Tech

"ستارلینک مینی"؛ خزمەتگوزارییەکی نوێی ئینتەرنێت کە جیهان دەگۆڕێت

ستارلینک، خزمەتگوزاری ئینتەرنێتی بۆشایی ئاسمان، تایبەت بە کۆمپانیای "سپەیس ئێکس"ی ئیلۆن مەسک-ە، لەم دواییەدا خزمەتگوزارییەکی نوێی بەناوی ستارلینک مینی بڵاوکردووەتەوە کە ئامێرەکانی تەنانەت لەناو جانتایەکی بچووکیشدا جێی دەبێتەوە.

ستارلینک مینی بە وزەی پاتری کاردەکات، ئەستوورییەکەی نزیکەی ئەندازەی  لاپتۆپێکە، هەروەها ڕاوتەرێکی وای فای لەناو دیشەکەیدا جێگیرکراوە. ئەم ئامێرە دەتوانێت بە خێرایی زیاتر لە 100 مێگابایت لە چرکەیەکدا دایبەزێنێت. مەسک دەڵێت ئامێرەکە کە لە پێنج خولەک زیاتری پێناچێت بۆ دانانی، و جیهان دەگۆڕێت.

ئامێرەکە، بە تێکڕا تەنها 20-40 وات کارەبا بەکاردەهێنێت. ئەمەش واتە دەتوانرێت بۆ ماوەی دوو بۆ سێ کاتژمێر لە ڕێگەی شتێکی وەک پاوەر بانکی Anker Prime 27,650mAh (99.54Wh) بارگاوی بکرێتەوە.

قەبارەی ستارلینکەکە 298.5 x 259 x 38.5 ملم، و کێشی تەنها 1.1 کیلۆگرامە، یان 1.53 کیلۆگرام، توانای وەستاندنی هەیە.

ئامێرەکە بە ستانداردی IP67 دروستکراوە، واتە بەرگری لە تۆز و باران هەیە، تەنانەت دەتوانێت لە ژێر ئاودان لە ئاودا بژی.

بەم دواییە ستارلینک مینی لە ئەمریکا خرایە بازاڕەوە، بەڵام کۆمپانیاکە دەڵێت خزمەتگوزارییەکە لە ئێستاوە لە وڵاتانی کۆڵۆمبیا، سەلڤادۆر، گواتیمالا و پەنەما بەردەستە.

لەم وڵاتانەدا هیچ سنوورێک لە خێرایی و داتای بەکارهێنان، بۆ خزمەتگوزاری ستارلینک مینی دانەنراوە، بەڵام بەکارهێنانی ئەم خزمەتگوزارییە لەکاتی جوڵە یان لە دەریادا ڕێگەپێدراو نییە. کۆمپانیای سپەیس ئێکس دەڵێت دواتر خزمەتگوزارییەکە لە شوێنەکانی دیکە پێشکەش دەکات.

Tech

"homeOS"... ئەپڵ بە ڕۆبۆتێکی ناوازە بازاڕی ئامێرە زیرەکەکانی ماڵەوە دەکاتە ئامانج

بەپێی ڕاپۆرتێکی نوێی بلومبێرگی ئەمریکی، ئەپڵ هەوڵدەدات بوونی خۆی لە بازاڕی ئامێرە زیرەکەکانی ماڵەوە لە ڕێگەی ستراتیژییەکی نوێ و گەورە مەبەستەوە بەهێز بکات.

ئێستا کۆمپانیای ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، لەگەڵ شاشەیەکی زیرەک و ئامێرێکی پێشکەوتووی ڕۆبۆتی سەر مێز.

بلومبێرگ ئاماژەی بەوەدا کە گرنگیدانی ئەپڵ بە بازاڕی ئامێرە زیرەکەکانی ماڵەوە لەسەر بنەمای سێ پێکهاتەی سەرەکییە کە بریتین لە شاشە، زیرەکی دەستکرد و نەرمەکاڵا.

کۆمپانیاکە بەنیازە شاشەی ماڵەوە بە نرخێکی گونجاو بخاتە بازاڕەوە، هاوشێوەی ئایپاد، کە دەتوانرێت لە دەوروبەری ماڵەکەدا دابنرێت، هاوشێوەی بڵندگۆکانی HomePod.

ئەم شاشانە ڕێگە بە بەکارهێنەران دەدەن دەستیان بگات بە چەندین تایبەتمەندی وەک سەیرکردنی ناوەڕۆک و پەیوەندیکردنی FaceTime و گەڕان بە ئینتەرنێتدا.

پێشبینی دەکرێت زیرەکی دەستکرد ڕۆڵێکی گرنگ بگێڕێت لە ستراتیژی ئەپڵ بۆ ئامێرە زیرەکەکانی ماڵەوە، هەروەها سیستەمی زیرەکی ئەپڵ ڕێگە بە بەکارهێنەران دەدات بە وردی کۆنترۆڵی ئامێر و بەرنامەکان بکەن، هەروەها ئۆتۆماتیکی پێشکەوتوو لە ئامێرەکانی ماڵەوە بەدەست بهێنن.

بلومبێرگ ئاماژه ی به وه دا که ئه م ئامێره ڕۆبۆتییه که پێشبینی ده کرێت به نرخی هه زار دۆلار بخرێته بازاڕه وه ، یه که م به ڕهه م ده بێت که به ته واوی له سه ڕ پلاتفۆرمی زیره کی ده ستکردی Apple Intelligence پەرەی پێبدرێت، بەو پێیەی دەتوانێت لە ژینگەی دەوروبەری تێبگات و... بە شێوازی زیرەکتر کارلێک لەگەڵ بەکارهێنەران بکەن.

لە بەرەی نەرمەکاڵا، ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، کە لەسەر بنەمای سیستەمی tvOS دەبێت کە لە تەلەفزیۆنە زیرەکەکانی ئەپڵ تیڤیدا بەکاردێت کۆمپانیاکە لەم دواییانەدا دیزاینی بەرنامەی Home ی کردووەتەوە، ئەمەش ڕەنگدانەوەی پابەندبوونیەتی بە باشترکردنی ئەزموونی بەکارهێنەر لەگەڵ ئامێرە زیرەکەکانی ماڵەوە.

شایانی باسە کە هەوڵەکانی پێشووی ئەپڵ لە بازاڕی ئامێرە زیرەکەکانی ماڵەوە تا ئێستا سەرکەوتنی خوازراویان بەدەست نەهێناوە، بەڵام زۆر کاردەکات بۆ پەرەپێدانی پرۆتۆکۆڵی Matter بۆ ئامێرە زیرەکەکان بە مەبەستی پشتگیریکردنی پەیوەندی فراوانتر لەگەڵ ئامێرەکانی کۆمپانیاکانی تر.

پێدەچێت ئەپڵ دەرفەتی ئەوەی هەیە بۆ بەدەستهێنانی سەرکەوتن لەم بازاڕەدا، بە لەبەرچاوگرتنی ئەوەی کە ڕکابەرەکانی وەک ئەمازۆن و گووگڵ هێشتا نەیانتوانیوە زاڵ بن بەسەر ئەم بوارەدا. ڕەنگە ئەپڵ سوود لە ناوبانگە بەهێزەکەی وەربگرێت و سەرنجی لەسەر ئەزموونی بەکارهێنەر بێت بۆ بەدەستهێنانی سوودێکی کێبڕکێ بەسەر کۆمپانیاکانی تردا.