بە ڤەنزوێلا فرۆشتووە.
وه‌زاره‌تی ده‌ره‌وه‌ی ئێران رایگەیاند: ئه‌م هه‌نگاوه‌ی ئه‌رجه‌نتین به‌شێکە له‌ هه‌ڵمه‌تێکی "پڕوپاگه‌نده‌"ی دژ به‌ تاران له‌ حاڵێکدا گرژییه‌کان له‌گه‌ڵ وڵاتانی ڕۆژاوایی سه‌باره‌ت به‌ وتووێژه‌کان بۆ بوژاندنه‌وه‌ی ڕێککه‌وتنی ئه‌تۆمی ساڵی 2015 هه‌یه‌.
بەڵام ئێستا دادوەرێکی ئەرجەنتینی بڕیاریدا ڤیزەی پێنج ئێرانی لەناو فڕۆکەکەدا بۆ ماوەی ٧٢ کاتژمێری دیکە ڕابگیرێت بۆ لێکۆڵینەوەی زیاتر، وە  ١٤ ئەندامی تیمی فڕۆکەوانی ڤەنزوێلی ئازاد کران.
تا ئێستا ڕوون نەبووەتەوە کە ئایا ئەو فڕۆکەیە لە لیستی ئەو فڕۆکە ئێرانیانەدایە کە ئەمریکا سزای لەسەر داوە یاخودنا.
پێشتر لە ساڵی 2011 و لە هەمان کاتدا کە شەڕی ناوخۆی سوریا هەڵگیرسا، ئەمریکا هێڵی ئاسمانی ماهانی بە هاوکاریکردنی سوپای قودسی سوپای پاسداران تۆمەتبار کرد، دیسان لە ساڵی 2019  دا ئەو هێڵە ئاسمانیەی بە "هەڵگرتنی    مووشەک و کەلوپەلی ئەتۆمی تۆمەتباركرا.

More News

Most Popular

هەواڵ

وردەكاری گیانلەدەستدانی 46 كۆچبەر لەئەمریكا

Mic
2022-06-28

لە شاری سان ئەنتینۆی ویلایەتی تەکساس لە هەوڵێکی قاچاخیدا لەنێوان سنوری ئەمریکا و مەکسیک نزیکەی 46 کەس بە مردوویی دۆزرانەوە.

لە شاری سان ئەنتینۆی  ویلایەتی تەکساس لەنا ترێلەیەکدا 46 کەس بەمردوویی دۆزرانەوە، کە پێدەچێت هەوڵێکی قاچاخچێتی بێت لە نێوان ئەمریکا ومەکسیک، لەگەڵ ئەوەشدا چارڵز هود بەڕێوبەری ئاگرکوژینەوەی سان ئەنتۆنیۆ ڕایگەیاندووە کە 16 کەسی دیکە هەر لەو ترێلەیەدا ڕۆژی دووشەممە دۆزراونەتەوە کە بەهۆی جەڵدەی گەرما تەندروستیان تێکچووە وگەیەنراونەتە نەخۆشخانە، کە لە نێوانیاندا چوار کەسیان تەمەنیکی کەمیان هەبووە.
بەهۆی ڕووداوەکەوە سێ کەس دەستگیرکراون 
ئە و بارهەڵگرە بارهەڵگرێکی ساردکەرەوە بوو، بەڵام هیچ یەکەیەکی تەندرووستی تیدا نەبووە، لە تەنیشت هێڵی شەمەندەفەر لە ناوچەیەکی دوور لە بەشی باشوری شارەکە دۆزرایەوە.
بەڕێوەبەری ئاگرکوژێنەوەی سان ئەنتۆنیۆپ وتیشی:  لەناو کوژراوەکاندا دوو هاوڵاتی گواتیمالای تێدا بووە کە بە ناسنامەی ساختەی یەکێتی ئەوروپا هاتوونەتە سان ئەنتۆنیۆ.
ڕووداوەکە لە ڕۆژی دووشەمەدا روویداوە کە پلەکانی گەرما لە سان ئەنتۆنیۆ کە نزیکەی 260 کیلۆمەتر لە سنوری مەکسیکەوو ودوورە بۆ نزیکەی  39 پلەی سیلیزی بەربۆتەوە لەگەڵ شێداریەکی زۆر.
ڕۆن نیربێرگ سەرۆکی شارەوانی سان ئەنتۆنیۆ ڕوداوەکەی رۆژی دووشەممەی بە کارەساتیکی ترسناك و مرۆیی ناوبرد، هەروەها وتیشی کە کوژراوەکان خێزانیان هەبووە و پێدەچیت بۆ ژیانیکی باشتر هەوڵیان دابێت.
 ڕەنگە کارەساتەکە یەکێک بێت لە کوشندەترین ڕووداوەکانی قاچاخکردنی مرۆڤ لە سنوری ئەمریکا ومەکسیک لە دەیەکانی ڕابردوودا.
هاوکات لە ساڵی 2017 شدا 10 کەس لەناو بارهەڵگرێکدا گیریان خواردبوو لە سان ئەنتۆنیۆ وەستابوو، گیانیان لەدەست دا، لە ساڵی 2019شدا 19کەسی دیکە لە بارهەڵگرێکی دیکەدا لەبەشی باشووری ڕۆژهەڵاتی شارەکە بە مردوویی دۆزرانەوە.