هەواڵ
فەرماندەی هێزەكانی هاوپەیمانان لەسەر یەكخستنەوەی پێشمەرگە چی بەبارزانی وتووە؟
2023-01-30
فەرماندەی هێزەكانی هاوپەیمانان لەسوریا و عێراق لەلایەن مەسعود بارزانی سەرۆكی پارتی دیموكراتی كوردستان پێشوازیكرا، فەرماندەكە بە بارزانی وتووە هاوپەیمانان خوازیاری ئەوەن پێشمەرگە بە نەفەسێكی تازە و دامەزراوەیی ڕێك بخرێتەوە.
لەراگەیەندراوێكی بارەگای بارزانیدا هاتووە:ڕۆژی دووشەممە 30ی كانوونی دووەمی 2023 لە سەلاحەددین مەسعود بارزانی پێشوازی لە جەنەڕاڵ مەكفارلێن فەرماندەی هێزەكانی هاوپەیمانان لە سووریا و عێراق بۆ شەڕی دژی داعش و شاندێكی یاوەری كرد.
بارەگای بارزانی ئەوەشی خستووەتەڕوو: لە دیدارەكەدا بارودۆخی مەیدانیی شەڕی دژی تیرۆریستانی داعش تاوتوێ كرا و جەخت لەوە كرایەوە كە تیرۆر مەترسییەكی بەردەوامە و هەتا ڕیشەكێشكردنی تیرۆر و هزری توندڕۆیی پێویستە كۆمەڵگەی نێودەوڵەتی و هاوپەیمانان و وڵاتانی ناوچەكە لەگەڵ یەكتر لە هەوڵ و هەماهەنگیی بەردەوامدا بن، هەر لەو دیدارەدا شاندی میوان ستاییشی ڕۆڵی هێزی پێشمەرگەی كوردستانی كرد و بە هێزێكی تۆكمە و خاوەن ورەی وسف كرد و ئەوەشی ڕاگەیاند كە هاوپەیمانان خوازیاری ئەوەن پێشمەرگە بە نەفەسێكی تازە و دامەزراوەیی ڕێك بخرێتەوە.
لەڕاگەیەندراوەكەی بارەگای بارزانیدا ئەوەش هاتووە: لەو كۆبوونەوەیەدا مەسعود بارزانی سوپاسی هاوكاری و هەماهەنگیی هاوپەیمانانی كرد لەگەڵ هێزی پێشمەرگە لە شەڕی دژی تیرۆریستاندا و هێماشی بەوەدا كە هێزی پێشمەرگەی كوردستان قوربانیەكی زۆری داوە بەڵام دواجار هەمیشە لە خەبات و تێكۆشانیدا سەركەوتنی بەدەست هێناوە. چونكە خاوەنی ئیرادەی خۆی و بەدوای دۆزێكی ڕەوا بووە و پێویستە ئەوە بەردەوام بێت و لەمەودواش هێزی پێشمەرگە بە گیانی نیشتیمانپەروەری و ئیرادە و بیروباوەڕەوە پەروەردە بكرێت و بەهێز بكرێت.
ئەمریكا چەندین ساڵە داوا لەپارتی و یەكێتی دەكات هێزەكانی پێشمەرگە یەكبخەنەوە و بیكەن بەهێزێكی نیشتیمانی، بەڵام تائێستا پارتی و یەكێتی و چەند لایەنێكی دیكە هێزی حزبی و كەسیان هەیە و نەیانتوانیوە هێزێكی یەكگرتوو دروستبكەن، هاوپەیمانانیش چەندین جار هەڕەشەی راگرتنی هاوكاریەكانیان كردووە ئەگەر هێزەكانی پێشمەرگە یەكنەخرێنەوە و چاكسازی لەوەزارەتی پێشمەرگە ئەنجام نەدرێت.
