هەواڵ

حكومەتی هەرێم مۆڵەتی كۆمپانیاكانی سیستەمی غازی شل نوێ دەكاتەوە

Mic
2022-11-24

حكومەتی هەرێمی كوردستان لەڕاگرتنی سیستەمی شۆڤاژ پەشیمان بوەوە، لەرێنماییەكی نوێدا پارێزگاری هەولێر رایگەیاندووە کۆمپانیاکانی دانانی سیستەمی غاز لە هەرێمی کوردستان ناتوانن کاربکەن، تاوەکو مۆڵەتەکانیان بەگوێرەی رێنماییە نوێیەکانی بەرگریی شارستانی نوێ نەکەنەوە.
لە کۆبوونەوەی پارێزگاری هەولێر و خاوەنی کۆمپانیاکان سێ هۆکار دیاریکراون بۆ روودانی تەقینەوە لە سیستەمی غازی شل، ئەوانیش کوالێتیی غازەکە، خراپ بەکارهێنانی سیستەمەکە لەلایەن خەڵک و خراپیی دانانی سیستەمەکە لەلایەن کۆمپانیاکانەوە، بەبێ ئەوەی بڕیار بدرێت هیچ كۆمپانیایەك سزابدرێت.
 ئومێد خۆشناو، پارێزگاری هەولێر  رایگەیاند: بەگوێرەی رێنمایی ژمارە یەکی ساڵی 2020، هەروەها بەگوێرەی یاسای ژمارە 6ی 2009ی وەزارەتی ناوخۆ، دەبێت ئەو کۆمپانیایانە لە وەزارەتی ناوخۆ تۆماربکرێن.
 بۆ دەرهێنانی مۆڵەتی نوێ، ماوەی مانگێک بۆ کۆمپانیاکان دیاریکراوە، کۆمپانیاکانی دانانی سیستەمی غاز هەموو ئامادەییەکیان پێشانداوە بۆ کارکردن لەژێر چاودێریی بەردەوامی حکومەت و بەرگریی شارستانی، بەڵام ئەوانیش قسەی خۆیان هەیە و داوای هاوکاری لە حکومەت دەکەن.
وەك كۆمپانیاكان دەڵێن، دەبێت حکومەت لێپێچینەوە بکات و کۆتایی بە کارکردنی ئەو کۆمپانیا و سەنتەرانە بهێنێت، کە بەبێ مۆڵەت بەهەڕەمەکی و کەلوپەلی کوالێتیی نزم سیستەمەکە دادەنێن.
 بەشێك لەو كۆمپانیایانە دەڵێن کێشەیان لەگەڵ ئەو کەسانە هەیە کە بە وەستای گەڕۆک و بێ مۆڵەت ناسراون و کاری سیستەمی شۆفاژ و غاز دەکەن.
 دوای رووداوی تەقینەوەی دوو سیستەمی شۆفاژ و غازی شل لە سلێمانی و دهۆک، کە 21 گیانلەدەستدان و 44 برینداری لێکەوتەوە، ئێستا کۆمپانیاکان رۆژانە بە سەدان پەیوەندییان پێوەدەکرێت، بۆ خزمەتگوزاری چاودێریکردنی سیستەمەکانیان.
 بەپێی بەدواداچوونەكان دەركەوتووە كۆمپانیا هەیە پێنج ساڵە سیستەمی غازی شلی بۆ ماڵان داناوە و تائێستا چێكی نەكردووەتەوە.

لە هەرێمی کوردستان نزیکەی 60 کۆمپانیا، سەنتەر و شوێنی دانانی سیستەمی غازی شل هەن، كە 33 یان لەپارێزگای سلێمانی و 15 یان لەهەولێرن ئەوانی دیكەش لەدهۆك.

بابەتی لێکچو

More News

Most Popular

زانست

زیلاندیا...هەشتەمین کیشوەری کە لە ئاوەکاندا نوقم بوو

Mic
2023-09-28

تەنها شتێک کە لەم پارچە ژێرئاوکەوتووە لە سەرووی ڕووی زەریاکەدا دەردەکەوێت، نیوزلەندا و دوورگەکانی دەوروبەریەتی، بەڵام خودی زیلاندیا لە مێژە وەک نهێنی ماوەتەوە.

کاتێک ٨٣ ملیۆن ساڵ لەمەوبەر کیشوەری سەروو کۆنی گۆندوانا لەیەک جیا بووەوە، بەشێکی زۆری لە ژێر شەپۆلەکاندا نوقم بوو کاتێک دوور دەکەوتەوە، بەپێی هەندێک لە زانایانی جیۆلۆجی، ئەم پارچە ژێرئاوکەوتووە کە پێی دەوترێت زیلاندیا - دەتوانرێت بە کیشوەری هەشتەمی زەوی هەژمار بکرێت.

