زانست
بۆچی وڵاتانی زلهێز بۆ سیخوڕیكردن لەبری مانگی دەستكرد پەنا بۆ باڵۆن دەبەن؟
2023-02-04
لەسەردەمی مانگە دەستكردە پێشكەوتووەكان كە دەتوانن وێنەی سەر زەوی بگرن ئەگەر لە ئۆتۆمبێلیش بچوكتر بێت، ڕەنگە بیركردنەوە لەباڵۆن بۆ سیخوڕیكردن ئەستەم بێت بەڵام ئەم بیروبۆچوونە چیتر ورد نیە.
باڵۆنی سیخوڕیكردن ئامرازێكی دیارە چاودێریكردنی ئاسمان و كەشوهوابووە لەسەردەمی جەنگی سارددا، هەرئەوەنا بەڵكو پێش زیاتر لە 200 ساڵ بۆ كۆكردنەوەی زانیاری سیخوڕی باڵۆن بەكارهاتووە، بەڵام ئەوكات سادەتربوون و بچوكتریش بوون، بۆ یەكەمجاریش وەك گێڕانەوە مێژووییەكان باسی دەكەن لەسەردەمی ناپلیۆن بەكارهاتووە.
پسپۆڕانی ئەمنیی دەڵێن باڵۆنەكانی سیخوڕیكردن بەشێكن لە شۆڕشی گەشە و پێشكەوتن و سیخوڕی بەسەر ناوچە زۆر بەرزەكاندا، تەنانەت بەریتانیا ساڵی رابردوو ملیۆنان دۆلاری لەبەرنامەیەك بۆ پەرەپێدانی باڵۆنی سیخوڕی خەرجكردووە.
ئەوەی باڵۆنی هێنایەوە بەرباس، فڕینی باڵۆنێكی چینی بوو بەسەر ئاسمانی ویلایەتە یەكگرتووەكانی ئەمریكا هەرچەندە پەكین ڕەتیدەكاتەوە بۆ سیخوڕیكردن بووبێت، وەزارەتی دەرەوەی چین وتی باڵۆنەكە مەدەنی بووە و بۆ توێژینەوە بەكارهێندراوە هەروەها بۆ زانینی كەشوهەوا.
بەوتەی وەزارەتی دەرەوەی چین باڵۆنەكە بەهۆی نالەباری كەشوهەوا چووەتە ئاسمانی ئەمریكا، لەبەرامبەردا ویلایەتە یەكگرتووەكانی ئەمریكا دەڵێت ئەو باڵۆنە كە قەبارەكەی سێ هێندەی پاسێك بووە و لەسەر ئاسمانی ویلایەتی مۆنتانا بینراوە، ئەو ویلایەتەش دەكەوێتە باكوری رۆژئاوای ئەمریكا و چەندین وێستگەی ئەتۆمی سەربازی ئەمریكای تێدایە.
بەوتەی بەرپرسێكی باڵای ئەمریكا كە ئامادەنەبووە ناوی بهێنرێت، وڵاتەكەی دڵنیایە لەوەی ئەو باڵۆنە چینییە بۆ سیخوڕیكردن بووە بەسەر ناوچە هەستیارەكانی ویلایەتەكەو شوێنە سەربازیەكان.
ئەو باڵۆنانە كێشیان سوكە و پڕن لەگازی هیلیۆم، بەشێك لەباڵۆنەكانیش كامێرای چاودێری سیخوڕییان لێ بەستراوە كەكوالێتییان زۆر بەرزە بۆ وێنەگرتن.
ئەو باڵۆنانە دەتوانرێت لەزەوییەوە بۆ ئاسمان هەڵبدرێت و تا 18 هەزار پێ بەرزدەبنەوە واتە لەسەروو رێڕەوی فڕۆكە بازرگانیەكانەوە دەفڕێت، ناوچەیەك كە بە نزیك لەبۆشایی ئاسمان ناسراوە،لە كاتی هەڵفڕین لە هەوادا، ئەم باڵۆنانە تێكەڵەیەك لە ڕەوتی هەوا و گیرفانی هەوای پاڵەپەستۆكراو بەكاردەهێنن، كە دەتوانێت وەك جۆرێك لە فەرمان كار بكات.
بە وتەی پرۆفیسۆر مایكل كلارك شرۆڤەكاری ئەمنی و بەرگری ، گەورەترین سوودی باڵۆنە سیخوڕییەكان بەسەر مانگە دەستكردەكاندا ئەوەیە كە دەتوانن بۆ ماوەیەكی درێژتر لێكۆڵینەوە لە ناوچەیەك بكەن.
