تەندروستی

کاریگەری دەنگەکان لەسەر گوێ

ئێمە چۆن دەبیستین؟

بیستن پشت دەبەستێت بە زنجیرەیەک هەنگاوی ئاڵۆز کە شەپۆلی دەنگ لە هەوادا دەگۆڕێت بۆ ئاماژەی کارەبایی، دواتر دەماری بیستن دەنگەکان بۆ مێشک دەنێرێت و مێشکیش ڕاڤە و لێکدانەوەیان بۆ دەکات.
١- شەپۆلەکانی دەنگ دەچنە گوێی دەرەوە و بە ڕێڕەوی تەسکدا دەڕۆن کە پێی دەوترێت کەناڵی گوێ، کە بەرەوە تەپڵە پەردە دەڕوات.
٢- شەپۆلەکانی دەنگ گوێچکە دەلەرێننەوە و ئەم لەرانەوەیەش بۆ سێ ئێسکی بچووک دەڕوات لە گوێی ناوەڕاست کە چەکوش و دەزگا و ئاوزەنگە.
٣- ئێسکەکانی گوێ لەرزینی دەنگەکە زیاد دەکەن و دواتر دەینێرن بۆ گوێی ناوەوە کە پڕە لە شلەی تایبەت ئەرکی بیستنی دەنگەکانە و گۆڕینیەتی بۆ شەپۆلی کارەبایی و ناردنیانە بۆ مێشک لە ڕێگەی دەماری بسیتن و هەروەها لێکدانەوەیان.

کام دەنگانە زیان بە گوێ دەگەیەنن؟
دەنگەکان بە دێسێبڵ پێوانە دەکرێت، کەسێک کە بە چرپە قسە دەکات نزیکەی ٣٠ دێسێبڵە، گفتوگۆی ئاسایی نزیکەیی ٦٠ دێسێبڵە، بزوێنەری مۆتۆڕسکیل ٩٥ دێسێبڵە، ژاوەژاوی سەروو ٧٠ دێسێبڵ بۆ ماوەیەکی درێژ لەوانەیە زیان بە بیستن بگەیەنێت، دەنگی بەرز سەروو ١٢٠ دێسێبڵ زیانی تەواوەتی بە گوێ دەگەیەنێت، گوێیەکان زۆر هەستیارن بە دەنگی بەرز و ئەمەش دەبێتە هۆی کاریگەری نەرێنی لەسەر بیستن، لەگەڵ ئەوەشدا ئاستی دێسیبڵی مەترسیدار دەتوانێت زیانی زیاتر بە گوێ بگەیەنێت.

📌دێسێبڵە بەرزەکان هۆکارن  بۆ دروستبوونی کێشەی تەندروستی 
تێکچوونی خەو
بەرزبوونەوەی ئاستی فشار
سەرئێشە
لاوازی بیستن
بەرز پەستانی خوێن
نەخۆشییەکانی دڵ و شەکرە
لەدەستدانی بیستن
ئەو دەنگانەی کە بۆ بیستن باشن
ئەو شەپۆلانەی کە بەسەر بەردا دەڕۆن
دەنگی باران
پێکەنینی منداڵ
باڵندەکان
با کاتێک دەدات لە درەختەکان
دەنگی دەریا
بەرد فڕێدانە ناو ئاو
ئەو دەنگانەی کە بۆ گوێ باشن دەکەون نێوان ٦٠ – ٨٥ دێسێبڵ.

📌دیسێبڵی ئەو ئامێرانەی کە لە ڕۆژانەدا بەکاریدەهێنیت
بەکارهێنانی ئامێری جل شتن ٥٠-٧٠ دێسێبڵ.
بەکارهێنانی ئامێری وشکردنەوەی قژ ٦٠-٩٥ دێسێبڵە.
تەلەفزیۆن ٧٠ دێسێبڵە.
ئەو یارییانەی کە زۆر نزیکن لە گوێچکەوە ١١٠دێسێبڵە.

📌دێسیبڵی ئەو دەنگانەی کە لە بۆنەکاندا گوێت لێ دەبێت
لێدان لە ئامێرە سیمفۆنییەکان ١٣٠ دێسێبڵە.
یاری تۆپی پێ (یاریگا) ١١٧ دێسێبڵە.
پێشبڕکێی ئۆتۆمبێل ١٣٠ دێسێبڵە.
چۆن گوێت دەپارێزیت لە دەنگەکان
خۆ بە دوورگرتن لەو دەنگانەی کە زیان بە گوێیەکان دەگەیەنن و پیویستە بە دوور بیت لە بەرکەوتنی ڕاستەوخۆ بەو دەنگانە.
ئەو سەرچاوەی کە دەنگەکەی لێوە دەردەچێت خۆتی لێ بە دوور بگرە. 