بابەتی لێکچو
More News
.jpg)
.jpg)
 copy.jpg)
Most Popular
-
ئەردۆغان دوای 12 ساڵ سەردانی هەولێر دەکاتەوە
هەواڵ2024-04-21
1
-
لەیەک مانگدا لە ئێران 40 کۆڵبەر بونەتە قوربانی و 36 چالاکیش دەستگیرکراون
هەواڵ2024-04-21
2
-
مامۆستایەکی زمانی کوردی بە 11 ساڵ زیندانیکردن حوکمدرا
هەواڵ2024-04-21
3
-
شوکولاتە خەمۆکی کەمدەکاتەوە
تەندروستی2024-04-21
4
-
ئەمریکا: دۆخی مافی مرۆڤ لە هەرێمی کوردستان خراپتر بووە
هەواڵ2024-04-23
5
-
نەوەی نوێ: پارتی و یەکێتی و هەندێک لایەن دەیانەوێت هەڵبژاردن دوابخەن
هەواڵ2024-04-23
6
-
لە قەڵادزێ بەڕێکەوت و لە فەرەنسا خنکا
هەواڵ2024-04-25
7
هەواڵ
لە قەڵادزێ بەڕێکەوت و لە فەرەنسا خنکا
2024-04-25
لە
قەڵادزێ بەڕێکەوت و لە فەرەنسا خنکا
سلێمانی
- MIC
ژیلان
محەمەد ئەمین، کچە کوردێکی تەمەن 24 ساڵە و یەکێکە لە قوربانییەکانی رووداوەکەی
دوێنێ سێشەممەی نێوان فەرەنسا و بەریتانیا.
ژیلان
لەگەڵ چەند کەسێکی دیکەدا و یەکێک بووە لەو 100 سەرنشینەی کە لەناو بەلەمێکی
پەڕینەوەدابوون لە فەرەنساوە بۆ بەریانیا.
بەڵام
پێش گەیشتنیان چەند کەسێک دەکەونە ناو ئاوەکەوەو دەخنکێن کە یەکێکیان ژینایە.
زانیاری
ئەوە هەیە، رووداوەکە بەهۆی زۆری ژمارەی سەرنشینانی سەر بەلەمەکەوە بوبێت،
بەتایبەت کاتێک کە بەلەمەکە کەوتوەتە ڕێ، ژمارەیەک کۆچبەری ئەفریقیش لەڕێگەی
بەکارهێنانی فشارەوە چونەتە ناو بەلەمەکەوە و هەندێکیش دەڵێن شەڕ و ئاڵۆزی
روویداوە.
هێشتا
بەتەواوی هۆکاری خنکانی ژیلان و ئەوانی دیکە نییە، روونیش نییە کە ئاخۆ جگە لە
ژیلان لەناو خنکاوەکاندا کوردی دیکە هەیە یان نا، بەڵام ئەوەی دەزانرێت کە بەشێکی
زۆری کۆچبەرەکانی سەر بەلەمەکە عێراقی بوون و لەناو عێراقیەکانیشدا ژمارەیەک کورد
هەبوون.
تائێستا
نازانرێت کە ئاخۆ ژیلان محەمەد بەتەنها کۆچیکردوە یان خزم و کەسوکاری لەگەڵدا
بووە.
ساڵانە
لەکاتی پەڕێنەوەی کۆچبەران لەنێوان فەرەنسا بۆ بەریتانیا دەیان کۆچبەر دەخنکێن،
ئەوەش لەپێناو گەیشتنیان بۆ ئەو وڵاتە و مافی بەدەستهێنانی مانەوەیان.
هەرچەندە
لەچەند رۆژی رابردوودا پەرلەمانی بەریتانیا یاسای ناردنی کۆچبەرانی نایاسایی
وڵاتەکەی بۆ رواندا پەسەند کرد ئەوەش وەک هەولیک بۆ رێگریکردن لە چوونی کۆچبەران
بۆ ئەو وڵاتە، بەڵام لەگەڵ ئەوەشدا هێشتا کۆچبەران بە یەکێک لە وڵاتە دڵخوازەکەی
خۆیان دەزانن بۆ مانەوەیان و وەرگرتنی مافی پەنابەری.
