زانست

شێرەکان سیستمێکی جیاوازی خواردنیان هەیە

Mic
2024-08-04

لە لایەکی دیکەشەوە، لەبەشێک لەباخچەکانی ئاژەڵان زۆرێک لە ئاژەڵەکان قەڵەون و تەنانەت توشی جۆرێک لە نەخۆشی دڵ و جۆری دووەمی شەکرەیان هەیە و شێرەکانیش بەرۆژودەبن.
لە ئەگەری نەبوونی خواردن و رووبەڕوبوونەوەی ئەو کاتانەی کە تێیدا دۆزینەوەی خواردن بۆیان قورس دەبێت، زۆرجار شێرەکان دەتوانن بۆ ماوەی نزیکەی دوو هەفتە بەبێ خواردن بژین و ئەوەش بەشێکی ئاسایی و سروشتی ژیانیانە کە دەکرێت بەهۆی تەمەن و تەندروستییان و ئەو ژینگەیەی تێیدا دەژین ماوەکە گۆڕانکاری بەسەردا بێت و بۆماوەی مانگێک درێژە بکێشێت.
پێکهاتەی جەستەی شێرەکان بەجۆرێکە کە لە ماوەی نێوان دوو هەفتە بۆ مانگێک لە ئەگەری نەبوونی خواردندا دەتوانن مێتابۆڵیزمی جەستەیان خاو بکەنەوە و چەورییە هەڵگیراوەکانیان بۆ وزە بەکاربهێنن و بەردەوام بن لە ژیانکردن، بەڵام ئەگەر ماوەکە لە مانگێک زیاتر بخایەنێت ئەوا دەبێتە هۆی لاوازبوونی جەستەی بەڕادەیەک بگاتە ئەوەی بەهۆی برسێتییەوە بمرێت.
شێرەکان بەوە ناسراون گۆشتخۆرن و ژەمی سەرەکییان خواردنی گۆشتە هەر ئەوەش وای کردووە بە پاشای دارستان بناسرێن، هەندێک جاریش وەک تیمێک کاردەکەن بۆ راوکردنی نێچیرەکانیان و بەردەوام هەوڵدەدەن لێهاتووی و تواناکانیان بەشێوەیەکی باشتر بۆ راوکردن بەکاربهێنن.
شێرەکان لەکاتی راوکردنی نێچیرێکدا لەگەڵ تیمەکەیاندا دەیخۆن و دواتر بۆ ماوەی چەند رۆژێک هیچ ژەمێک ناخۆن تاوەکو ئەو ژەمە شی نەبێتەوە و دواتر لە کاتی برسیبوونیاندا بەدوای نێچیرێکی دیکەدا دەگەڕێن.
هاوکات، شێرەکان خاوەنی چەناگەیەکی بەهێز و ددانێکی تیژن کە دەتوانن ئەو ئاژەڵانەش ببەزێنن کە قەبارەیان زۆر لە خۆیان گەورەترن.
شێر گەدەیەکی گەورەی هەیە کە لەتوانایدایە خۆراکێکی زۆر هەڵبگرێت و کاتێک نێچیرێکی گەورەی وەک گامێش راو دەکات، دەتوانێت بە یەکجار ٢٥٪ـی جەستەی بخوات کە ئەوەش وەک ئەوە وایە مرۆڤێک بە یەکجار ٤٠ هەمبەرگر بخوات.
لە حاڵەتی دەگمەنیشدا شێرەکان جگە لە گۆشت رووەک دەخۆن کە بە وتەی شارەزایان تەنها لەو کاتانەدا پەنا دەبەنە بەر خواردنی رووەک کە ئازاری گەدەیان هەبێت و بیانەوێت گەدەیان پاک بکەنەوە، یاخود لەو کاتەی کە زۆر برسین و نێچیرێک نادۆزنەوە بۆ ئەوەی راوی بکەن

بابەتی لێکچو

More News

Most Popular

هەواڵ

بۆ یەکەمجار شەڕ و جەنگ گرانی لە هەرێمی کوردستان دروست نەکرد

Mic
2025-06-24



لە 12 رۆژی جەنگی ئیسرائیل و ئێراندا، بازاڕەکانی هەرێمی کوردستان بۆ یەکەمجار توشی هیچ شڵەژانێک و بەرزبونەوەی نرخی کاڵاو شمەک نەبوو، لە کاتێکدا زۆرینەی کاڵای بازاڕەکانی ئێرانین. 