Tech

"homeOS"... ئەپڵ بە ڕۆبۆتێکی ناوازە بازاڕی ئامێرە زیرەکەکانی ماڵەوە دەکاتە ئامانج

بەپێی ڕاپۆرتێکی نوێی بلومبێرگی ئەمریکی، ئەپڵ هەوڵدەدات بوونی خۆی لە بازاڕی ئامێرە زیرەکەکانی ماڵەوە لە ڕێگەی ستراتیژییەکی نوێ و گەورە مەبەستەوە بەهێز بکات.

ئێستا کۆمپانیای ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، لەگەڵ شاشەیەکی زیرەک و ئامێرێکی پێشکەوتووی ڕۆبۆتی سەر مێز.

بلومبێرگ ئاماژەی بەوەدا کە گرنگیدانی ئەپڵ بە بازاڕی ئامێرە زیرەکەکانی ماڵەوە لەسەر بنەمای سێ پێکهاتەی سەرەکییە کە بریتین لە شاشە، زیرەکی دەستکرد و نەرمەکاڵا.

کۆمپانیاکە بەنیازە شاشەی ماڵەوە بە نرخێکی گونجاو بخاتە بازاڕەوە، هاوشێوەی ئایپاد، کە دەتوانرێت لە دەوروبەری ماڵەکەدا دابنرێت، هاوشێوەی بڵندگۆکانی HomePod.

ئەم شاشانە ڕێگە بە بەکارهێنەران دەدەن دەستیان بگات بە چەندین تایبەتمەندی وەک سەیرکردنی ناوەڕۆک و پەیوەندیکردنی FaceTime و گەڕان بە ئینتەرنێتدا.

پێشبینی دەکرێت زیرەکی دەستکرد ڕۆڵێکی گرنگ بگێڕێت لە ستراتیژی ئەپڵ بۆ ئامێرە زیرەکەکانی ماڵەوە، هەروەها سیستەمی زیرەکی ئەپڵ ڕێگە بە بەکارهێنەران دەدات بە وردی کۆنترۆڵی ئامێر و بەرنامەکان بکەن، هەروەها ئۆتۆماتیکی پێشکەوتوو لە ئامێرەکانی ماڵەوە بەدەست بهێنن.

بلومبێرگ ئاماژه ی به وه دا که ئه م ئامێره ڕۆبۆتییه که پێشبینی ده کرێت به نرخی هه زار دۆلار بخرێته بازاڕه وه ، یه که م به ڕهه م ده بێت که به ته واوی له سه ڕ پلاتفۆرمی زیره کی ده ستکردی Apple Intelligence پەرەی پێبدرێت، بەو پێیەی دەتوانێت لە ژینگەی دەوروبەری تێبگات و... بە شێوازی زیرەکتر کارلێک لەگەڵ بەکارهێنەران بکەن.

لە بەرەی نەرمەکاڵا، ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، کە لەسەر بنەمای سیستەمی tvOS دەبێت کە لە تەلەفزیۆنە زیرەکەکانی ئەپڵ تیڤیدا بەکاردێت کۆمپانیاکە لەم دواییانەدا دیزاینی بەرنامەی Home ی کردووەتەوە، ئەمەش ڕەنگدانەوەی پابەندبوونیەتی بە باشترکردنی ئەزموونی بەکارهێنەر لەگەڵ ئامێرە زیرەکەکانی ماڵەوە.

شایانی باسە کە هەوڵەکانی پێشووی ئەپڵ لە بازاڕی ئامێرە زیرەکەکانی ماڵەوە تا ئێستا سەرکەوتنی خوازراویان بەدەست نەهێناوە، بەڵام زۆر کاردەکات بۆ پەرەپێدانی پرۆتۆکۆڵی Matter بۆ ئامێرە زیرەکەکان بە مەبەستی پشتگیریکردنی پەیوەندی فراوانتر لەگەڵ ئامێرەکانی کۆمپانیاکانی تر.

پێدەچێت ئەپڵ دەرفەتی ئەوەی هەیە بۆ بەدەستهێنانی سەرکەوتن لەم بازاڕەدا، بە لەبەرچاوگرتنی ئەوەی کە ڕکابەرەکانی وەک ئەمازۆن و گووگڵ هێشتا نەیانتوانیوە زاڵ بن بەسەر ئەم بوارەدا. ڕەنگە ئەپڵ سوود لە ناوبانگە بەهێزەکەی وەربگرێت و سەرنجی لەسەر ئەزموونی بەکارهێنەر بێت بۆ بەدەستهێنانی سوودێکی کێبڕکێ بەسەر کۆمپانیاکانی تردا.