هەواڵ
ئەمڕۆ ترەمپ کۆبوونەوەی ئاسایشی نیشتمانی ئەمریکا ئەنجامدەدات
2025-06-21
ئەمڕۆ، شەممە، کۆشکی سپی ئاشکرایکرد، دۆناڵد ترەمپ،
سەرۆکی ئەمریکا لە کاتژمێر 06:00ی ئێوارە بەکاتی ئەمریکا، کۆبوونەوەی ئەنجومەنی
ئاسایشی نیشتمانی ئەنجامدەدات، بەپێی خشتەی فەرمی خۆی.
ترەمپ، رۆژی هەینی بەرەو یانەی گۆڵفی تایبەتی خۆی
لە شاری بێدمینستەری ویلایەتی نیوجرسی بەڕێکەوت، بۆ ئەوەی بەشداری لە خوانێکی ئێوارەدا
بکات، بڕیارە پاشنیوەڕۆی ئەمڕۆ شەممە بگەڕێتەوە پایتەختی ئەمریکا.
دوێنی، دۆناڵد ترەمپ، لە لیدوانێکیدا بۆ
رۆژنامەوانان، رایگەیاند، تا ێستا بڕیاری نەداوە رێوشوێنی سەربازی لەدژی ئێران بگرێتەبەر.
لە لێدوانەکانیدا رایگەیاند، "لەگەڵ ئێران
قسە دەکەین و دەبینین لە داهاتوودا چی روودەدات".
جەختیشی لەوە کردەوە کە "ئێران نایەوێت قسە
لەگەڵ ئەوروپا بکات، بەڵکو پێویستە لەگەڵ ئێمە قسە بکات"، ئەمەش ئاماژەیە بۆ
پەسەندکردنی تاران بۆ دانوستانی راستەوخۆ لەگەڵ واشنتۆن.
سەبارەت بە بژاردەی سەربازی، ترەمپ دووپاتی کردەوە
کە "هێشتا بڕیاری نەداوە بۆ گرتنەبەری رێوشوێنی سەربازی دژ بە ئێران" و
ئاماژەی بەوەکرد کە شایستەی ئەوەیە خەڵاتی ئاشتی پێببەخشرێت لە ئێستادا.
سەبارەت بە هەڵسەنگاندنی خۆی بۆ دۆخی ئێستا، ترەمپ
رایگەیاند، "ئێران ئەو کەسەیە کە ئێستا ئازار دەچێژێت ونازانم چۆن شەڕەکە بوەستێنرێت
و رێگەیەک نابینیم بۆ وەستاندنی شەڕەکە و تەنها دوو هەفتە دەدەم بە ئێران".
بابەتی لێکچو
-
"نەبونی شەفافیەتی هەرێمی کوردستان هۆکاری نەناردنی موچەیە"
هەواڵ2025-06-21
-
وەزارەتی ناوخۆی عێراق: وەڵامی پەیوەندییە نێودەوڵەتییە نەناسراوەکان و لینکەکان مەدەنەوە
هەواڵ2025-06-21
-
دەستلەکارکێشانەوەی ئەندامانی دادگای باڵای فیدراڵی کێشە بۆ هەڵبژاردنی پەرلەمانی عێراق دروست دەکات
هەواڵ2025-06-21
-
دادگای فیدراڵی ملیۆنێک و 200 هەزار موچەخۆری هەرێمی بێهیواکرد
هەواڵ2025-06-19
More News
 copy.jpg)
Most Popular
-
دوای 46 ساڵ؛ ئیسرائیل و ئەمریکا دەیانەوێت خێزانی شا بکەنەوە دەسەڵاتدار
هەواڵ2025-06-17
1
-
کورد، سوننە و بەشێک لە شیعەکان خۆیان لە شەڕ دورەپەرێز دەکەن
هەواڵ2025-06-16
2
-
ترەمپ گەڕایەوە بۆ واشنتۆن و دەڵێت شتی زۆر گەورە بەڕێوەیە
هەواڵ2025-06-17
3
-
دادگای فیدراڵی ملیۆنێک و 200 هەزار موچەخۆری هەرێمی بێهیواکرد
هەواڵ2025-06-19
4
-
سوریا خۆی لە هێرشی ئیسرائیل بۆ سەر ئێران بێدەنگکردووە
هەواڵ2025-06-17
5
-
جووەکانی هەرێمی کوردستان لە شەڕ نیگەرانن و بە یاسا پارێزگارییان لێ دەکرێت
هەواڵ2025-06-17
6
-
داخستنی گەروی هورمز و کاریگەریی لە ڕوی ئابورییەوە
هەواڵ2025-06-18
7
-
هەرێمی کوردستان رێگەنادات حزبەکانی رۆژهەڵات دژی ئێران جموجوڵ بکەن
هەواڵ2025-06-18
8
هەواڵ
"نەبونی شەفافیەتی هەرێمی کوردستان هۆکاری نەناردنی موچەیە"
2025-06-21
پەرلەمانتارێکی عێراق،
کە وتەبێژی کوتلەی سادیقون (سەر بە قەیس خەزعەلی، سەرۆکی بزوتنەوەی عەسئیبی ئەهلی
حەق)، ئاشکرایکرد، حکومەتی هەرێمی کوردستان شەفاف نییە و ئەوەش هۆکاری نەناردنی
موچەی فەرمانبەرانە.
محەمەد کەریم ئەلبەلداوی، جێگری سەرۆکی لیژنەی
پلاندانانی پەرلەمان، بە میدیاکانی راگەیاندووە، "مامەڵەکردن لەگەڵ حکومەتی فیدراڵی
دەبێت لەسەر بنەمای شەفافیەت بێت، بەبێ ئەوەی پەنا بۆ شێوازی چەوت و تەمومژاوی ببرێت".
ئەلبەلداوی دەڵێت: "کاتێک حکومەتی هەرێم
ناو و پەنجەمۆری هێزە سەربازییەکان نانێرێت بۆ بەغداد، ئەوە هەوڵێکە بۆ
بەلاڕێدابردن و دەستکارییکردنی پرسە هەستیارەکان".
تەیف سامی، وەزیری دارایی عێراق، نزیکایەتی
هەیە لەگەڵ عەسائیبی ئەهی حەق، هەروەها محەمەد کەریم ئەلبەلداوی، وتەبێژی فەرمیی
عەسائیبە، پشتیوانی لەو رێوشوێنانە دەکات کە وەزارەتی دارایی عێراق لەبارەی موچەی
موچەخۆرانی هەرێمەوە گرتویەتیەبەر.
ئەلبەلداوی جەختلەوە دەکاتەوە کە "هیچ نهێنییەک
لە کارکردن لەگەڵ دامودەزگاکانی دەوڵەتدا نییە، حکومەتی هەرێم دەبێت نەرمیی
بنوێنێت و بەرپرسیارانە مامەڵە بکات، بۆ ئەوەی کێشە هەڵپەسێردراوەکان چارەسەر
بکات، دیارترینیان مەلەفی مووچەیە، کە کاریگەری لەسەر توێژێکی بەرفراوانی هاووڵاتیان
هەیە".
ئەو پەرلەمانتارە هیچ ئاماژەیەکی دیکەی بە
هەوڵەکان بۆ چارەسەرکردنی پرسی موچەی فەرمانبەرانی هەرێم نەکردووە، لەکاتێکدا دوو
مانگە موچە و شایستە داراییەکانیان لە بەغدادەوە نەنێردراوە و پرسەکە بە هەڵپەسێردراوی
ماوەتەوە.