بەرەبەیانی 13ـى حوزەیران ئیسرائیل هێرشێکی چڕ و فراوانی کردە سەر کۆماری ئیسلامی ئێران، هێرشەکە یەکەم هێرشی ئاشکرا و راستەوخۆی ئیسرائیل بوو بۆ سەر ئێران.


ئیسرائیل گورزی کوشندەی لە ئێران وەشاند، جگە لە کوژرانی سوپاسالاری ئێران و فەرماندەی سوپای پاسداران و فەرماندەی هێزی ئاسمانی ئێران، چەندین فەماندەی پلەباڵای ئێران کوژران، هەروەها زیاتر لە 10 زانای ئەتۆمی ئێران کوژران.


ئێران هەمان رۆژ وەڵامی هێرشەکانی دایەوە و بەچڕی ئیسرائیلی موشەک باران کرد، دوای 12 رۆژ شەڕەکە بە کاتی وەستێندراوە و بڕیارە ئاگربەستی درێژخایەنیش بکرێت. 


هەرێمی کوردستان لە نێوان بەرداشی ئێران و ئییسرائیلدا بوو، بەشێک لە موشەک و درۆنەکانی هەر دوولا بەسەر ئاسمانی هەرێمدا تێدەپەڕین و لە چەند ناوچەیەکیش کەوتنەخوارەوە.


ئەوەی بۆ هەرێمی کوردستان جیاوازبوو لەم جەنگەدا، سەقامگیری دۆخی بازاڕەکانی بوو، نەک شتومەک گرانن نەبوو، بازاڕ هیچ شڵەژانێکی بەخۆیەوە نەبینی، بەڵکو بەشێک لە شمەک و پێداویستییەکان نرخەکانیان دابەزی.


گراننەبوونی کاڵا و پێویستی هاوڵاتیان لەکاتێکدابوو، بەشێکی زۆری ئەو بەرهەمانەی لە بازاڕەکانی هەرێمدان، بەرهەمی ئێرانییە، لە 12 رۆژ ئەو جەنگە قورسەی بەرۆکی ئێرانی گرتبوو، سنورەکان دانەخران و ئاڵوگۆڕی بازرگانی وەک خۆی بەردەوام بوو.


یەکێکی تر لەو هۆکارانەی کە وایکرد، لە بازاڕەکاندا هیچ شڵەژانێک روونەدات، دابەشنەکردنی مووچە بوو، کاتێک جەنگەکە دەستیپێکرد، 43 رۆژبوو مووچە دابەشنەکرابوو، ئەمەش وایکرد هاوڵاتیان بە لێشاو و زیاد لە پێویست شتومەک نەکڕن.


هاوڵاتیانی هەرێمی کوردستان لە کاتی ئەنجامدانی ریفراندۆم و بڵاوبونەوەی کۆرۆنا و قەدەغەی هاتووچۆ لەکاتی سەرژمێریدا، بەلێشاو روویان لە بازاڕەکان دەکرد بۆ کڕینی شتومەک، ئەمەش سڵەژانی لە بازاڕدا دروستت کرد و بووەهۆی بەرزبونەوەی نرخ، بەڵام تێپەڕاندنی ئەم جەنگە بەبێ شڵەژانی بازاڕ، هاوڵاتییانی هەرێم رادەهێنێت بۆ چۆنێتی مامەڵەکردنن لەگەڵ کێشە و قەیرانەکاندا.







TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved