ژیان
بەهۆی دواكەوتنی گەشتەكەی بو بە ملیۆنێر
2024-07-23
دۆنا ئۆیبۆرنی تەمەن 75 ساڵ، كاتێك شێرپەنجەی وەرگرت لە مانگی حوزەیران، ویستی گەشتێك بكات بۆ فلۆریدا، بۆئەوەی سەردانی خێزانەكەیان بكەن، هەربۆیە لەگەڵ كچەكەی پێكەوە رۆیشتن بۆ فرۆكەخانە، به‌ڵام گەشتەكەی چەند جارێك دواخرا، هەربۆیە بڕیاریدا بگەڕێتەوە ماڵەوە و كچەكەی لەوێ مایەوە، لە رێگەی گەڕانەوە بلیتێكی بەختی بڕی.
ئۆسبۆرن رایگەیاند، لەناو بەنزینخانەدا بلیتەكەم بڕی، هەر لەوێش تەماشام كرد و بینیم براوەی 5 ملیۆن دۆلار بوم، باوەڕم بە چاوەكانم نەدەكرد، گەڕامەوە بۆ فرۆشگاكە و پێموت، "دەتوانیت تەماشای بكەیتەوە؟ ئەمە راستە یان هەڵە؟ ئەویش پێی وتم راستە.
كچەكەی ئۆسبۆرن گەشتەكەی بۆ فلۆریدا ئەنجامدا، كاتێك دایكی پەیوەندی پێوەكرد و هەواڵەكەی پێڕاگەیاند، باوەڕی بە دایكی نەدەكرد كە 5 ملیۆن دۆلاری بردوەتەوە.
ئۆسبۆرن بە بەرپرسانی تیروپشکی پێنسیلڤانیا وتوە کە پلانی هەیە بەردەوام بێت لە کارکردن و دەڵێت "نازانم چی دەکەم، بەڵام دەبێت بەردەوام بم"، هیوادارە گەشت بکات بۆ ئالاسکا و پلانی هەیە لەوێ وەبەرهێنان بکات.
More News
 copy.jpg)
Most Popular
-
زانیاریی نوێ لەبارەی مووچەی مانگی نۆ ئاشکرا دەکرێت
هەواڵ2024-10-13
1
-
دوو مادە بۆ بەشەخۆراک زیادکراون
هەواڵ2024-10-13
2
-
بۆچى بەراورد بە رابردوو ئێستا رێژەى قەڵەویی لە زیادبوندایە؟
تەندروستی2024-10-13
3
-
72 كەسی بەكرێگرتوە بۆئەوەی دەستدرێژی بكەنە سەر ژنەكەی
ژیان2024-10-13
4
-
بەئامانجگرتنی نەوتی ئێران لەلایەن ئیسرائیلەوە قەیرانی ئابووری جیهانی لێدەکەوێتەوە
هەواڵ2024-10-13
5
-
کۆمسیۆن: بۆ هەڵبژاردنەکەی پەرلەمانی کوردستان ئامادەین
هەواڵ2024-10-14
6
-
ئاگاداربن واتسئاپ ئەم کارە دەکات
Tech2024-10-14
7
-
وەزارەتی دارایی لەبارەی پارەی مووچەی هاوتاكراوی خانەنشینان روونكردنەوە دەدات
هەواڵ2024-10-14
8
Tech
"homeOS"... ئەپڵ بە ڕۆبۆتێکی ناوازە بازاڕی ئامێرە زیرەکەکانی ماڵەوە دەکاتە ئامانج
2024-10-17
بەپێی ڕاپۆرتێکی نوێی بلومبێرگی ئەمریکی، ئەپڵ هەوڵدەدات بوونی خۆی لە بازاڕی ئامێرە زیرەکەکانی ماڵەوە لە ڕێگەی ستراتیژییەکی نوێ و گەورە مەبەستەوە بەهێز بکات.
ئێستا کۆمپانیای ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، لەگەڵ شاشەیەکی زیرەک و ئامێرێکی پێشکەوتووی ڕۆبۆتی سەر مێز.
