هەواڵ
چارەنووسی دادگای فیدراڵی دوای داواکاری خانەنشینبوونی سەرۆک و دەستلەکارکێشانەوەی 9 ئەندام
2025-06-23
سەرۆکی دادگای فیدراڵی داوای خانەنشینبوونی
کردووە و 9 ئەندامی دادگاکەش، نامەی دەستلەکارکێشانەوەیان پێشکەش کردووە، پەسەندکردنی
هەموو ئەمانە، هیچ کاریگەرییەکی لەسەر چارەنووسی دادگاکە نابێت و کارەکانی بەردەوام
دەبێت.
دوای پێشکەشكردنی نامەی دەستلەکارکێشانەوە لەلایەن
9 ئەندامی دادگای فیدراڵییەوە، سەرۆکی دادگاکەش داواکاری خانەنشینبوونی پێشکەشی ئەنجومەنی
دادوەری کرد.
هۆکاری پێشکەشکردنی نامەی دەستلەکارکێشانەوەی ئەندامانی
دادگای فیدراڵی " هەڵسوکەوتەکانی سەرۆکی دادگاکەیە"، ئەندامێکی دادگای فیدراڵی
کە نامەی دەستلەکارکێشانەوەی پێشكردووە بە دیجیتاڵ میدیای Micـی وت،" داواکاری خانەنشیبوونی سەرۆکی دادگا، نامان گەڕێنێتەوە".
باسی لەوەشكرد، "چاوەڕوانی بڕیاری ئەنجومەنی
دادوەری دەکەین لەسەر داواکارییەکانی ئێمە بۆ دەستلەکارکێشانەوە و داواکاری سەرۆکی
دادگاش بۆ خانەنشیبوون، بەپێی بڕیاری ئەنجومەن ئێمەش بڕیار دەدەین".
چارەنووسی دادگای فیدراڵی ئەو تەوەرەیە کە لە
دوای پێشكەشکردنی داواکاری دەستلەکارکێشانەوەی دادوەرانەوە بەردەوام باس دەکرێت، ئەندامێکی
دادگای فیدراڵی عێراق بە دیجیتاڵ میدیای Micـی رایگەیاند،" داواکاری خانەنشیبوونی سەرۆک و دەستلەکارکێشانەوەی
ئەندامانیش پەسەند بکرێت، دادگای فیدراڵی لە کارەکانی بەردەوام دەبێت".
دادگای فیدراڵی عێراق بەپێی یاسای ژمارە (30)
ساڵی 2005 پێکهێنراوە، ئەندامانی لەلایەن ئەنجومەنی باڵای دادوەرییەوە بە هەماهەنگی
لەگەڵ ئەنجومەنی دادوەری هەرێمەكان كاندید دەكرێن.
ئەگەر داواکاری خانەنشیبوونی سەرۆک و دەستلەکارکێشانەوەی
ئەندامانیش پەسەند بکرێت، بەپێی هەمان یاسا کارەکانی دادگاکە بەردەوام دەبێت و سەرۆک
و ئەندامی نوێ بۆ دادگاکە دیاری دەکرێت.