ئێستا تەنها ئەوەی لە سەرووی ڕووی زەریاکەدا دەرکەوتووە، نیوزلەندا و دوورگەکانی دەوروبەریەتی، بەڵام خودی زیلاندیا لە مێژە وەک نهێنی ماوەتەوە نزیکەی 94%ی کیشوەری 4.9 ملیۆن کیلۆمەتری چوارگۆشە لە ژێر ئاودایە، ئەمەش وردەکارییەکانی بەشی باکووری بارستەی زەوی.
لەم دواییانەدا بە بەکارهێنانی داتای جیۆکیمیایی و ئایزۆتۆپی لە نمونەی بەردی تازە هەڵکەندراو و هەروەها خوێندنەوەی بومەلەرزەزانی، جیۆلۆجیستێکی جیۆلۆجی نیوزلەندا ئەندی تولۆک و هاوکارەکانی نەخشەیەکی پێداچوونەوەیان بۆ ئەو ناوچەیە دروستکرد بۆ لێکۆڵینەوە لە چۆنیەتی دەرکەوتنی کیشوەرەکە.

وەک لە ڕاپۆرتێکدا کە لە ماڵپەڕی ئاگاداری زانستدا بڵاوکراوەتەوە، ئاماژەی بەوە کردووە، نمونەی بەردەکان کە هەندێکیان تەمەنیان وەک دایناسۆرەکانە، لە شوێنەکانی کونکردنی گەڕان و ژمارەیەک لوتکەی بەرکەوتوو لە باشووری زیلاند، وەک دوورگەکانی چاتام و ئەنتیپۆدس وەرگیراون.

شیکاری پێکهاتەی کیمیایی، لەگەڵ بەڵگە جیۆلۆجیەکانی تر، لێکچوونەکانی لە نەخشەکانی لەگەڵ جیۆلۆجیای ڕۆژئاوای ئەنتارکتیکا ئاشکرا کرد، ئەمەش پێشنیاری ژێرئاوکەوتنی پەراوێزی زیلاندیا دەکات تا ٢٥٠ ملیۆن ساڵ لەمەوبەر، بەسەر ئەو شوێنەی کە ئێستا فەلاتی کامپبێل لە کەنارەکانی ڕۆژئاوای نیوزلەندا . ژێرئاوکەوتن کاتێک ڕوودەدات کە دوو لێواری توێکڵی زەوی پاڵ بە یەکەوە بنێن، لێوارێک پاڵدەنێتە خوارەوە بۆ ناو پۆششی زەوی.
تولۆچ و تیمەکەی لە توێژینەوەکەیاندا کە لە گۆڤاری Tectonics لە 12ی ئەیلولدا بڵاوکرایەوە، ڕوونیکردەوە "هەردوو وڵاتی زیلاندیا و ئەنتارکتیکا لە ناوخۆدا شێواوییەکی زۆریان هەیە" چەند ساڵێک بەر لە ئێستا.

پاشان لە قۆناغی کۆتایی کریتاسی نزیکەی ٧٩ ملیۆن ساڵ لەمەوبەر، زیلاندیا و ڕۆژئاوای ئەنتارکتیکا دڕا و زەریای هێمنیان پێکهێنا ئەوەی بۆ ماوەیەکی زۆر جیۆلۆجی سەرسام کردووە ئەوەیە کە چۆن توێکڵی زیلاندیا توانیویەتی ئەوەندە تەنک بێت پێش ئەوەی بشکێت تەنکییەکی هاوشێوە لە ئەنتارکتیکای ڕۆژئاواشدا دەردەکەوێت.

تولۆک و هاوکارەکانی بەڵگەیان دۆزیەوە کە ئاراستەی فراوانبوونەکە لە نێوان ٨٠ بۆ ١٠٠ ملیۆن ساڵ لەمەوبەر بە ڕێژەی ٦٥ پلە جیاواز بووە، ئەوان پێیان وایە ڕەنگە ئەمە ڕێگەی بە تەنکبوونەوەی بەربڵاوی توێکڵی کیشوەری داوە، ئەم ئەنجامانە پێکەوە بناغەیەکی تۆکمە بۆ شیکارییەکی وردتر بۆ ئەم فراوانییە سەیرەی زەوی دروست دەکەن.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved