هەواڵ

عێراق داوای لێبوردنی لە عومان كرد، چی بەسەر بەشێك لەجەماوەری ئەو وڵاتە هاتووە؟

Mic
2023-01-22

یەكێتی تۆپی پێی عێراق داوای لێبووردنی لە جەماوەری عومان كرد، بەهۆی ئەوەی رۆژی پێنجشەممەی رابردوو لەیاری كۆتایی پاڵەوانێتی كەنداو درەنگ رێگەیان پێدراوە بچنە ناو یاریگاكەوە.
یەكێتی تۆپیی پێی عێراق لەبەیاننامەیەكدا رایگەیاند: لەیاری كۆتایی پاڵەوانێتی كەنداو بەهۆی دروستبوونی قەرەباڵغی لەیاریگای بەسرە، جەماوەری عومان درەنگ هاتوونەتە ناو یاریگا، داوای لێبوردن دەكەین و زۆربەداخین.
یەكێتی تۆپی پێی عێراق هاوكات سوپاسی جەماوەری عومان دەكات كە هاوكار بوون لەوەی یاری كۆتایی بەسەركەوتوویی بەڕێوەبچێت و هاوكاری عێراقیشیان كردووە لەڕێكخستنی پاڵەوانێتیەكە.
لەیاری كۆتایی نێوان عێراق و عومان كە بەسەركەوتنی عێراق كۆتایی هات لە پاڵەوانێتی كەنداو، نزیكەی 80 هەزار هاندەری عێراقی لەیاریگای بەسرە بوون، بەوهۆیەوە قەرەباڵغییەكی زۆر دروستبوو و چەند كەسێكیش گیانیان لەدەستدا.

More News

Most Popular

هەواڵ

هێزيکی ئاسایش وێنەگری دیجیتاڵ میدیایی 'مایک'یان دەستبەسەرکرد

Mic
2024-03-25

سلێمانی ـ MIC

لەکاتی ڕووماڵی خۆپیشاندانی مامۆستایان و فەرمانبەرانی ناڕازیی ئەمڕۆ دووشەممە، هێزێکی ئاسایشی سلێمانی، گریڤان فەرمان یان بۆ ماوەیەک دەستبەسەرکرد و دەستیان بەسەر کەلوپەلە رۆننامەوانیەکدا گرت.

گریڤان فەرمان بە دیجیتاڵمیدیای MIC وت”هێزەکەی ئاسایش سەرجەم ئەو وێنە و دیمەنانەی خۆپیشاندانەکە، کە تۆمارم کردبوون سڕییانەوە و رێگەشیان نەدا رووماڵەکە بکەین.”

وتیشی” پاش سڕینەوەی دیمەنەکان ناچاریان کردین شوێنی خۆپیشاندانە جێبهێڵین.”
مامۆستایان و فەرمانبەرانی ناڕازی ئەمڕۆ لەدژی نەدانی مووچەکانیان و پرۆژەی هەژماری من، خۆپیشاندانیان ئەنجامدا و هەوڵیاندا بچنە دەباشان وچاویان بە بافڵ تاڵەبانی سەرۆکی یەکێتی بکەوێت، بەڵام لەلایەن هێزە ئەمنییەکانەوە رێگری کرا لە خۆپیشاندانەکە.

هەروەها رێگری کرا لە چەند کەناڵێکی میدیایی کە رووماڵی خۆپیشاندانەکە بکەن.