ئاماژەی بەوەشكرد، ئەم باڵۆنانە دەتوانن بۆ ماوەیەكی زۆر بەسەر ناوچەیەكدا بمێننەوە.
لە درێژەی قسەكانیدا كلارك وتی: بەهۆی شێوازی خولانەوەی زەوی، ئەگەر مانگی دەستكردەكە لە سەرووی هێڵی ئیستواوە نەبێت، پێویستت بە ٣-٥ مانگی دەستكرد دەبێت بۆ ئەوەی بەردەوام شوێنێكی دیاریكراو بەدوادا بگرێت.
وە ئاماژەی بەوەشكرد ئەم باڵۆنانە تاڕادەیەك هەرزانن، و زۆر ئاسانترە بۆ هەڵدانی لە چاو مانگە دەستكردەكان.
كلارك دەشڵێت: سەرەڕای بەكارهێنانی بەربڵاوی تەكنەلۆجیای مانگی دەستكرد، چەند وڵاتێك، لەوانەش بەریتانیا، سەرنجیان لەسەر پەرەپێدانی ئۆتۆمبێلی سیخوڕییە كە لە بەرگەهەوای سەرەوەدا دەفڕن.
وە مانگی ئابی ساڵی ڕابردوو وەزارەتی بەرگری بەریتانیا ئەنجامدانی گرێبەستێكی بە بڕی زیاتر لە 120 ملیۆن دۆلار لەگەڵ كۆمپانیایەكی ئەمریكی ڕاگەیاند، بە مەبەستی دابینكردنی كەشتی ئاسمانی بێ سەرنشین بۆ چاودێری و سیخوڕی.
بابەتی لێکچو
More News
 copy.jpg)
Most Popular
-
لە دوو ڕۆژی داهاتوودا بەغدا مووچەی مانگی هەشت دەنێرێت
هەواڵ2024-09-16
1
-
ڤاکسینی شێرپەنجەی سییەکان بەرهەمدەهێنرێت
تەندروستی2024-09-16
2
-
ئەو ئەزمونانەی پیاوان درەنگ لە ژیان فێریدەبن
ژیان2024-09-15
3
-
چۆن وابكەیت پەیوەندیت لەگەڵ هاوڕێكەت كورتخایەن نەبێت
-182024-09-15
4
-
تهقینهوهیهك ڕووی دا و پێشمهرگهیهك بریندار بوو
هەواڵ2024-09-16
5
-
مارێكی كۆبرا فڕۆكەیەك ناچار بە نیشتنەوە دەكات
ژیان2024-09-16
6
-
ئەمرۆ پلەی گەرما زیاتر بەرز دەبێتەوە
هەواڵ2024-09-15
7
-
ئەو فەرمانبەرانەی مۆڵەتی بێ مووچەن ئاگادار دەکرێنەوە
هەواڵ2024-09-16
8
هەواڵ
وەزارەتی دارایی عێراق لەبارەی مووچەوە راگەیەندراوێکی بڵاوکردەوە
2024-09-19
وەزارەتی دارایی عێراق، راگەیەندراوێکی لەبارەی مووچە بڵاوکردووەتەوە و دەڵێت، وەزارەتەکەمان پابەندە بە دابەشکردنی مووچەی فەرمانبەران، خانەنشینان، چاودێری کۆمەڵایەتی و سەرجەم هێزە ئەمنییەکان لە وادەی خۆیدا و بەپێی یاسا کارپێکراوەکان.
ئەم راگەیەندراوەی وەزارەتی دارایی لە کاتێکدا دێت، کە چەند رۆژێکە دەنگۆی ئەوە بڵاوبووەتەوە، ئەگەر نرخی نەوت روو لە دابەزین بکات، حکومەتی عێراق توانای دابینکردنی مووچەی نابێت.
وەزارەتی دارایی عێراق دەڵێت، ئەو دەنگۆیانەی بەم دواییە لەلایەن هەندێك لە كەسایەتییەكانەوە باسكراوە، سەبارەت بەوەی وەزیری دارایی رایگەیاندووە، لە مانگەكانی ئایندەدا توانای دابەشكردنی مووچەیان نابێت، بەتەواوی دوورە لە راستیییەوە. دەڵێت: وەزیری دارایی لێدوانی لەوشێوەیەی نەداوە.
هاوکات وەزارەتەکە لە راگەیەندراوەکەدا دڵنیایی لەبارەی زامنکردنی مووچە و دەرماڵەی وەزارەتی کارەبا دەدات.
