هەواڵ
ڤیدیۆی هۆکاری خۆڵبارینەکەی ئەم چەند رۆژە، "رادیۆ بوو"
2025-05-07
چەند رۆژێکە، ڤیدیۆیەک لە تۆڕە کۆمەڵایەتییەکان
بڵاوبووەتەوە و ناونیشانی جیاجیای لەخۆی گرتووە و کراوەتە هۆکاری دیاردەی خۆڵبارین، زۆرجار لە کوردستان و عێراق
بەتایبەتیی بەدی دەکرێت.
ڤیدیۆکە کواڵێتییەکەی
زۆر خراپە و دەبینرێت کە لە رێگەی چەند تراکتۆرێکەوە و بە ئامێرێکی تایبەت خۆڵ
دەکرێت بە ئاسماندا و شەپۆلێکی تەپوتۆزی چڕ دروست دەکرێت.
یەکێک لە پەیجەکان نوسیویەتی،
لە وڵاتی سعودیەوە بەم شێوەیە شەپۆلی خۆڵبارین ئاڕاستەی عێراق دەکرێت بۆئەوەی
زیانی ژینگەیی و سروشتی دروستبکەن.
یەکێکی دیکە نوسیویەتی،
بازرگانە گەورەکانی مادەی هۆشبەر و چەک لە رۆژهەڵاتی ناوەڕاست، ئەم دیاردەیە دروست
دەکەن بۆئەوەی لەنێوان سنورەکاندا کارە یاساغەکانی خۆیان ئەنجام بدەن.
پەیجێکی دیکە نوسیویەتی
بڕوانن مرۆڤ چۆن خۆی هۆکاری دیاردەی خۆڵبارینە.
ڤیدیۆکە هێندە بەخێرایی
بڵاوبووەتەوە تەنانەت لە وڵاتی ئیسپانیاش خەڵکی ئەفەریقا بە هۆکاری ناردنی
خۆڵبارین تۆمەتبارکراون.
تیمی مایک، بەدواداچوونی بۆ سەرچاوەی هەواڵ و
ڤیدیۆکە کرد، دەرکەوت ئەو ڤیدیۆیە فەیک نیوز و هەواڵی ساختە و چەواشەکاریی بووە.
سەرچاوەی ڤیدیۆکە لە
ساڵی 2018 بڵاوکراوەتەوە و بەشێکە لە داهێنانێکی جوتیارانی بەرازیل، بە مەبەستی خێراترکردنی
پرۆسەی بەرهەمهێنانی دانەوێڵە، ئەوەش لەڕيگەی دورینەوەی دانەوێڵە لەناو خودی
کێڵگەکە و لە شوێنی خۆیدا، پاشان هاتنی هەباشەی گەورە بۆ جیاکردنەوەی دانەوێڵەکە
لە پوش و پاشماوەکەی.
More News
 copy.jpg)
Most Popular
-
تەیف سامی: بەمشێوەیە پارەی مووچەی مانگی چوارم دابینکردووە
هەواڵ2025-05-04
1
-
ئێران و ئەمریکا، دوژمن بەتامی دۆست
هەواڵ2025-05-04
2
-
ماکرۆن سەدانی عێراق دەکات و گرێبەستی فرۆشتنی چەک بە عێراق لەگەڵ سودانی ئیمزا دەکات
هەواڵ2025-05-04
3
-
ترەمپ بەهەشتەکەی ئەلیکتراز دەکاتەوە بە دۆزەخ
هەواڵ2025-05-05
4
-
سڕی سورەیا ئۆندەر.. ئەو تورکمانەی لەپێناو ئاشتیدا بۆ کورد و تورک، مرد
هەواڵ2025-05-03
5
-
لە کەرکوک "مەترسیدارترین تۆمەتبار" دەستگیرکرا
هەواڵ2025-05-04
6
-
یەکێتی داوای یەک لیستی دەکات
هەواڵ2025-05-05
7
-
شەڕی هیندستان و پاکستان ئاسایشی جیهان دەخاتە مەترسییەوە
هەواڵ2025-05-07
8
هەواڵ
عێراق ڕۆژانه ملیۆنێک دۆلار له دەستدەدات بەهۆی خۆڵبارینەوه
2025-05-07
دیاردەی خۆڵبارین زیانی
گەورەی ئابوری بە عێراق دەگەیەنێت و لە هەر رۆژێکی خۆڵباریندا، عێراق ملیۆنێک
دۆلار لەدەستدەدات، ئەوەش بەپێی راپۆرتێکی
روانگەی سەوزی عێراق بۆ ژینگە و گۆڕانی کەشوهەوا.
خۆڵبارین یەکێکە لە
دیاردە پەرەسەندووەکان لە عێراق، ساڵانە لە کۆتایی وەرزی بەهاردا تا سەرەتای وەرزی
زستان ناوبەناو تەواوی عێراق دەگرێتەوە، خۆڵبارین جگە لە کاریگەرییە خراپەکانی
بۆسەر تەندروستی هاوڵاتییانی عێراق، زیانی گەورەی بە ژینگە و کەشوهەوای عێراق
گەیاندووە.
لە راگەیەندراوێکدا، روانگەی
سەوزی عێراق بۆ ژینگە و گۆڕانی کەشوهەوا، زیانی ئەو خۆڵبارینانەی عێراق دەگرێتەوە، ڕۆژانە بە یەک ملیۆن دۆلار دەخەمڵێنێت و ئاماژەی بەوەکردووە، زیانەکان
کەرتە جیاجیاکان دەگرێتەوە.
کەرتی تەندروستیی دیارترین
کەرتە کە زیانی زۆری بەهۆی خۆڵبارینەوە بەردەکەوێت، لەبەرئەو پێویستی و چارەسەرانەی
وەزارەتی تەندروستی بۆ ئەو کەسانەی دبیندەکات، کە بەهۆی خۆڵباینەوە رەوانەی
نەخۆشخانەکان دەکرێن، ئەمە جگە لەو نەخۆشانەی کە حەز دەکەن لە ماڵەوە بمێننەوە و
ئامێری هەناسەدان دەکڕن.
زیانەکانی دیکەی خۆڵبارین،
رووداوی هاتوچۆیە کە لەم ڕۆژانەدا لەسەر رێگا دەرەکییەکان بەهۆی کەمی بینین
زیادیان کردووە، هەروەها ئەو بەروبومانەی کە بەهۆی خۆڵبارینەوە زیانی زۆریان
پێگەیشتووە، زیانی دیکەش بەر ئاژەڵ و زیندەوەرانی دیکە دەکەوێت
جگە لە پاککردنەوەی ماڵ و فەرمانگە فەرمییەکان و ئۆتۆمبیلەکان کە بڕێکی زۆر ئاو
بەفیڕۆ دەدەن و هەروەها، دەبنە هۆی داخستنی سیستەمەکانی ئاوەڕۆ کە بەشێکی زۆری
بەهۆی کەڵەکەبوونی پاشەڕۆ و قوڕەوە دەتوانرێت دابخرێت.
روانگەی سەوزی عێراق بۆ ژینگە
و گۆڕانی کەشوهەوا بەپێویستی دەزانێت، پەلەبکرێت لە بەرگرتن بە دیاردەی خۆڵبارین
لە رێگەی گرنگیدان بە دارستان چاندن و دامەزراندنی پشتێنەی سەوز کە لە چەند
پارێزگایەک بەتایبەتی سنوورەکان پلانی بۆ دانراوە.
لە سەر ئەو پرسە، عادل
موختار، پسپۆڕی کشتوکاڵ و ژینگە بە ڕۆژنامەی "العربي الجديد"ی
راگەیاندووە، گەردەلوولی خۆڵبارین جگە لە باری ئابوری کاریگەری جدی و گەورەی لەسەر
بارودۆخی ژینگە و تەندروستی هەیە و هۆکارەکەیشی بۆ کەمتەرخەمی بۆ حکومەتی عێراق گەڕاندووەتەوە.
ئەو پسپۆڕەی بواری ژینگە
ئاماژەی بەوەکردووە، رێژەی بەبیابان بوون لە عێراق لەم دواییانەدا بەشێوەیەکی
بەرچاو و مەترسیدار بەرزبووەتەوە، بەتایبەتی دوای گۆڕینی زۆربەی زەوییە
کشتوکاڵییەکان لە بەغدا و پارێزگاکان بۆ شاری نیشتەجێبوون و دەڵێت: "ئەمەش
بووە هۆی دروستبوونی خۆڵبارین لە شارەکان".
پێشتر، پرۆگرامی ژینگەی
نەتەوە یەکگرتووەکان هۆشداری دابوو بە عێراق، کە تا ساڵی 2026، عێراق ساڵانە 300
خۆڵبارین بەخۆیەوە دەبینێت و بەپێی ئەو ئامارەیش بێت عێراق زیانی گەورەی بەهۆی
خۆڵبارینەوە بەردەکەوێت.