بابەتی لێکچو
-
هێرشی ئێران بۆسەر بنکەکانی ئەمریکا دەستیپێکرد.. قەتەر و ئیمارات گەشتەکانیان راگرت
هەواڵ2025-06-23
-
جەنگی ئێران و ئیسرائیل ناوی ئۆپنهایمەر بیری خەڵک دەهێنێتەوە
هەواڵ2025-06-23
-
جێگری وەزیری دەرەوەی ئێران: دیکتاتۆریی لەهیچ کەس قبوڵ ناکەین
هەواڵ2025-06-23
-
ئیسرائیل خۆی بۆ قەرەبوو وەرگرتنەوە لە ئێران ئامادە دەکات
هەواڵ2025-06-23
More News
 copy.jpg)
Most Popular
-
دادگای فیدراڵی ملیۆنێک و 200 هەزار موچەخۆری هەرێمی بێهیواکرد
هەواڵ2025-06-19
1
-
دادگای باڵای فیدراڵی کارەکانی وەستاند
هەواڵ2025-06-19
2
-
"نەبونی شەفافیەتی هەرێمی کوردستان هۆکاری نەناردنی موچەیە"
هەواڵ2025-06-21
3
-
بەهێزترین وێستگەی ئەتۆمیی ئێران، خەریکە سروشتی جەنگەکە دەگۆڕێت
هەواڵ2025-06-19
4
-
ئەوروپا لە ترسی بەشداری ئەمریکا و گەورەبوونی شەڕ دانوستانی ئەتۆمی لەگەڵ ئێران دەکات
هەواڵ2025-06-19
5
-
هێشتا ئیسرائیل دەستی نەگەیشتووە بە مانگە دەستکردەکانی ئێران
بنکۆڵکاری2025-06-19
6
-
وەزارەتی ناوخۆی عێراق: وەڵامی پەیوەندییە نێودەوڵەتییە نەناسراوەکان و لینکەکان مەدەنەوە
هەواڵ2025-06-21
7
-
بەدواداچونی مایک نیوز بۆ چارەنوسی موچە لەپاش وەستانی کارەکانی دادگای فیدراڵی
هەواڵ2025-06-19
8
هەواڵ
هێرشی ئێران بۆسەر بنکەکانی ئەمریکا دەستیپێکرد.. قەتەر و ئیمارات گەشتەکانیان راگرت
2025-06-23
هێرشی ئێران بۆسەر بنکەی سەربازی ئەمریکا لە قەتەر
دەستیپێکرد و ئیمارات و قەتەریش، گەشتە ئاسمانییەکانیان راگرت.
ئێران بنکەی ئەمریکی عەدیدی لە قەتەر بە موشەک بۆردومان کرد،
لە وەڵامی بۆردومانکردنی دامەزراوە ئەتۆمییەکانی لەلایەن ئەمریکاوە.
وەزارەتی دەرەوەی قەتەر بۆ ماوەیەکی کاتی هاتوچۆی ئاسمانی
وڵاتەکەی ڕاگرت بۆ دڵنیابوون لە سەلامەتی هاوڵاتیان و دانیشتوان و گەشتیاران.
هاوشێەی قەتەر، ئیمارات ئاسمانی خۆی داخستووە و هێڵی
ئاسمانی تورکیا سەرجەم گەشتەکانی بۆ ئیمارات هەڵوەشاندەوە.
ئیمارات و قەتەر بۆ خۆبەدوورگرتن لە زیانی هێرشەکانی ئێران
بۆسەر بنکە سەربازییەکانی ئەمریکا لە ناوچەکە، ئەو بڕیارەیان داوە.
ئێوارەی ئەمڕۆ، مەسعود پزیشکیان، سەرۆک کۆماری ئێران رایگەیاند،
"ئێمە بە هەموو توانامانەوە بەرگری لە ئاسایشی ئێران دەکەین و بە باوەڕ و ژیری
و ئیرادە، وەڵامی هەر ئازارێک دەدەینەوە کە لە ئێران دەیچێژێت".
هێرشی ئێران بۆسەر بنکە سەربازییەککانی ئەمریکا لە رۆژهەڵاتی ناوەڕاست، جەگی ئیسرائیل و ئێران
دەباتە قۆناغێکی نوێوە و پریشکی ئاگری شەڕەکە بناوچەکە دەگرێتەوە.
رۆژی 13ـى ئەم مانگە
ئیسرائیل هێرشی کردە سەر ئێران و سوپاسالار و فەرماندەی سوپای پاسداران و ژمارەیەک
بەرپرسی پللەباڵای سەربازی و نۆ زانای ئەتۆمی کوژران، پاشان هێرشەکانی ئێران بۆسەر
ئیسرائیل دەستی پێکرد.
لەو رۆژەوە هێرشی ئەو دوو وڵاتە بۆسەر ەکتری بەردەوامە و بەرەبەیانی 22ـى مانگ،
ئەمریکا هێرشی کردە سەر ناوەندی ئەتۆمی فۆردۆ لە ئێران، دوابەدوای هێرشەکە ئێران
هەڕشەی کردنە ئامانجی بنکەکانی ئەمریکای کرد.