بلومبێرگ ئاماژەی بەوەدا کە گرنگیدانی ئەپڵ بە بازاڕی ئامێرە زیرەکەکانی ماڵەوە لەسەر بنەمای سێ پێکهاتەی سەرەکییە کە بریتین لە شاشە، زیرەکی دەستکرد و نەرمەکاڵا.
کۆمپانیاکە بەنیازە شاشەی ماڵەوە بە نرخێکی گونجاو بخاتە بازاڕەوە، هاوشێوەی ئایپاد، کە دەتوانرێت لە دەوروبەری ماڵەکەدا دابنرێت، هاوشێوەی بڵندگۆکانی HomePod.
ئەم شاشانە ڕێگە بە بەکارهێنەران دەدەن دەستیان بگات بە چەندین تایبەتمەندی وەک سەیرکردنی ناوەڕۆک و پەیوەندیکردنی FaceTime و گەڕان بە ئینتەرنێتدا.
پێشبینی دەکرێت زیرەکی دەستکرد ڕۆڵێکی گرنگ بگێڕێت لە ستراتیژی ئەپڵ بۆ ئامێرە زیرەکەکانی ماڵەوە، هەروەها سیستەمی زیرەکی ئەپڵ ڕێگە بە بەکارهێنەران دەدات بە وردی کۆنترۆڵی ئامێر و بەرنامەکان بکەن، هەروەها ئۆتۆماتیکی پێشکەوتوو لە ئامێرەکانی ماڵەوە بەدەست بهێنن.
بلومبێرگ ئاماژه ی به وه دا که ئه م ئامێره ڕۆبۆتییه که پێشبینی ده کرێت به نرخی هه زار دۆلار بخرێته بازاڕه وه ، یه که م به ڕهه م ده بێت که به ته واوی له سه ڕ پلاتفۆرمی زیره کی ده ستکردی Apple Intelligence پەرەی پێبدرێت، بەو پێیەی دەتوانێت لە ژینگەی دەوروبەری تێبگات و... بە شێوازی زیرەکتر کارلێک لەگەڵ بەکارهێنەران بکەن.
لە بەرەی نەرمەکاڵا، ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، کە لەسەر بنەمای سیستەمی tvOS دەبێت کە لە تەلەفزیۆنە زیرەکەکانی ئەپڵ تیڤیدا بەکاردێت کۆمپانیاکە لەم دواییانەدا دیزاینی بەرنامەی Home ی کردووەتەوە، ئەمەش ڕەنگدانەوەی پابەندبوونیەتی بە باشترکردنی ئەزموونی بەکارهێنەر لەگەڵ ئامێرە زیرەکەکانی ماڵەوە.
شایانی باسە کە هەوڵەکانی پێشووی ئەپڵ لە بازاڕی ئامێرە زیرەکەکانی ماڵەوە تا ئێستا سەرکەوتنی خوازراویان بەدەست نەهێناوە، بەڵام زۆر کاردەکات بۆ پەرەپێدانی پرۆتۆکۆڵی Matter بۆ ئامێرە زیرەکەکان بە مەبەستی پشتگیریکردنی پەیوەندی فراوانتر لەگەڵ ئامێرەکانی کۆمپانیاکانی تر.
پێدەچێت ئەپڵ دەرفەتی ئەوەی هەیە بۆ بەدەستهێنانی سەرکەوتن لەم بازاڕەدا، بە لەبەرچاوگرتنی ئەوەی کە ڕکابەرەکانی وەک ئەمازۆن و گووگڵ هێشتا نەیانتوانیوە زاڵ بن بەسەر ئەم بوارەدا. ڕەنگە ئەپڵ سوود لە ناوبانگە بەهێزەکەی وەربگرێت و سەرنجی لەسەر ئەزموونی بەکارهێنەر بێت بۆ بەدەستهێنانی سوودێکی کێبڕکێ بەسەر کۆمپانیاکانی تردا.
