هەواڵ
لەهەرێمی كوردستان 220 هەزار كرێچی بوونی هەیە
2023-01-29
کۆمەڵەی کرێنشینانی هەرێمی کوردستان ئاشكرایكردووە، زیاتر لە 220 هەزار کرێنشین لە هەرێمی کوردستان هەن. ئەوەش لەكاتێكدایە بەردەوام حكومەتی ماوەبەسەرچووی هەرێم شوقەی نیشتەجێبوون بەناوی كرێنشینانەوە دروستدەكات بەڵام بەشێكی زۆریان لێی سودمەند نابن.
بەگوێرەی ئامارێكی کۆمەڵەی کرێنشینانی کوردستان كە دەست مایك كەوتووە، ئێستا زیاتر لە 220 هەزار کرێنشین لە هەرێمی کوردستان هەن.
پێشتر بەرهەم قەرەداغی، سکرتێری گشتیی کۆمەڵەی کرێنشینانی کوردستان لەكۆنگرەیەكی رۆژنامەوانیدا رایگەیاندبوو: پڕۆژەکانی نیشتەجێبوون بۆ خزمەتی چینی کرێنشین و کەمدەرامەتان نین، چینی کرێنشینان ناتوانن بچنە ناو پرۆژەکانی نیشتەجێبوون، چونکە نرخی کرێکانیان زۆر زیاتر لە توانای ئەوانە.
هاوكات کارزان رەسوڵ، سەرۆکی لقی هەولێری کۆمەڵەی کرێنشینانی کوردستان بەمیدیای پارتی راگەیاندووە: نزیکەی 25 هەزار کرێنشین لە هەولێر هەن کە ناویان تۆمارکردووە، بەڵام بەگوێرەی ئامارێکی فەرمی، نزیکەی 78 هەزار کرێنشین لە سەنتەری شاری هەولێر هەن کە ناویان تۆمارنەکردووە.
ئەوەشی خستووەتەڕوو: پڕۆژەیەکمان پێشکەشی ئەنجوومەنی پارێزگای هەولێر کردبوو بۆ ئەوەی کرێی خانوو بە پشتبەستن بە رووبەری خانوو دیاریبکرێت، بۆ نموونە 100 مەتری بە 200 هەزار بێت، ئەوەش بۆ رێکخستنی کرێ، بەڵام ئەنجوومەن وەڵامی نەداینەوە.
سەرۆکی لقی هەولێری كۆمەڵەی کرێنشینان، دەشڵێت: کێشەی حکومەتی هەرێمی کوردستان ئەوەیە پڕۆژەی نوێ رادەگەیەنێت، لە کاتێکدا پڕۆژەی تەواونەکراو هەن، بۆ نموونە نۆ هەزار یەکەی نیشتەجێبوون هەبوون کە بڕیاربوو وەزارەتی ئاوەدانکردنەوە دروستیان بکات، بەڵام تەواونەکران و حکومەتی هەرێمی کوردستان 20 هەزار یەکەی نیشتەجێبوونی تری راگەیاند، ئەوەش بڕیاربوو لە ماوەی دوو ساڵ تەواوبکرێت، بەڵام حەوت مانگ تێپەڕیوە و هیچ هەنگاوێک نەنراوە، کێشەی حکومەت لە بڕیار نییە لە جێبەجێکردنی بڕیارەکانە.
وتەكانی سەرۆكی لقی هەولێری كۆمەڵەی كرێنشینان لەكاتێكدایە مانگی ئایاری ساڵی 2022، حکومەتی هەرێمی کوردستان بڕیاری دروستکردنی 20 هەزار یەکەی نیشتەجێبوونی بۆ کەمدرامەتان دەرکرد بەڵام تائێستا بەپێی زانیاریەكانی مایك هیچ هەنگاوێك بۆ دروستكردنی نەنراوە.
مانگی حوزەیرانی ساڵی 2022، حکومەتی هەرێمی کوردستان فۆرمێکی بۆ 20 هەزار یەکەنیشتەجێبووەکە بلاوکردوەوە و زیاتر لە 119 هەزار کەس فۆرمەکەیان پڕکردەوە بەڵام بەپێی زانیاریەكانی مایك تائێستا بەهۆی بێسەروبەری لەسیستەمی پڕكردنەوەی فۆڕمەكان تەنانەت دەست بەجیاكردنەوەشی نەكراوە.
بابەتی لێکچو
More News
.jpg)
.jpg)
 copy.jpg)
Most Popular
هەواڵ
لە قەڵادزێ بەڕێکەوت و لە فەرەنسا خنکا
2024-04-25
لە
قەڵادزێ بەڕێکەوت و لە فەرەنسا خنکا
سلێمانی
- MIC
ژیلان
محەمەد ئەمین، کچە کوردێکی تەمەن 24 ساڵە و یەکێکە لە قوربانییەکانی رووداوەکەی
دوێنێ سێشەممەی نێوان فەرەنسا و بەریتانیا.
ژیلان
لەگەڵ چەند کەسێکی دیکەدا و یەکێک بووە لەو 100 سەرنشینەی کە لەناو بەلەمێکی
پەڕینەوەدابوون لە فەرەنساوە بۆ بەریانیا.
بەڵام
پێش گەیشتنیان چەند کەسێک دەکەونە ناو ئاوەکەوەو دەخنکێن کە یەکێکیان ژینایە.
زانیاری
ئەوە هەیە، رووداوەکە بەهۆی زۆری ژمارەی سەرنشینانی سەر بەلەمەکەوە بوبێت،
بەتایبەت کاتێک کە بەلەمەکە کەوتوەتە ڕێ، ژمارەیەک کۆچبەری ئەفریقیش لەڕێگەی
بەکارهێنانی فشارەوە چونەتە ناو بەلەمەکەوە و هەندێکیش دەڵێن شەڕ و ئاڵۆزی
روویداوە.
هێشتا
بەتەواوی هۆکاری خنکانی ژیلان و ئەوانی دیکە نییە، روونیش نییە کە ئاخۆ جگە لە
ژیلان لەناو خنکاوەکاندا کوردی دیکە هەیە یان نا، بەڵام ئەوەی دەزانرێت کە بەشێکی
زۆری کۆچبەرەکانی سەر بەلەمەکە عێراقی بوون و لەناو عێراقیەکانیشدا ژمارەیەک کورد
هەبوون.
تائێستا
نازانرێت کە ئاخۆ ژیلان محەمەد بەتەنها کۆچیکردوە یان خزم و کەسوکاری لەگەڵدا
بووە.
ساڵانە
لەکاتی پەڕێنەوەی کۆچبەران لەنێوان فەرەنسا بۆ بەریتانیا دەیان کۆچبەر دەخنکێن،
ئەوەش لەپێناو گەیشتنیان بۆ ئەو وڵاتە و مافی بەدەستهێنانی مانەوەیان.
هەرچەندە
لەچەند رۆژی رابردوودا پەرلەمانی بەریتانیا یاسای ناردنی کۆچبەرانی نایاسایی
وڵاتەکەی بۆ رواندا پەسەند کرد ئەوەش وەک هەولیک بۆ رێگریکردن لە چوونی کۆچبەران
بۆ ئەو وڵاتە، بەڵام لەگەڵ ئەوەشدا هێشتا کۆچبەران بە یەکێک لە وڵاتە دڵخوازەکەی
خۆیان دەزانن بۆ مانەوەیان و وەرگرتنی مافی پەنابەری.
